معاناااات طالبة السنة التحضيرية:(

[*قطــ ع ـة ســ ك ـــر*]

راح ادخل في الموضوع على طول

اليوم طبعا زي ما الكل عارف كنا في لقاء مع العميدة وطبعا انا قلت هذي الي راح تحل كل الاسئله

وكنت رايحه وانا متفائله وهي الوحيد الي راح تجوب على كل الاسئله الي عندي

المهم بس وصنا هناك بدات اسئلت البنات طبعا انا قمت قلت مراح اضيع هذي الفرصه من يدي

لازم اعرف ايش راح يكون مصيري في النهايه وسئلتها بنسبه ليه انا لاني حامله مادة الاحصاء هل في ترم صيفي قالت في الحمدالله فرحت بس الشي الي صدمني والسؤال الاهم هل في تخصصات صحيه لي البنات الي حاملين مواد جاوبت وبكل سهوله لا ...................؟؟

انا هنا تنحت قالت في نفسي يعني خلاص عشان مادة تافه حقيره ماادخل الشي الي اتمنى كنت طول حياتي من جد هذا الشي خلاني ابكي ليه كذا صرنا ليه مستوى التعليم عندنا وصل كذا يجربو على دفعه عشان يشوفو اذا الخطه هذي ينفع تطبق او لا احلامنا وطموحاتنااا تتبخر بكل سهوله

عشان خطا جامعه عشان فشل خطه عشان سوء تنظيم احنا ايش ذنبنا ليه كل هذا يصير فينا

بس والله مااقول غير حسبي الله ونعم الوكيل فيكي ياجامعة الملك عبدالعزيز

الله يوفقني ويسهل امري لانو من جد انا هنا احس نفسي مره تحطمت

يعني اتعب نفسي ثلاث سنوات ثالث ثانوي واجيب معدل عالي والقدرات والتحصيلي ومعدل عالي

وفي النهايه عشان ماده هبله كل هذا التعب يضيع ..........فين العدل الي هنا فين التفاضل الي يقولو عليه ليه عاملين ترم صيفي على كذا ماابغى اذا مراح ادخل الشي الي ابغى ليه اكمل من الاصل

بس من جد الي نفسي هذا الكلام يوصل لي احد مسؤل لي احد لو يد في هذا الموضوع

وياليت يوصل والله من قلب ابغى يوصل

وشكرا بصراحه انكم قريتو معاناتي وسمعتو ليه من جد مره شكرا

والله يوفقكم وييسرلكم الشي الي تبغو :(

يارب ان كان ليه حق تاخذو منهم وان كنت انا ظلمتهم يارب سامحني

يارب تسهلي الشي الي ابغى واقدر اوصلو بكل مافيه لانو يارب انت الوحيد الي عارف قد ايش انا تعبت وقد ايش ابغى هذا الشي يارب تستجيب لي دعوتي يارب امييييييييين