تجمع طالبات تحضيري علمي الشرفية خطة ب

[يآآرب]

المشاركة الأصلية كتبت بواسطة aodi الكل يقول الكلام دا عشان الاحياء فيها مصطلحات غريبة .. لو ترجمتيها وحفظتيها ..انتهت المشكلة ... ما تحتاجو انقليش لذاك الحد الاحياء كلو مسائل و الكلام النظري قليل و في الاختبار ما يجي غير سؤال " او اثنين" كلام الباقي مسائل.. و الاحصاء تعاريف حفظ او اشياء تانية بسيطة الانجليزي مطلوب في خطة ب بس مش ذاك الحد بالتوفيق

كككيف الأحياء كله مسائل أظن كنت تبي الكيمياء صحح،؟

[AoDi]

سوري قصدت بكلامي الكيمياء كلو مسائل و الكلام النظري قليل و في الاختبار ما يجي غير سؤال " او اثنين" كلام الباقي مسائل..

سكرا على التصحيح

[Sona12]

AoDi ياريت تفيديننا عن الإحصاء دا الاسم الجديد وبعدين شوف كثير من دفعة 14 يشتكوا منو !!

[AoDi]

هههههـ


لا تستعجلوا على الاحصاء..

احنا اشتكينا منوا عشان في الاختبارات كانت تجي اسئلة اصعب من المنهج

يعني محد يجيب الفل مارك الا اللي دارسين عند المنسقين او اللي يذاكروا من اكثر من مصدر

بس انا ما راح افتي في الاحصاء عمري ما خرجت من اختبار بفل مارك ..

المنهج سهل يتكلم عن كيفية حساب العينات و المتوسط و الوسيط والمنوال و كيف تستعملوا النسب و الرسومات البيانية ..إلخ

لحد يشيل هم المنهج بس كتروا من التست بانك و اسئلة الاختبار تبع سنتنا و اللي قبلنا..

و بالتوفيق

[Sona12]

المشاركة الأصلية كتبت بواسطة aodi هههههـ لا تستعجلوا على الاحصاء.. احنا اشتكينا منوا عشان في الاختبارات كانت تجي اسئلة اصعب من المنهج يعني محد يجيب الفل مارك الا اللي دارسين عند المنسقين او اللي يذاكروا من اكثر من مصدر بس انا ما راح افتي في الاحصاء عمري ما خرجت من اختبار بفل مارك .. المنهج سهل يتكلم عن كيفية حساب العينات و المتوسط و الوسيط والمنوال و كيف تستعملوا النسب و الرسومات البيانية ..إلخ لحد يشيل هم المنهج بس كتروا من التست بانك و اسئلة الاختبار تبع سنتنا و اللي قبلنا.. و بالتوفيق

أميين وياكي وشكرا

[رفّات حُلم]

المشاركة الأصلية كتبت بواسطة sona12 aodi ياريت تفيديننا عن الإحصاء دا الاسم الجديد وبعدين شوف كثير من دفعة 14 يشتكوا منو !!

ليش ليش؟
الا الاحصاء
الاحصاء مادّة منطقية كتير.
وفيه أشياء صح ماقد درسناها، لكن فيه اشياء درسناها ( الوسيط، المنوال، المتوسط والاحتمالات والتوافيق والتباديل و ..... )
انا صح اخذتها مع دعاء بوقري ( منسقة المادة )
حكون صريحة وواضحة معاكِ!
انا كُنت أفهم من الدّكتورة، بس كُنت مهملة ( كل المواد )
يعني ما ازاكر اول باول
قبل الاختبارات باسبوعين أو تلاتة اعلن حرب مُزاكرة
وكُنت آكلها ع راسي ( خاصة من الاحياء ) بس ما أتوب
المُهم؛
#الاحصاء : مرة لزيزة المادة، افهمي مع دكتورتك ..
انا كُنت اركّز قبل ما تبدأ الاختبارات في مزاكرتي للاحصاء، احفظ الكلام اللي يحتاج وكل شي كأني حختبر،
عشان قبل الاختبار بس أرجع أحل الاكزامبل في الدرس!
انا من الناس اللي عملت غلط فادح؛ كنت اعرف انه التمارين اللي ورا كل درس وكل شابتر والكويز مررة مهمة بس كنت اطنشها واسحب عليها لانه الوقت ما يكفيني أراجع اللي زاكرتو وأحلها كلها وهيا صراحة مرة كتيرة
فكُنت أسحب
الدوري الاول عدّا ع خير، الدوري التاني غلطت من أسئلة ( نظرية <انا مشكلتي الاسئلة النظرية، عشان كدا احفظها واراجعها ) وكانت في الاسئلة دي.
وفي النهائي كمان ما كفاني الوقت بس الحمدلله عدت ع خير المادة لانه احنا رفعونا بالكيرف اب
وانتو مو شرط يرفعوكم..
عمومًا نصيحتي لكِ؛ زاكري اول بأول خاصة لو طموحك طبّ!
لا تبدأوا شابتر في المحاضرة الا وانتِ مُختمة اللي قبلو وقافلة عليه بالاسئلة،
يعني زاكري وبعدين؛ اختبري نفسك وحلي التمارين.
( ع فِكرا، انا كنت من الناس اللي اخذوا الاحصاء ودي المواد الترم التاني، وفي البداية حليت الاسئلة وحضرت السكشن،
لكن بعدين طفشت مرة!
احضر السكشن ومرات كثيرة ما اكون حالة وفي النهاية حق السكشن ما تقدر تحل كل شي ،
فصرت لما احل " نادرًا " كنت محملة كتاب الاحصاء بحلوله " زي دليل المعلم أيام المدرسة " وفيه كل الحلول واحل واتاكد من حلّي وبلا سكشن بلا هم ..
ولو ما عرفت كيف جاب حل كنت اروح اسأل البنات، وازا مرة رحت عند الدكتورة بعد ما يكون خلص السكشن واسالها
ومرات اصلًا ما افتحوا بس اشوف اسئلة البنات واحلها، لانها هيا الصعبة او فيها فكرة غالبًا ..
بنات الترم الاول كانوا يتضاربوا ع سكشن سماح سندي، اما نحنا ما كانت تعطي سكشن اصلًا :) )
#الكيمياء، نفس الشي انا ما كُنت ازاكر اول باول،
ويوم الاختبار الصباح كنت احل التيست بانك لكل شابتر :)
عمومًا المادة مرررررة سهلة، والاختبار نسخة من التيست بانك :)
انا كنت مع د/ ليلى الحربي،
الدوري الاول رحت وانا تيست بانك شابتر واحد ما حليتوا " أطول شابتر 3 "
والحمدلله ما جاتني كتير اسئلة منو، الدوري التاني حليتها كلها الحمدلله قبل لا اختبر.
والنهائي سحبت ع كم تيست بانك
عمومًا، نصيحتي لكِ..
زاكري أول بأول، ولا تسوي غلطتي..
قبل لا تبدأوا في شابتر ختمي الشابتر اللي قبلو، وحلي التيست بانك!
فيه اشياء محتعرفي تحليها، وقتها حتسألي البنات في الواتس او تروحي للدكتورة تشرح لك!
او فيه اشياء فيها اخطاء وكدا :)
#الاحياء، غلطتي الكبيرة اني كنت اراكم
كنت مع د/ حنان، افهم كويس وكل شي بس ما احفظ
المفروض ارجع احفظ السلايدات او كل نهاية اسبوع وانا تطنييييييش
وقبل الاختبارات اخصص 7 أيام او اكتر او اقل واجلس اكرف في الحفظ
من كتر ما كنت اراكم، فيه ناس ما شاء الله كانوا يزاكرو المادة ( اللي هوا بعد كل محاضرة، ونهاية كل شابتر، وليلة الاختبار مراجعة )
انا ما الحق الا مزاكرة وحدة، ويوم الاختبار الصباح احفظ الرسمات، واراجع ع السريع
احنا ع وقتنا اعطونا بونس، انتو الله اعلم!!
- ع فِكرا انا في السليمانية، الشي التاني البونس والكيرف اب يختلفوا من سنة لسنة فلا تعلقي نفسك بهم،
وطريقتي غلط، بس درجاتي كانت مُرضية الحمدلله .. وانا من الناس اللي اتعب نفسيًا لما ازاكر اول باول!
قبل الاختبارات اكررررررف مرة وحدة مع انو غلط
فيه المواقع التفاعليه دي بس ما يمديني اصلًا ادخلها
بالتوفيق

[Sona12]

ههههههههه مو دفعتكم الموقرة خوفوني منو
يسعدك ربي ع كلامك الجميل بس ممكن تديني رابط كتاب الإحصاء المحلول
وبالتوفيق للجميع

[رفّات حُلم]

المشاركة الأصلية كتبت بواسطة Sona12 ههههههههه مو دفعتكم الموقرة خوفوني منو يسعدك ربي ع كلامك الجميل بس ممكن تديني رابط كتاب الإحصاء المحلول وبالتوفيق للجميع

هههههههههههههههههههههههههههه التّرم الاول كان فيه رُسوب في الاحصاء حسب ما يُقال،
لكنّ الترم التاني بالعكس درجاتنا كانت مُرتفعة وكل شي - دعاء بُوقري بعد اول اختبار دوري لشعبتنا قالتلنا الدرجات مررة مرتفعة جنب بنات الترم الأول، والأسئلة نفس المستوى -
وانا اعرف صحبات ليا بدأو بخطة ب وجابوا فل مارك في المادة الحمدلله
فلا تخافي ولا شي ^^
رابط الكتاب وكُل ملفاتي حمّليها من هذا الموضوع ؛) :
هِنا
بالتوفيق

[Sona12]

أمين ولكي
يسعدك ربي

[Ayah19996]

السلام عليكم ..فكره حلوه وربي يعدي السنه ع خير وفرحه ...تحضيري خطه ب