تشورون اغير قسم انجليزي ؟؟؟؟؟؟وكيف الطريقه

[حمامه بيضاء]

والله انا احب الانقليزي وامنيتي من زمان ادرسه لكن الظروف ماسمحت واليوم اللي قررت ادرس تمنيت اني درسته من زمان واني انتظام لكن مافي شي صعب والله يسهل

وبالنسبه للبنات اللي يقولوا ان احنا نذاكر بس نتفاجا بالاسئله فعلا من جد اجي واثقه من نفسي الاقي الاسئله ماهي موجوده بالكتاب وانا مايهم باحل من فهمي لكن اذا كامتت غريبه شلون اخترع يعني والا ايش السالفه مشكلتهم انه مايراعون احد

المشكله هذي كانت في الريدنق

اما في الاستماع فحدث ولاحرج يمكن كانت افضل صح انها كثرت الاسئله عشان تعطينا فرصه للنجاح بس الوقت ماكفانا لدرجه ان المراقبه تنبهنا ان الوقت خلص وانا لسا ماخلصت كثرت الاسئله ماهي في التنوع كثرتها في نفس السؤال مكرر مليون مره طيب كيف تعطينا فرصه نحل اذا نفس السؤال مكرر بس ضياع وقت عالفاضي اتمنى ننجح

مع اني حبيت سهام فطاني هذي بس لازم كمان يراعون طالباتهم لوما خفت تاخذ مني موقف كنت كلمتها في الاسئله بعد ماختبرتني التحدث بس قلت خليني مسالمه زي ي البنات ماله داعي التقلف


باقي الرايتنق يارب يارب يارب سهل علي يارب والله من جد اصعب مرحله مرت علي هالايام

بس عالاقل عرفت طريقه الاسئله واخذت درووووس كثير هويارب استفيد


واحب اذكر ان لابد يكون في محفز لكم من فنره لفتره عشان فكره الاستسلام كل واحده تلاقي محفزات
واشياء تمنعها من الاستسلام ولازم كمان نتلذذ حتى بالهزيمه لاننا بذلنا جدهنا والباقي عالله



اموووووووووووووووووووووووه للجميع وبالتوفيق

[delicate]

المشاركة الأصلية كتبت بواسطة حمامه بيضاء انا طالبه انجليزي اوكي ومستوى ثالث وخاااايفه مره اذا الانتظام عندهم مشاكل اجل انا الانتساب وش باسووي ؟؟؟؟ ابغى اعرف كيف احول ؟؟

شوفي...أنا ح سويلك زي ما المس سوت لنا
إذا انت داخلة القسم عشان تتعلمي لغة فهاذا ماهو مكانك
هنا بندرس أدب...و لا نعلم لغة
ما أعرف بالنسبة للانتساب و لكن بالنسبة للانتظام (بنات 09) أذا رسبت في أي مادة مررتين
تطردي من القسم طبعا هذا القرار طبقو علينا السنة ذي
فانت يا قلبي...أدرى الناس بنفسك و اجلسي جلسة صادقة مع نفسك و شوفي هل انت مناسبة لهذا القسم...و هل هو يستاهل....و بالتوفيق

[حمامه بيضاء]

ايوه ابغى لغه اجل ابغى العب كوره كيف مو مكاني ايش التحطيم هذا وليش مايدرسونا ترجمه ايش رح نسوي بالادب هم الامريكان او الربطانين بيدرسوا ادبنا وثقفاتنا احنا وش دخلنا احنا ناخذ اللي يفدينا ونرمي الباقي ليه يخلوا دراستنا عالفاضي ليش يدرسونا شي مارح ينفعنا في حياتنا ليه ييضيعوا قوتنا ويجبرونا على شي لانا مضطرين ندرس ليه مافي تخصصات ليه يحددوا هم اللي يبغون انا


ياربي ريحني من هذي المعمه

[الغلا الطاير]

اذا هما هنا ما بيدرسو لغه اجل ليه ان شاء الله مسمينو قسم اللغه الانجليزيه ليه ما سمو قسم الادب الانجليزي ولا قاعدين يفتو من عندهم دول العهبل خليهم يشوفو قسم الاولاد افضل بكثيير منهم

[nour al3mr]

غاليتي والله اعرف شعورك ومقدرة حكاية الزعزعة النفسيه اللي تصيب البنى آدم بالذات لما يذاكر ويجتهد وتعب لكن ما يلقى النتيجه المرجوة اللي يتمناها..نصيحتي لك ياعسل من وحده مجربه معانيه من ذا القسم ..
جميع الاقسام في الجامعه تحمل مستويات متعدده من الصعوبه تقريبا مشابهه للمعاناه والصعوبه في قسمنا..
وهذا الشيء شفته من خلال صديقاتي لانه كل وحده منهم بقسم ولما يجوا يحكوني ويشتكوا أعرف انه الكل يحمل نفس المعاناه يمكن احنا زياده عليهم باعتبار ان اللغه مختلفه ...واشيء الثاني الله يهديهم اسلوب التعامل عند البعض..
لكن حطي في بالك انه العزيمة والاصرار وحدها اللي بتكون لك دافع انك تحققي مرادك ..
اذا انتي عندك حب للغه ومتمكنه منها اضمن لك انه بإذن الله بتعدي فيها ..بس بشرط انك تشتغلي على نفسك ..
لانه زي ماقالوا في ذا التخصص عندهم مبدا احنا ما نعلمكم اللغه الاساسيه باعتبار ه درسنا مستويين انجليزي في البدايه ..وما بعد التخصص يعتمد على الثقافه والخبرات الشخصيه ويقيس مدى تمكنك من اللغه...
لا تخلي اول موقف وصعوبه تواجهيها بالقسم تحطمك<والله اعرف انهم محطمين للانفس البشريه<<لكن خذي الشغله عناد مع اصرار وعزيمة قويه وقبل هذا كله التوكل الحق على الله واستمري وثابري لتحقيق هدفك لانه ما احد انولد متعلم ...
كوني من تزرع الأمل في الانفس المحبطه ..دوري دايم على نقطه الضوء في وسط الظلام الحالك ...
اذا لقيتي احد يحبطك اسمعي من اذن وخرجي من اللثانية ..خذي الكلام اللي بيكون في صالحك وارمي الباقي اللي راح يأثر عليك ولا كانك سمعتيه واثبتي لنفسك وللكل انك قادره على كل شيء ولا في شيء بيوقف في وجهك ..
اعتذر ع الاطاله بس في بالي كلام كثير وهذا اللي طلع منه ..
ربي يوفقك ويهدي سرك ويديم عليك كل خير ويرزقك الصبر للانه من المتطلبات الاساسيه في ذا القسم ..
دمت في حفظ الرحمن....