تجمع ماستر علم اجتماع

[ملك روحي]

الاسئله في عمق التخصص مستحيل اسئله عامه
والا كان اختبار جميع الاقسام عباره عن اسئله عامه

[possy cat]

رحت للجامعه يوم الاثنين .....
ولا دكتورة رضيت تعملي التوصيات ولا الاستاذات كل وحده ترميني على التانيه .....
طبعا دكتورة فلمبان ماادتني فرصه اصلا اكلمها هيه ونورة المساعد فقلت اصلا اخدت معاهم جيدجداا وماينفع اني اخد توصياتهم
.........
الا وحده دكتورة ايمان فطاني جدااا ذوووووق وساعدتني كتير ودرستني طبي واخدت معاها جيد جدا ونصحتني اخد المواد اللي جبت فيها امتياز ومع دكتورةفقط مش استاذه .... وقالتلي عدد المتقدمين السنه دي جدا كبير بلنسبه في علم الاجتماع وطلبت مني اخد منها التوصيه يوم السبت لانها مشغووله ... بس للاسف حتكون توصيتي بجيد جدااا ... مالقيت احد من دكتوراتي زي نورة السعد وصالحه عابدين ! كلهك اتقااعدو.... والله مره مشكله ماكنت اتخيل مواضيع التوصيه صعبه للدرجه دي
يابختهم اللي اخدوها من يوم تخرجهم بلبكالريووووس

[عماد الحسن]

الله يعينكم أختي http://www.skaau.com/vb/member.php?u=78298 ،،، هذه قصة فيلم وليست مراجعة للجامعة...

وأسمحيلي أنكم تأخرتو كثير في طلب التوصية والمفروض تكون معاكم من البداية لأن الجامعة كلها مشغولة هاذي الأيام، وهذا ليس عذراً لهم على التقصير لأن إعطاء التوصية حق لكل الخريجين حتى بتقدير جيد وأيضاً لو كان مدرس المادة أستاذ أو معيد ولكن هذا هو التعقيد منهم الله يهديهم.

أما عن موضوع الأخ فيصل الحربي بخصوص أسئلة القسم فأرجو منكم التأكيد على الموضوع وذكر اسم المسئول علماً بأن اختبار علم الاجتماع يكون من الكلية وليس من عمادة الدراسات العليا ، والمفروض يكون في مواد التخصص.

[possy cat]

شكرا اخ عماد
طيب بعد مااخد التوصيه واصورها .... اذا كنت لسه عايشه يعني .....اديهم الصور ولاالاصل ارسله في الملف ؟؟؟

[ღღღبيـــاض الثــلـجღღღ]

المشاركة الأصلية كتبت بواسطة possy cat شكرا اخ عماد طيب بعد مااخد التوصيه واصورها .... اذا كنت لسه عايشه يعني .....اديهم الصور ولاالاصل ارسله في الملف ؟؟؟

التوصية لازم تكون مختومة من السكرتارية وبعدها تصوريها وترسليهاا

ماتعطيهم الاصل

[دراستي هي حياتي]

اللي يعين نتعب دحين وفي الاخر ننجح بأذن الله
عموما بنات انا بإذن الله حروح السبت وماني راجعه إلا بالخبر اليقين
طبعا بخصوص الإختبار لأنه بصراحه كثر الكلااااااااااام واحنا احترنا مو عارفين
انتظرووووووووووني..

[ام ود]

المشاركة الأصلية كتبت بواسطة دراستي هي حياتي اللي يعين نتعب دحين وفي الاخر ننجح بأذن الله عموما بنات انا بإذن الله حروح السبت وماني راجعه إلا بالخبر اليقين طبعا بخصوص الإختبار لأنه بصراحه كثر الكلااااااااااام واحنا احترنا مو عارفين انتظرووووووووووني..

عزيزتي من فضلك اسألي عن الي مقدمين لعلم الاجتماع من تخصصات ثانية الله يخليك هل اسئلتهم وحده ولا مختلفة لاني برضه احترت

والله يوفقنا كلنا يارب

[نوره علي]

المشاركة الأصلية كتبت بواسطة ام ود عزيزتي من فضلك اسألي عن الي مقدمين لعلم الاجتماع من تخصصات ثانية الله يخليك هل اسئلتهم وحده ولا مختلفة لاني برضه احترت والله يوفقنا كلنا يارب

إذا كان النظام مثل العام الماضي فالأسئلة واحدة

وبالتوفيق عزيزتي

[متفائل رغم الأنين]

السلام عليكم .هل صحيح أنه لا يستطيع التقديم على علم الإجتماع إلا الذي لديها بكالوريس علم إجتماع فقط باقي التخصصات لايستطعن التقديم؟ أرجو الرد سريعاً ؟وفقكم الله لما يحبه ويرضاه

[فرفوووشه]

صحيح يابنات انو بعد اختبار القسم ماياخدو اللى 10 طالبات بسسسسسسسسسسسسسس معقووووله جامعه بكبرها وهيا الوحيده بمدينه جده ماياخدو طلبه ماجستير اللى 10 بسسسسسسسسسسس ايش التعقيد دا