فكره..........تنقذ الطلاب والطالبات

[طـمـوح]

لا شي سمايل
الفكره عشان حيسير طلاب كثير راسبين ناجحين وممكن من الاوائل

[طـمـوح]

ترا ناجحه بكل امقاييس الستاندرد هذا نظام بالي يعتمد على الدرجات لاكن المتوسط الافرج يعتمد على الطالب ممكن اعلى طالب يجيب 23 ويسير اي بلس

[so0ona]

السلام عليكم ورحمة الله وبركاته
الفكرة جميلة وحلوة
بس ماعتقد انها تتطبق
لأنو على كلام مدير الجامعة البرفسور اسامة الطيب في لقاءه من طلاب السنة التحضيرية

انو تم الغاء المعدل في السنة الاولى
يعني ماحيكون في حاجة اسمها a+ b وانو اي طالب جاب فوق ال95 يصير a+ وكل طالب يجيب فوق 85 وتحت 90 يصير b+

السنة التحضيرية حيتم الحساب على انو كل درجة لها مقدارها
يعني زمان لو طالب جاب 96 وطالب جاب 99 كانو كلهم زيي بعض لأنو كلهم حياخذو a+
اما الحين للسنة الاولى حتفرق
اتمنى انو يكون الكلام اللي فهمته صح وما اكون غلط بس برضو التأكد احسن فا لو احد عندو كلام ياريت يقولو

[theking]

انتظر يا .... إلين يجيك الربيع

[طـمـوح]

لا يا شيخ النظام اللي اتكلم عنه ماطبق يتاريخ الجامعه وهونظام الافرج اكتب ببقول واقرا عنه
نظام الستاندرد نظام بالي وما يعتمد على الطالب يعتمد على درجاته
مثال بالستاندرد لو صار اختبار ل20 طالب كلهم مثلا جابو 46 وتحت من ميه
هذول كلهم راسبين اذا
بالافرج حيسير اللي جاب 46 اي بلس واللي بعده زي كذا
نظام ناجح لو طبق بالاجامععه

[masker]

ترى النظام غير ناجح
هو صحيح طبق في جامعة الملك فهد
بس النظام قلل رغبة الشركات الكبرى في خريجي جامعة الملك فهد
صديقي هناك يقول ان الطلاب يتفقون على انه ولا واحد يحل زين عشان كلهم على الاقل يجيبون a
صدقوني النظام عندنا احسن بكثير على الاقل الشركات بتتنافس علينا
حتى لو المعدل نازل لان مناهجنا صعبه والتدريس قوي

[طـمـوح]

المشاركة الأصلية كتبت بواسطة masker ترى النظام غير ناجح هو صحيح طبق في جامعة الملك فهد بس النظام قلل رغبة الشركات الكبرى في خريجي جامعة الملك فهد صديقي هناك يقول ان الطلاب يتفقون على انه ولا واحد يحل زين عشان كلهم على الاقل يجيبون a صدقوني النظام عندنا احسن بكثير على الاقل الشركات بتتنافس علينا حتى لو المعدل نازل لان مناهجنا صعبه والتدريس قوي

غلط بالعكس النظام يظهر الافضل النظام امريكي مستخدم ب هارفرد وهييل وييل جامعات كبرى تقول مو ناجح الله يهديك بس

[BaZizo]

المشاركة الأصلية كتبت بواسطة طـمـوح غلط بالعكس النظام يظهر الافضل النظام امريكي مستخدم ب هارفرد وهييل وييل جامعات كبرى تقول مو ناجح الله يهديك بس

أنا رايي مع ماسكر انو النظام دا مو تمام..

يعني يمكن يكون واحد عرف مقاييس الدرجات لطلاب الجامعه يعني يعرف كم اعلى طالب جاب في الاختبار الاول وقييس عليه بدرجاته وما يذاكر تمام وياخذ اي او بي بلس او حتى يمكن اي بلس ...

ولا يجو مجموعة طلاب ومنهم واحد مرة شاطر وما يذاكرو تمام وياخذو كلهم درجة عالية
او حتى يمكن واحد شاطر ينزل درجاته لمستوى الطلاب الثانيين عشان يصيرو كلهم اي بلس

يعني برايي وهو مجرد راي .. انو النظام حيكون مو في صالحنا في المستقبل

بس والله مشكور لطرحك هذا النقاش والله افدتنا

[BaZizo]

المشاركة الأصلية كتبت بواسطة so0ona السلام عليكم ورحمة الله وبركاته الفكرة جميلة وحلوة بس ماعتقد انها تتطبق لأنو على كلام مدير الجامعة البرفسور اسامة الطيب في لقاءه من طلاب السنة التحضيرية انو تم الغاء المعدل في السنة الاولى يعني ماحيكون في حاجة اسمها a+ b وانو اي طالب جاب فوق ال95 يصير a+ وكل طالب يجيب فوق 85 وتحت 90 يصير b+ السنة التحضيرية حيتم الحساب على انو كل درجة لها مقدارها يعني زمان لو طالب جاب 96 وطالب جاب 99 كانو كلهم زيي بعض لأنو كلهم حياخذو a+ اما الحين للسنة الاولى حتفرق اتمنى انو يكون الكلام اللي فهمته صح وما اكون غلط بس برضو التأكد احسن فا لو احد عندو كلام ياريت يقولو

ما ادري اذا فهمت كلامك تمام ولا لا ..

بس الي فهمتو من مدير الجامعه انو مثلا لو ابغى اخش طب لازم اجيب في مواد معينه اما اي بلس او اي ( بالنسبة للطب حتكون دي المواد هي كيمياء واحياء وانجليزي وطبعا كل تخصص يكون له مواد معينه )

وبعدين حتكون المنافسه بالمعدل .. يعني مثلا الطب يبغو 150 طالب وا طالبة .. بعد ما يشوفو الي جابو اي او اي بلس في المواد الي قلتها يشوفو اعلى 150 معدل ويستقبلوهم في الطب

والله اعلم

[مرمر@ زماني]

المشاركة الأصلية كتبت بواسطة lazooord يا سلام لو يسوون كذا بأسير الأولى وبجداره موضوعك يا أخي رائع بس مين بيسمع لنا احنا الطلاب والطالبات مضطهدات والله ما أحد بيطالع في خششنا بس ريح ملائكتك

راي من رايك لازورد

ويسلموووو طموح اتمنى يسمعونا