سبب توجه الكثير من طلاب الانتساب الى التعليم عن بعد

[سؤال واستفسار]

اقول الله يخلي الانتساب .. لا واجبات ولا حضور ولا دوخة راس ...

الموظف صعبه عليه انه يخلص دوامه ويحضر بعدها محاضرات وفوق هذا وذاك واجبات ... يمكن تصلح للي ماعنده وظيفه ويبغى يزيد رصيده من المعلومات ويسلي نفسه ...

اما بالنسبه للشهادات انا اجزم ان المسؤولين في جهات التوظيف مايدرون ولا يفرقون بين انتساب او تعليم عن بعد ...

تخيل نفسك امام مدير التوظيف في جهة ما :

المدير: انت شهادتك انتساب صح ؟؟

المتخرج: لا الله يطول لي بعمرك انا تعليم عن بعد ..

المدير : تعليم عن بعد يعني انتساب ؟؟

المتخرج: لا الله يهديك التعليم عن بعد غير الانتساب ..

المدير: كيف يعني التعليم عن بعد ماتدرس وانت في بيتك ؟؟

المتخرج : اي نعم بس احضر محاضرات عن طريق النت واشارك ..

المدير: طيب يعني نفس الانتساب منت منتظم في الجامعه ..

المتخرج: خلاص ولا تزعل نفس الانتساب .. الزبده فيه وظيفه ؟؟

المدير: اي وظيفه واي بطيخ ماقبلنا الانتظام نقبلك انت يالانتساب ..

المتخرج : قلت لك تعليم عن بعد ..

المدير: خلاص تعليم ريموت كنترول ولا تزعل ..بس خذ ملفك وامسك الباب ..

المتخرج: طيب هذا رقم تلفوني 05

المدير: يابن الحلال لاتكمل مانبي تلفونك ولا راح نتصل عليك ..

المتخرج : طيب اجل ليه ناديتوني وطلبتوا مقابلتي ورحت اشتري شماغ جديد وخلصت العطر حقي ومخليني اتروش من الصبح (اول مره يتروش بدري)..

المدير: تبي الصراحه انا بغيت اقابلك عشان اسألك وش الفرق بين الانتساب والتعليم عن بعد !!!!!!!!!!!!!!!!!


وسلامتكم ,,,

[KSAY]

بالنسبة لسبب تحويل نظام الدراسة فهو كما يلي:

1 - الفائدة المرجوة من حضور المحاضرات و الإستغناء عن المعلم المنزلي
2 - إكتساب ( 30 ) درجة أعمال سنة مما يقلل العبئ على الطالب في الإختبار ليكون محصل ما في ورقة الإجابة من ( 70 )
3 - المتابعة مع المحاضر و الإستفادة منه قدر الإمكان في ما يمليه عليك من تلميحات في المادة < و سنقوم بسرد ما نستفيده من المحاضر في المنتدى علشان كذا لا أحد يقول وداعًا و غرروا ما غرروا و مدري وشو

شخصيًا أنا موظف في إدارة المشتريات و تخصصي نظم معلومات حاسب آلي متخرج من كلية المجتمع و رغبت في نظم معلومات إدارية و لكن دون جدوى لذا بما إني مدرب ( أقدم دورات تدريبية ) فإن أفضل شيء قد يلائمني هو تخصص إدارة موارد بشرية و لوقت فراغي المتاح و لأني مهمل نوعًا ما قررت التحويل للتعليم عن بعد و أستثمر وقتي و أستفد عن طريق الدراسة المستمرة و لا إني أجلس لقبل نهاية الترم بشهر أبدء الدراسة

هذا كل ما في الأمر .. و دمت بود

[braibesh makkah]

السلام عيلكم
طييب افرض يعني واحد مثلا
دوامو شفتات يعني اسبوع نهار واسبوع ليل
يصلح يحول من انتساب الى تعليم عن بعد ويحضر المحاظرات المسجلة ولا كيف

[znz1000]

اغلب الطلاب المنتسبين موظفين وعادة ماتكون اوقات الفراغ عندهم معدومة عشان كذا المفروض الواحد يشوف نفسه اذا يقدر يوفق بين حضور المحاضرات والاتزام بالواجبات ومطالب التعليم عن بعد يتوكل على الله ويحول اما انا بالنسبة لي فما اقدر لعدم تفرغي للشغلات هذي ويالله ارتب اموري وقت الاختبارات واتفرغ لها
اما بالنسبة للي حول للتعليم عن بعد بدون مايتاكد من قدرته على تحقيق المتطلبات وفقط انجرافا وراء اشخاص معينين سيتحمل هو وحده النتائج وغالبا ماتكون سلبية ،،،،دمتم بود

[sahar1]

الاخ سوال واستفسار
ههههههههههههههههههههههههههههههههه
هههههههههههههههههههههههههههههههههه
موتني ضحك

[braibesh makkah]

المشاركة الأصلية كتبت بواسطة sahar1 الاخ سوال واستفسار ههههههههههههههههههههههههههههههههه هههههههههههههههههههههههههههههههههه موتني ضحك

نحن الان في زمن المكس
خليك مكس عل طوووول

[EBTE]

والله حتى انا افكر بالتحويل بس مرا متردده ,
مافي شئ مقنعني لين دحين ..