ايش رايكم اسحب ولا لا ..؟

[غلا ريم]

معلييييييييييييييش خارج الموضوع بس شايله هم
طيب لو درست الترم الجاي بعدين في نصه قدمت اعتذار
وبديت السنه الجايه وقدمت تحويل ادبي بيوافقوووون وانا عندي رسووب
اللي يعرف يجاوبني الله ييفرج همووووووكم

[JuStice]

.

تستسلمي وتسحبي عند أول عقبة واجهتك ؟!!

فكري كويس قبل اتخاذ القرار .. خذي الموضوع بـ إيجابية وخلي الدرجات اللي جبتيها وما عجبتك حافز لكِ إنك تجتهدي أكتر بالاختبارات الجاية ,

كل شيء ممكن يتعوض , والدنيا ما انتهت إذا ما دخلتي طب أو صيدلة .. وسّعي نظرتِك واطّلعي عـ التخصصات الأخرى

موفقة إن شاء الله
.

[انجلينا]

اول شي يا قلبي استخيري وانا والله اختي وصاحبتها حولو قبلشهر للادبي بدل ماكانو علمي لكن ربنا يكتب للجميع الا فيه
الخير ونصيييييييييييييييييييييييييييييييييحة استخيري ثم استخيري ثم استخيري ودعواتك يااالغلا

[انجلينا]

^
^

تابع الرد الا فوق



واختي وصاحبتها راح يبدو الترم الثاني ادبي

[abdullah57]

نسحب سوا ونروح الباحه احسن واسهل
اذا تخاويني ارسلي خاص (*_-)

[هموووسة 2010]

ياحبايبي نصيحة اللي حاطط في باله انو يحول من علمي لادبي من الان يقدر يحول اهم شي انك ماتدخلي الاختبارات النهائية لودخلتي ماتقدري تحولي ولا حتى على الترم الثاني الفرصة الان فقط ..

[قلب بريء]

نصييييحة

لا تسحبي لا تسحبي

العمر مش ببلاش اختصري سنة من عمرك انك تتعبي شوية الان

ذاكري وذاكري ما قدرتي استعيني بمدرسات

جيبي اعلى شي ممكن توصليه اما السحب والتفكير الانهزامي دا سبيك منو

كل وحدة سحبت ندمت شوفي انتي معدلك كم بجيب واستغلي كل طاقاتك

انتي بنفسك قلتي انك كنت مستهترة ايش يضمنك الفصل الجاي ما تستهتري ؟؟

بعدين ممكن الجامعة تغير القوانين زي ما قالو الاخوة

فحاولي لا تتهوري وتسحبي

[Hno0odh]

المشاركة الأصلية كتبت بواسطة sultanooh غلا ريم قرارك بانك تسحبي وتحولي ادبي قرار رائع اما اللي يفكر يسحب ويعيد نفس العلمي هذا اشوفه قرار غير صائب يعني اللي يفشل في العلمي يعرف ان العلمي صعب عليه ويعيد بس في مسار ادبي

صح كلالامك .. انا مع هالكلام ..

[do7me]

سلام ...

بكل صراحة انا بعطيك تجربتي في هذه الجامعة انا الان سنة تحضيرية ... بس متخرج لي سنتين وهذي الثالثة ... درست سنة ونص تحضيري ... رسبت كيمياء مرتين ونجحت في الثالثة (( بالرفس )) دخلت قسم ((.........)) قسم الله لايوريكم اياه .... خرجت من الجامعة وتم سحب الملف نهائيا بتاريخ 1431/7/9هـ .... (( معلومة: اسالي عن اخر موعد لسحب الملفات لانو في تاريخ لو اتعدتيه ماراح يقبلوك السنة الجاية - العام الماضي كان بتاريخ 1431/7/10 هـ - يعني انا سحبت قبل الموعد بيوم ولمن جيت اسجل في البداية ماقبلني بعدين ارسلولي بياناتي وقدرت اسجل )) وانا الحين سنة تحضيرية من جديد .. ضاعت سنتين عالفاضي .. والله يوصلني للي احلم فيه واتفوق فيه باكثر مما اتمنى ...

الخلاصة من تجربتي ... اذا معدلك ح يرتفع و حيسمحلك انك تحولي في حالة عدم القبول المباشر فبالتوفيق و كملي ... واذا كان لا فااسحبي وابدي اشتغلي على نفسك شوفي ايش الاسباب الي كانت السبب في هذا الاخفاق مثال : عدم التمكن من اللغة الانجليزية ( هذا سبب من الاسباب الي كانت عندي ) الاتكالية والاهمال الزاد عدم اعطاء الدراسة حقها وتخيل الجامعة بانها المدرسة الثانوية من ناحية الصعوبة التعامل مع اختباراتها ... فلمن تدخلي مرة جديدة وانت حالة هالمشاكل ... حتعرفي ايش تسوي ويكون عندك حصانة من صدمات الدرجات اذا كانت منخفضة وتتعلمي كيف تسوي كنترول على نفسك و نفسيتك ... كيف تضبطي نفسك من ناحية التوقيت و طريقة المذاكرة .... الخ

في حالة انك كملتي ...
نتكلم عن التحويل (( للمعلومية بعض الكليات عند التحويل تطلب مواد بدرجات محددة ... مثال عند الاولاد للتحويل للهندسة لازم تجيب في مادة math 202 اكثر من 75 بعدين تدخل ع المفاضلة العامة للتحويل )) ... بعض الكليات مثل الهندسة الطب الصيدلة وبالذات الي تطلب مواد مخصصة حتلاقي نسب قبول تحويلها متوسط ومو مستحيله ليه كذا بيسووا ؟؟ لانو احيانا من الصعب تحقيق الشرطين .... وراح تلاقي كليات زي الحاسب نسبة قبول تحويلها مرتفع بشكل جنوني .... على سبيل المثال الهندسة كانت العام الماضي للتحويل مع بداية الترم الثاني .. 3,51 مع الـmath202 و 75 درجة كحد ادني للقبول ... بينما الحاسب كانت 4,00 .... لانو ماعليها مواد مخصصة وعليها طلب كثير .... وهذي النقطة مهمة واحسبي حسابها صح ... لانو اي غلطة فيها ماتتصلح ..

في الاخير ...
واقولك استخيري واستشيري الناس الي دايم تتكلمي معاهم ويتكلموا معاك لمصلحتك ... وفي الاخير هوا قرارك وهذا مستقبلك وهو بيدك ... والله يوفقك ويرشدك للخير وللاحسن لكي ويرضيك بيه .... واذا عندك اي سؤال ماراح ابخل عليك بإجابته ... دمت بود