قرارات متخلفه وقمة الظلم للانتساب

[.....طالبة دراسات.....]

؟؟؟؟؟؟؟؟؟؟؟؟ التاجيل يديكم ياشاطرين فرصة اكبر للمذاكرة والناس اللي تقول مسوين مشكلة مهو احنا تعودنا على الظلم لواتكلمو المظلومين قالو يووووووووه المسالة ماتستاهل
بس روحو بكرة واداجا مطر قولو ياليتنا اجلنا لانو في بنات ماعندهم مواصلات توديهم على موعد الاختبار في بنات بيروحو من8 الصباح لانهم على قدهم وماعندهم سواق بدقة وهيه في الكلية وشكرا

[ظروفي غيرت طموحي]

والحل فيه تأجيل ولا لا انا بصراحه ماعندي اي اشكال اختبر الحين برتاح واذا تأجلت ذاكرات اكثر

[Miss Grooor]

يعني من الاخير احنا الانتساب بالفيصليه اجلوا اختبارنا والا لا
بصراحه رفعولي ضغطي هما واسلوبهم ذا..

بليز بنات الانجلش قوليلي اختيبار الادب فيه والا اتاجل

[candy]

يا بنات انا كلمت د.اسماء الاهدل قبل شوي الساعة 9

و قالت ليا بنات الانتساب بكرة يداومو

و كمان ارسلت لي رسالة لتاكيد

تقول بكرة اختبار

لا تصدقو البنات الي يقولو اتاجل

و نروح ع الله

الله يستر علينا يقولو بكرة مطر

[hanone]

طيب انتم لا تروحون ..,

والله العمر واحد ومابينعاد , اما الدراسه تتأجل وبتنعاد غصبن عنهم وبالقوة كمان
لان الطرق مقفلة ..
يعني الانتساب المفروض يعاملونكم احسن معاملة لانكم بفلوسكم تدرسون :/
والله الفروض يتأجل للكل بس انتم اسحبوا عليهم

الطيب اللي في رابغ وينبع وبحرة والنسيم وام الخير وشارع فلسطين بيجون ؟!!

[sunshine meme]

Miss Grooor لحد علمي اختبار الادب ماتأجل وراانا ورااانا فتحيه الغريبي

[أحـب الفله]

فعلااا احتجووو ي حقين الانتسساب بكرآ و لا تخبروون كلهم واحد انتسساب والا انتظام ايش الفرق..؟

[غلاالشووق]

السلام عليكم ورحمه الله وبركااته ...
بصررااااحه الموضوع يــحـتـااااج نتكلم فيه .. وضروري بعد
القرار اللي نزل ايش يقووووول ..
بالمختصر يقول هناك اختباااارات بديله للطالبات الانتساب
وحطوا لنا المواعيد للي مااختبروا يوم الاربعاء ... والسبت ..
وحطوها هالاسبوع ..

والقرار الثاااني اللي اكبر ظلم لنا بصراحه ..
هو لو ماحضروا طالبات الانتساب للاختباااارات البديله ..
>>>>المر >>> يتأجل الاختباااار مع الاختبااارت النهائيه للترم الثااني

وطالبات الانتظام الله يستر عليهم .. اختبااارهم محدد مع بدايه الترم الثاني ..
ليه الظلم ......
يعني يا نختبر الحين والا اختباااركم مع الاختبارات النهائيه للترم الثاااني .. ليه مايكون مثل الانتظام يحطون لنا موعد اخر وبديل مع بدايه الترم الثاني .. يخلونه بالعصر او المغرب .. مومشكله بس .. مو يخيرووننا بين مرين ..

اللي نبيه ونطااالب فيه واللي لازم نتكلم فيه ..
نريد اختبارات بديله ومحدد مثل طالبات الانتظام مع بدايه الترم الثاااني ..
مع الجدول الموجود حاليا ..
اللي ماتقدر تجي بهالموعد اللي موجود حاليا فيه فرصه لها في بدايه الترم الثاني .. مو يجمعونها مع نهايه الترم الثااااني ويضغطوون علينا .. كفااااااايه الواحد ينظلم يالاختباراااات وساااكت كله عشان يخلص ويفتك ..

في بنااات مايقدرون يجون هالاسبوع ومن خارج جده وكانوا راح يغرقووون بالسيل .. وحالتهم النفسيه متدمره ..
اعطونا الخياااار باختبار ثاني ومحدد مع بدايه الترم الثاااني .. اكرر مع بدايه الترم الثاني .. اكرر مع بدايه الترم الثاني نطااااالب ...
اتوقع كلنا ندرس وكلنا نداااوم وكلنا بنفس الجهه اللي نتعلم فيها وكلنا بنفس الشااارع اللي نمر فيه .. سواء انتظام او انتساااب ..
رجاااااااااااااء
ابيه يوصل صوتنا ونقووول نطااالب بموعد اخر مع بداااااايه الترم الثاااااااااااااااااااااااااااااااااااااااني ..
مونهايه الترم الثاااني ...

[إحساسي خجول]

الله يكون بعونكم يارب والله ابسط حقوقكم وتطالبون فيها ومن حقكم بس مابليد حـــــــــــــيلة بصراحة قمة الظلم والله وش الضرر لوتأجلت اختبار االانتساب وانتظام مافيه فرق ابدااااااااااااااا بس ربي يوفقكم واختبارتكم تعدي زي المويه وبرد وسلام أنا والله اتمنى اني اختبر فهالايام وجالسه احاول فيهم وبوكره حداوم والله مافيه أحد بالدونيا كل شئ يمشي على هواه لازم التعب والنكد بس الحمدالله على كل حال طولو بالكم وكل شئ باجرو وربي مايخيب ظنكم خلوو املكم بالله كبير وبالتوفيق حبايبي
فايتنغ *_*

[بيان عبدالعزيز]

حسبنا اللهــ ونعم الوكييل