اختبار إدارة الاعمال الدولية ( تعجيز و تحدي و رعب )

[برنس عرب]

السلام عليكم
مساكم الله بالخير
اقول الله يوفق اللي يقول الاسئلة سهلة وكذلك اللي يقول صعبة لكن انا عندي نموذج د وعندي اسالة 3 اختيارات صح والفقرة الرابعة جميع ما سبق خطا ناديت الدكتور وسالته في اكثر من فقرة قالي اختار الاصح فيهم يعني كيف سهلة لكن الاسئلة بوجه عام متوسطة الى صعبة لانه في اسالة فيها لف تشوفها تثول هذا الجواب وتتفاجا انه غلط لكن مانقول الا الله يوفق الجميع وما يصيع لنا تعب .

تحياتي اتمنا للجميع النجاح والتوفيق ......

[MeRwAs]

والله اللي اشوفه ان الاسئله كانت سهله بالحيل

والله يوفق الجميع

[استثنائي]

الاسئله صعبه وغريبه دكتور فهد كذا اسئلته انا ما اطلب يجيب اسئله سهله لاكن ليش التحايل واللف والدوران
جيب اسئله صعبه وبين مين الي ذاكر من غيره لاكن تجيب اسئله ماتفهم وتظلم الجميع فيها سراحه غريبه الاسئله


والله حرام الماده حقت معدل وكذا يكون اختبارها .


اشك ان الدكتور فهد العيتاني هو الي حاط الاسئله شكله كاااااااسر

[a&p]

صعوبة الاسئله تكمن في صياغة السؤال وكأنها طلاسم تحتاج لتفصيلها

عموما الله يوفق الجميع

[lovel_S]

السلام عليكم
الله يوفقنا جميعا
اولا: المادة جدا سهله وممتعه ومعظم الماده تتكلم عن التجاره العالميه والاستراتيجيات الدوليه لادارتها ماده رائعه تزيد من ثقافتك ومعرفتك بأشياء كثيره وسوف تجد الكثير من المواضيع قد درستها في كل من مبادي الاداره العامه والاداره الاستراتيجيه.
ثانيا: اختبار اليوم كان يبيله شويت تركيز الا ان الاسئله كانت من ضمن ختبار رؤوس الاقلام بالمذكره (اي مذكره) سواء هاني عرب او الدكتور او مذكرة مكتبه دار الهدى وليس من بين السطور
أين تكمن مشكلة الاختبار:
1- العديد من الفقرات بها اخطاء املائيه مثل سوال البنيه الداخليه والخارجيه في نموذج ب
2- انه ماتفهم هل هو متعمد الاخطاء الاملائية أو لا مو قاصد
لانه في اي حاله تضن انه مو قاصد وانت حال وبعدين يطلع الكلام عكس تروح الاجابات غلط فاي حاله في تللك الفقرات في نموذج ب حوالي 3الى 4 فقراتوالله اعلم
اللله يكتب كل اللي فيه خير لي ولكم ولصالح المسلمين

[استثنائي]

ياشباب هالحين اللخبطه في صيغة السؤال صدق اخطاء املائيه ولا متعمدها

اذا كان متعمدها كلنا هوااااااااااااء

بعدين فيه اسئله كثيره تقدر تجاوب اي فقره صح لا يجي واحد يقول يبغى الاصح لانه هي عناصر مافيها الاصح

[B N D R]

انا ذاكرت من ملخص الدكتور ابو 26 ورقه
وخطفت شويه من هاني عرب موضوع الاستثمار الاجنبي ..

والاسئله اسهل من السهله ..

وصدق الدكتور لما قال راجعوا من الملخص ..

اتوقع والله اعلم ماطلع ولا سؤال من ملخص 26 صفحه ..

بالتوفيق للجميع

[d7om_1]

المشاركة الأصلية كتبت بواسطة البرنس الذهبي يااخوان هل الملخص حق الدكتور شامل للاختبار المادة عندي صيفي باذن الله

ملخص الدكتور يجيب لك درجة النجاح فقط
وبالنسبه للأختبار من وجهة نظري ثلاث أرباعه أسئلة مباشرة وسهله للي ذاكر من الكتاب وحدود العشر أسئله يبيلها تشغيل مخ شوي وتروي
البرنس إذا ناوي تذاكر من الكتاب أرسلي وبجيبه لك
وبالتوفيق للجميع

[ايجابي]

ياشباب كانكم تقولون هذي الأسئلة صعبة

اجل وش راح تسووون لما تدخلون اختبار كاتبه الدكتور خالد الشعيبي، والله راح تبكووووووووون.

أخوكم
ايجابي

[thegodfather]

بعد التحيه والسلام........انا من وجهة نظري الاختبار صعب على الرغم اني مذاكر زين وفيه لف ودوران.......والدليل ان فيه سوال يقول ان موتمر الوزراء هو اعلى سلطه في المنظمه ويعقد مره كل عام.طبعاالاجابه غلط لانه مره كل عامين..يعني يجيب لك السوال كله صح ويتلاعب بجزئيه بسيطه فيه.......اتمنى الدكتور مايصدمنا في الدرجات...

تحياتي