سؤال للبنات والرجال

[rubi]

المشاركة الأصلية كتبت بواسطة صرااااحة صرااااحة أنا عن نفسي ما أتمنى ,,لأن بصرااااحة احنا في مجتمع تعبان للأسف,, اذا كان الوحدة اختها الي أصغر منها ماتزوجت قبلها ومع كذا الناس مابيرحموها عشان ماتزوجت أجل لو الأخت الصغيرة تزوجت قبل ايش راح يصير,, احنا بمجتمع متخلف للأسف وهذا الي يجبر بعض الأسر ترفض تزويج الصغيرة قبل الكبيرة,, لأن الناس على طول بتقول أكيد الكبيرة ماقعدت إلا فيها عيب ولا ليش تركوها وخطبوا الأصغر إلا من رحم ربي الي بيقول نصيب ,, ومن دلائل انو احنا بمجتمع متخلف انو الواحد هو وأمه لمن يبغوا يخطبوا يدورو للصغيرة مهما كان عمر الرجال عازب أو مطلق أو متزوج حتى لو عمرة 70 تلاقية مايبغى أم 30 يبغى أم 15 أو 20 كمان يمكن يفكر في أم 20 شوية,, متناسين أنه كل ماكان الزوجين أقرب لبعض في العمر كلما قلت المشاكل وكان الإنسجام أكبر,, وأنا حقولكم قصة من الواقع,, احنا جيرانا عندهم 8 بنات ماشاء الله , جاء خاطب جرب حظة وخطب ثالث وحدة رغم أنه الكبيرة كانت وقتها يمكن 22 أو 23 .. فوافق الأب ,, فعلى طول مامرت يمكن شهور إلا وخاطب ثاني جاء ماخطب الأولى أو الثانية لا أبشركم خطب الرابعة ,, مع العلم أنهم كلهم حلوين مافيه وحدة مميزة على الثانية وقبل 5 شهور من الآن جاء خاطب للخامسة وزواجها في شهر 3 ,, والأولى والثانية مساكين سارت أعمارهم الآن 32 و31 ولا أحد فكر فيهم أنا ماأقول أنه مونصيب أكيد نصيب بس كمان احنا لازم نبذل الأسباب مو نفتح المجال للناس ونتسبب في عنوسة الكبيرة عشان تزوج الصغيرة ولسى ماتفطمت ,, صار كل ما أحد يفكر يخطب منهم قال أنا ايش يخليني أتورط بوحدة كبيرة حتى لو هوة أكبر منها طالما ولي أمرها ماعنده مانع بروح أخطب الصغيرة أحسلي وهذا للأسف تفكير كل الناس يجيكي الواحد عمرة 35 يقول أتزوج وحدة عمرها 30 لية أنا مجنون والأمهات كمان بيدوروا لأولادهم بنات أصغر من أولادهم بعشرات السنين ولو أحد أقترح عليها وحدة عمرها 30 اتجننت وشافتها عجوزة ويمر الزمن وتوصل الكبيرة ل40 وماحد يبغاها وكثير قصص أعرفها كذا لأنا بمجتمع متخللللللللللللللللللللللللللللللللللللللللللللللل للللللف للأسف

رد منطقي بعيد عن ادعاء المثالية


مع احترامي للجميع

[توونآ]

^
الله يصبرها والله شئ يقهر شئ مو بيدها :(
بججد قمة التخلف

[لانا عبدالعزيز]

وانا كمان بعرف ناس تزوجت الصغيرا قبل الكبيرا السبب لنو الكبيره دبدوبه اشويا معنو جسمها منشد ومتناسق وسبحان الي خلقها بها جمال جمال ما شاء الله.. بس مكتوب ومقدر..الله يعوضها خير...
بس مثل ماحكيتي متخلفين طيب شو فيها يتزوجها ويشرط عليها تعمل دايت..<<بعرف وحده كذا

اما بالنسبة لشعوري اذا تزوجت اختي الصغيرا قبلي عادي نصيب وائجاها والله يسعدها والله يعوضني بمافيه خيرا ليا ويسعدني كمان,,

[ساندي بل]

بالعكس لو اختي الصغيرة انخطبت افرح لها واجيب لها الفستان الابيض هدية ومااتحسس وقصم قصمات اكسر الكوشة من الرقص وحدة من جماعتنا كذا عندها اختين انخطبت البنت الثانية قالت اسألوا الكبيرة اذا موافقة انا موافقة وفعلا سألوها جاتها البنت الكبيرة وهزأتها وقالتلها ان شاء الله
يجيني نصيبي تزوجت البنت الثانية وانخطبت البنت الثالثة بس ماسألوا الكبيرة لان عارفين ردها وتزوجت الثالثة وجابوا اطفال وفي شهر 8 تزوجت البنت الكبيرة يارب كلكم تصيروا عرايس

[n3omh]

انا مع الاخت صراااحة فى كلامها كلوو عىن العقل


لكن بضىف حاجة انو لو كانت الصغىرة لسا صغىره مرا ىعنى عمرها ىدوب 20 او 22 او 25

ماراح اوافق ازوج بنتى الصغىرى قبل الكبىرا لانو لسا الصغىره جدا صغىرا والعمر قدامها كبىىىر


بس ادا الصغىره كبرت وتعدت 25 خلاص وقتها مابىدى حىله راح ازوجا قبل الكبىره والله ىصبر الكبىره

انا ماما تزوجت اول وحدا من بىن ماشاالله 5 بنات وماما فى اكبر منها 2 المهم ماما تزولت وهىا بالتانوى واللى اكبر منها الاتنىن 1 جامعه كانوا المهم كلهم صغار ىعنى

ع العموم الحىن ماما عمرها بالاربعىن وللحىن اخواتها الكبار صح فرحوا لها بس للحىن ىغاروا منها وىحقدوا علىها

والله العضىم وماما كل ماتخرج السوق تجىب لهم ولعىالهم كل شى زى ماتجبى لىا عشان ماما تحس بتانىب الضمىر بس هىا مالها دخل هو صح نصىىب

بس هدا الاحساس داىما ىجىها انها وافقت تتزوج وكسرت قلب اخواتها اللى هما اصلا كانو صغار كمان كانوا اعمارهم 19

وماما كانت 17 او 18 ..


لكن ع العموم ادا اختى الصغىرة اتزوجت ماراح ازعل ان شالله لانو صح نصىىب ولانو ممكن اهلى ىقدموها علىا عشان هىا ماانقبلت بالجامعه دى السنه وىبغوا ىخارجوها من البىت :)

وانا دحىن 2 جامعه الحمدلله..


واممم كمان صح نسىت انو انا ماشالله لما كنت انخطب قبل اخختى الكبىره قبل ماتتزوج كان بابا ىوافق بس ماما لا لانها عاشت نفس الاحساس ومرت بنفس التجربه

بس دحىىن ماما صارت تقول لو اتقدم احد لنا راح ىقدموا اختى الصغىرة وانا طبعا ماراح ازعل الحىن لانو عارفه الضروف

لانها ماانقبلت بالجامعه وبس هىىىك قرقرت كتىىىر بس شدنى الموضوع حلووو حىىىل


والله ىسعدنا كلنا وىعطىنا رجال لهم مناصب ومحترمىن وىحبونا امىىىىىن :)

[مطلع الفجر]

المشاركة الأصلية كتبت بواسطة n3omh انا مع الاخت صراااحة فى كلامها كلوو عىن العقل لكن بضىف حاجة انو لو كانت الصغىرة لسا صغىره مرا ىعنى عمرها ىدوب 20 او 22 او 25 ماراح اوافق ازوج بنتى الصغىرى قبل الكبىرا لانو لسا الصغىره جدا صغىرا والعمر قدامها كبىىىر

أتفق مع الأخت صراحة عموماً ..

و أتفق معاكِ يا n3omh في الرأي..

لكن مثلا لو الكبيره صار عمرها 30 وما تزوجت واللي بعدها 28 واللي بعدها 26 ، وتنخطب اللي عمرها 26 من رجل على خلق ودين مو معقول نقول لسا..لا الكبيره أول !! لأنه كلهم صاروا كبار..

لمتى يعني ..!!

والله يرزق الجميع بأزواج صالحين يارب

[حبي نفسي]

عاتي الله يوووفقها الارزاق بيد الله

[حكاية مات راآاويها]

والله عااااااااااااااادي إذ أنخطبت نصيبها وجاها الله يوفقها هذارأيي

[الشه NoOosh3 ري]

بالنسبة ليا حيصير في شوي حساسية تجاه الموضوع
بس مو لدرجة انو امنعها من نصيبها وزي ماربي كتبلها تتزوج
اكيد رايد لي الخير كمان

[فنية معمل]

مشكورين على الردود جزاكم الله خير
أنا طرحت دا الموضوع لن الكثير بيعانو منو للأسف
لما الصغيرة تتزوج الكبيرة تتعقد وتقفل باب غرفتها ولاتصير تشوف الناس من كتر الكلام الي بيوصلها
الحمد لله أنا ماعندي أخوات
أنا البنت الوحيد وسط 4 اولاد
2أكبر مني و2أصغر مني
اللهم لك الحمد