لكل من حصل على معدل مرتفع في خطة ( أ )

[M!SS Lara]

^^^^^
الافضل تبادلي كتبك حبيبتي ..

انا اشوف انو كتاب الماث مهم لأنو شرحه حلو ومرتب والفيزياء مش ابدا إلا الشابتر التاسع

[طموح بنوتة]

المشاركة الأصلية كتبت بواسطة m!ss lara ^^^^^ الافضل تبادلي كتبك حبيبتي .. انا اشوف انو كتاب الماث مهم لأنو شرحه حلو ومرتب والفيزياء مش ابدا إلا الشابتر التاسع

يسلموو ياا قلبي
*ـ^

[اللهم صلي على المصطفى]

السلام عليكم
في البدايه حابه انبهك على نقطه معينه قد تختلف طريقه المذاكره من شخص الى شخص في اشياء معينه بس الشي المشترك
والكل يوافق عليه اكيييد (مذاكره كل شي اول باول ) ولا تراكمي المحاضرات عليكي واي شي مو فاهمته لاتترددي في السؤال ابداااااااا المهم في هذي الخطه الفهم ثم الفهم

هذي الخطه حلوووه وبجد راح اشتاق للريضياات مررررره بس يبغالها شدت حيل

الرياضيات والفيزياء اهم شي الاستاذات في المرتبه الاولى
الريضيات / درستني اماني باجمال انسانه روووعه وتفهــــم وكانت بعد ماتنتهي من اي فقره تسال احد عنده سؤال واذا عندك اي استفسار بعده يمديكي تروحي ساعاتها المكتبيه ماعمرها حسيتها انها اضايقت ابداااا <<كنت بلشه ترى عندها خخخ
وكانت تنبهنا عن الاخطاء اللي يغلطوها البنات كثير في الاختبارات او الاسئله اللي ممكن تجي
بجد جدا متعونه بس عيبها انها سرررريعه ولازم ترجعي البيت تثبتي المعلومات ولا بتروح منك

وفي استاذات ماث يمدحوهم كثير زي هدى افندي دعاء قاروت وهتون شعيب

الفيزياء / اهم شي الفيزياء تعرفي وتفهمي الاساسياااااااات لانوا في الاختبارات مايجيبوا ابدا مسائل معقده
وكان الاكثر الاشياء الاساسيه الدقيقه والمسائل السهله اللي تعرفي ايش تستخدمي من قانون ...درستني هناء فرحان متعاونه لابعد درجه وطيبه جداااا جدااااا وكانت تساعدنا قد ماتقدر كانت تنزلنا ملخصات لكل شبتر وكانت مره مفيده حتى بنات كثيرين يذاكروا منها من غير شعبتها وتنزل في المكتبه اسئله اختبارات العام مع الحل بالطريقه <<وهيا تكون حلتها
انا مااقول انها احسن وحده ولا اسواء وحده الصراحه كانت (متوسطه ) لازم تركزي معاها تمام في المحاضره
بس اللي اعرفه في استاذات مره كويسات زي لبنى سندي وسنا اباظه ووجود الديري
واللي انبهك منه استاذه اسمها اماني السريحي هذي لو جيتي عندها انقلي على طوووووووووووووووووول من غير تفكير درستني محاضرتين والحمد الله نقلوني هما من نفسهم بجد كانت اسوا محاضرتين حضرتها

اما الحاسب والاتصال اهم شي استاذات طيوبات لانوا الدرجات في يدهم
الحاسب درستني ساره نصيف /مرره عسل وحتى غلط كم غلط في الاختبار العملي بس تراعي واعطتني الدرجه الكامله اما الاتصال الصراحه نص ونص درستني ساره الشهري
واسفه على الاطاله وبالتوفيق

[وعد2012]

انا جبت الفل مارك في الماث والفيزكس واذا تبغي تاخذي بنصيحتي الماث زاكري من الكتاب وحلي الهوم وورك و استعيني بملخصات السعدي و حلي نماذج اسئلة سابقه لأنها كتيييير حتفيدك وبالنسبه للفيزياء انا كنت عند سناء اباظه وفادتني كتير وكنت احل السكاشن ونماذج الاختبارات اللي تنزلها لبنى سندي بموقعها لأنها هي منسقة المادة وبالنسبه للملخصات ما كنت ازاكر من اي ملخص بس كنت اطلع على التست بانك لأشرف واما مهارات الاتصال والحاسب فهي سهله مره تقدري تاخذي الفل مارك بس زاكريها كويس ......وان شاء الله اكون قد افدتك

[M!SS Lara]

^^^^6
طموح بنوته ..
ادرسي من السعدي وحتجيبي 100 من 100:)

الكتاب انتي اصبري ع حسب دكتورتك ..احنا دكتورتنا كانت تقولنا طالعو بالكتاب وتشرح لنا احيانا وعيوننا ع الكتاب لأنو كمان مافي وقت ترسم الرسمات وتكتب الاسأله كاملة ع السبورة

بس السر تكوني عند دكتورة كويسه
انا كنت مع نهلة الدواليبي وممتازة ماشاء الله عليها

[M!SS Lara]

^^^^^

الكتب الي تبيع الملخصات والكتب المصورة هي دار الحافظ ودار الهدى والقلم والشقري
كلها جمب بعض اصلو:)

[طموح بنوتة]

اللهم صلي على المصطفى
Miss-ShoSho
M!SS Lara
الله يسعدكم كلكم ياا عسولات بجد افدتوني موفقين ياارب
*ـ^

[ساعتي خربانه]

بناإاإ سوشرتوني ايش افضل بالرياضيات اشرف ولا السعدي
والفييزيا اشرف ولامين

واله كل وحدا تمدح ابغا افضل واحد

[Syreenaa]

(اللهم صلي على المصطفى)
اول شي حبيبي اسمها ( دكتورة اماني السريحي ) مو (استاذة اماني السريحي )
تاني شي دكتورة اماني من احسن الدكاترة في القسم ...
لو انتي بتذاكري اول بأول و تحضري المحاضرات و تركزي فيها كنتي حتنجحي بإمتياز عندها ..
دكتورة اماني مو من الدكاترة اللي تعطي طالبة درجة ماتستحقها ؛
يمكن الطالبات غالبا يتضايقو من دا الشي ..
بس انا اقلك هيا ليش ما تسوي كدا مع انو اغلب الدكاترة يعملو كدا ..
لانو هيا عندها قناعات معينة بخصوص شغلها هيا تحسب حساب ربنا
و انها راح تتحاسب على دا الشي يوم القيامة ...
و انا شايفة انو دا الصح لانو ولااحد حيفيدها في الاخره
لا انا و انتي ولا غيرنا ولا حتى كلام المنتديات هادا ...
وبأضيفلك معلومة يمكن ما تعرفيها لو هيا سيئة في شرحها زي ما قلتي
ما كان في طالبات عندها في مادة ( كهرو ) اخدو a+ ..
و تقدري تسألي طالبات الترم اللي راح ..
الدكتورة دي درست في ارقى و اقوى الجامعات في بريطانيا
و اخدت الدكتوراه بامتياز و بتعبها و حهدها مو بفضل دكتورة كانت تعطيها درجات ..
اتمنى ما تستعجلي في حكمك على الناس .. مو محاضرتين هيا اللي تخليكي تقيمي شرحها ..
الترم اللي راح في مادة حاسوبية كانت في مجموعة ما تذاكر و ما تحضر رسبو في المادة بسبب اهمالهم مو بسبب فشل او خلل في الدكتورة ....
اعتذر على الاطالة .. و شكرا ،،،،

[fofa_t]

بنات

هذي ملخصات للفصل الاول والثاني فيزياء مشروحه وسهله ابغي رايكم والله شكروا فيها

ما عرفت انزلها كيف علي الموقع قلت انزلها برابط

https://rapidshare.com/files/2725378...%8A%D9%85).pdf

https://rapidshare.com/files/3984546...%A7%D8%AA).pdf