تجمُع طآلبآت بحث وتدريب - د/ أمل دمنهوري ~

[milami]

السلام عليكن و رحمة الله وبركاته ,

زي ما قلتوا يا بنات كان الله بعوننا مع أستاذتنا ومثل ما قالت الأخت غاردينيا بالتحديد

انا كنت حضرت الاجتماع الثاني لأني من خارج جدة

وتكلمت عن الأماكن أنوا من الأفضل نبدأ في أي مكان لأنوا ما في وقت سواء قطاع خاص أو عام

لكن بما إني موارد بشرية فيفضَل الخاص فقلتلها إني لقيت مدرسة أهلية ما كانت مقتنعة بس قالت لي

لاقيلك تدريب في قسم شؤون الموظفات والحمدلله بدأت التدريب من هالأسبوع كإدارية

لكن تأتي مشكلة التقرير عن أي موضوع أكتب أنا شايفة الوضع جيد من وين أجيب مشكلة ؟!!!!

هي قالت التقرير عندها يكون بحدود من 12 إلى 15 أو 18 كحد أقصى طبعاً بدون صفحات

الفهرسة والمراجع وغيرها .

الإستبيان نوزعها ل7 إلى 9 أشخاص والبور بوينت فيها نقاط الأساسية دون تحديد ععد السلايدات

ما أدتَنا رقم جوالها والإيميل إن كنا محظوظات ترَد علينا ممكن إلى بعد أسبوعين

في حال عدم الرَد نضطر ننزل عشان نشوفها , وبالنسبة لي قالت يا ريت لو بديتي الكتابة تخلَي وحدة من البنات تجيب اللي كتبتيه عشان أصحح لك وتكمَلي بعدها

يا سلام اذا ما عندي وحدة اش أسوي ها؟!!!!!!!!!!!!!!!!!!!!!!!!!!!!!!

عذراً للإطالة ^^

[gardenia]

يآبنات في شي مهم جدآ قالت عنو الدكتوره ونسيت أقولكم هو سامحوني ..

قالت لو جبتيلها عقد عمل من المكان اللي أتدرتي فيه تيجي وإنتي ضامنه درجتك ومتطمنه جدآ :)

بمعنى : المكان اللي تتدربي فيه يوقعوآ معآكي عقد عمل يعني تشتغلي معآهم بعد كدآ بإذن الله

وبالنسبه للتدريب حاولو يابنات تدربو من الآن لأنو مافي وقت علشآن بعدين نتفرغ للبحث ..

غير كدآ هي قالتلنا لازم على الأسبوع الجاي نسلمها الصفحه الأولى من مسودة البحث ..

يعني تكوني جمعتي معلوماتك عن الموضوع اللي حابه تكتبي فيه البحث وملاحظآتك وتروحيلها تستشيريها

في موضوع البحث عشآن تبدأي فيه وإنتي متطمنه عشآن لاتضطري تغيريه بعد ماتكوني مشيتي فيه ..

والله يوفقنآ وييسرلنآ أمــرنـآ آللهمـ آآميـــــن ~

[غلا&جده]

تسسسسلمون غرومه وgardenia


gardenia

اذا روحتيلها بالله قوليلنا ايش يصير معاكم وبعدين اسستفسري عن طريقه تواصلنا بذات اللي خارج جده

ارسلتلها يمكن 4 ايميلات ماترد

ابغى ترد عشان انا ابدأ

[berin]

انا لله

اوف ماكنت ابغاهم يحطوني عند امل

كنت معها التيرم اللي راح بس على اخر لحظه حذفت المادة لانها مش متعاونه معنا ابدا

خصوصا احنا ياللي برا جده اتذكر ارسلت لها مليون ايميل ماردت ولا على واحد

وش السواة الحين

اصلا مااخر تخرجي الا هي

حسبي الله ونعم الوكيل

فيه شي غريب اذا فتحت الاودس من اللاب القى جدولي فاضي!

بس لما شيكت عليه من تطبيقهم في الايفون لقيت المادة موجوده

فيه احد صار له كذا ؟! :\

[شهرزاد احمد]

بااااك
كيفكم صبايا
حبيت اعطيكم خبر الدكتوره عامله اجتماع ثاني يوم الاربعاااء لطالبات البحث انتساب وانتظام في نفس المبنى الساعة العاشرة وكاتبه الحضور مهم
والي من برا جده ان شاا لله نتعاون معاكم بس لازم تحضرين لها لو مرتين او مرا وتفهمينها وتقولين لها من برا جده لنه الاجتماع الاول وحده قالت لها انا من برا قالت اكتبيلي اسمك وانك من برا وراح اقول لكم عن تقرير بالكامل بما انك برا وانا اشوف انك تحضرين بنفسك وتشرحين لها افضل لك
يابنات بطلو تشائم خلاص خلونا نتفائل مابيدنا شي غير نتوكل على الله ونتفائل الله يسهلهااا يارب

[gardenia]

الله يعطيكي العآفيه شهرزآد ~ بالفعل يَ بنات بكره بإذن الله في إجتمآع لدكتوره أمل مع

طآلبات الإنتساب والإنتظآم في مكتبها الساعه العآشره صبآحاً ..

وكآتبه الحضور ضروري .. وإنشآلله رح نسألها عن كل شي وعن طريقة توآصلكم معآها من برآ جده لآتقلقو ..

موفقين يآرب ولـي عودهـ ~

[غلا&جده]

شهرزاد مو الكل يقدر يجي انا ظروف شغلي ماتسمح انو انزل

وافونا بأخر الاخبار

[بنانة12]

بنات ايش صار معاكم عطونا خبر
ويليت احد يفهمني قصة البحث عن ايش نكتبه وكيف يليت

[شهرزاد احمد]

باااااك .. كيفكم
حبيبتي غلا عارفه انه الكل عنده ظروف يوم الاجتماع والله كان فيه بنات من دمام وبرا جده فقالت الي من برا وتبغا تجي راح تقدر تجي صدقوني لازم الواحد يتعب لجل مصلحته عشان كذا بقول لكم الي من برا تجي لو بس اول يوم اقلها تكتب اسمها لنها توزع لكل ووحده ورق وتكتب بيانتها وكذا ولاكذا لازم تجين الجامه لوو اخر دونيا تسوين دراسة تخرج
معليشش مقدره انه كل وحده وعندها ظروفها بس لواحد لازم يتعب ويجتهد لجل لنجاح وهي قالت بلسانها الي تبي تجي تقدر تجي لو اخر الدونيا

المهم
كان كلاامها يوم الاجتماع عن كيفية كتابة التقرير وخطواتها تشرحلك خطوه خطوه وزعت ملزمه كيفية كتابه تقارير وفيه كلام لازم تعبيه فترة تدريبك وايش المشاكل الي واجهتيها وحلولها ..... الخ
قالت المفروض خلاص كل وحده تبدا تدريب وماعاد راح تسوي اجتماع بس الي تبغا تجي وعندها سؤال هي حاضره وراح تساعدها بس قبل كل شي تبغا من كل وحده قبل تبدا تجيها بمسوده وتكون مختاره 3 مواضيع لتقرير وهي تساعدك وتختار وتقولك اذا صح ولا لا
ربنا معانا والله يوفقنا ياررررب

[غلا&جده]

المشاركة الأصلية كتبت بواسطة شهرزاد احمد باااااك .. كيفكم حبيبتي غلا عارفه انه الكل عنده ظروف يوم الاجتماع والله كان فيه بنات من دمام وبرا جده فقالت الي من برا وتبغا تجي راح تقدر تجي صدقوني لازم الواحد يتعب لجل مصلحته عشان كذا بقول لكم الي من برا تجي لو بس اول يوم اقلها تكتب اسمها لنها توزع لكل ووحده ورق وتكتب بيانتها وكذا ولاكذا لازم تجين الجامه لوو اخر دونيا تسوين دراسة تخرج معليشش مقدره انه كل وحده وعندها ظروفها بس لواحد لازم يتعب ويجتهد لجل لنجاح وهي قالت بلسانها الي تبي تجي تقدر تجي لو اخر الدونيا المهم كان كلاامها يوم الاجتماع عن كيفية كتابة التقرير وخطواتها تشرحلك خطوه خطوه وزعت ملزمه كيفية كتابه تقارير وفيه كلام لازم تعبيه فترة تدريبك وايش المشاكل الي واجهتيها وحلولها ..... الخ قالت المفروض خلاص كل وحده تبدا تدريب وماعاد راح تسوي اجتماع بس الي تبغا تجي وعندها سؤال هي حاضره وراح تساعدها بس قبل كل شي تبغا من كل وحده قبل تبدا تجيها بمسوده وتكون مختاره 3 مواضيع لتقرير وهي تساعدك وتختار وتقولك اذا صح ولا لا ربنا معانا والله يوفقنا ياررررب

لو ظروف خاصه فيني راح اقدر ازبط وضعي بسسس اذا مديرتي في الدوام مو راضيه تديني اجازه ايش نسسسوي يعني

وبعدين المفروض ترد على ايميلاتنا