يابنات وشباب الخطه((ب))

[Amaaany 2009]

المشاركة الأصلية كتبت بواسطة *fofo* وبالتالي أصبحت نسب الخطه ب(عاليه والله يوفقهم) بينما الخطه أ(طايحه بالأرض) قصدك العكس انو خطة أ عالية الله يوفقهم وب طايحة الله يوفقهم برضو الله يوفق الجميع نتمنى للجميع الخير واللي ربي كاتبو راح يصير

هههههههههههههه معك حق (خطأ مطبعي نتيجة القهررر)....

[Amaaany 2009]

اللي أبغاه منكم الحين أي واحد عنده اميل مدير الجامعة او الأفضل عميد القبول والتسجيل
ياريت يكتب لنا هوه
لأنه اللى حضر اخر مؤتمر أذكر الدكتور(مافتكر اسمه بصراحه)
قال اللي عنده اي اعتراض بخصوص الخطتين والتفريق بينهم يرسل لعميد القبول والتسجيل
وهوه هيفيدنا باذن الله

[*fofo*]

مشي حالك حاسة فيكي والله

يلا ربك كريم

[سري جدا]

انا معااااكم من جد مرة فرق بين الخطتين
انا خطة ب واختي خطة أ
والله فررررررررررق

[سحـــر]

انـــــــا معاكــــــم..
ليش كانت المعاملة مختلفة للخطين.....؟؟!!
خطة أ اهون بألف مررررة على طالب خريج من الثانوية..واسهل عليه انه يتكيف مع الجامعه..
واحنا كانت معدلاتنا دمااااااار في خطتنا في البداية...بعكسهم كانت معدلاتهم حلوووووة جدااا..
وما كانت المعارضة منهم على الكيمياء الا لأنهم ما اتعودوا على الدرجات النازلة..
والاسئلة الا ما تنحل..والعذاب الا شفناه...
لازم المقاعد تتقسم...بين الخطين..
ولا اغلب المقاعد راح اتكون من نصيب خطة آ...واحنا مالينا مقاعد..
وهذا ظلم والله ما يرضاه..
مثل ما كنا خطين اتكون المقاعد..مقسمة بين الخطيييييييييين...
عشان هم..ماكانوا اعملونا متساوي...ونزلوا نسبنا ورفعوا نسبهم....وكانوا متعاونيين وياهم...
واحنا بالمرررررررة قهرونا بالدرجات...والعذاب والاسئلة..
وهذا ما يختلف عليه اثنان...وهم عارفيييييييييييييييين...

[شنكوشة]

ياناس ياهو
الى متى وانتو تتكلموا في هدا الموضوع
ترى الخطتين مافيها فرق
وزي ماخطة ب فيها صعوبات فخطة ا فيها برضو صعوبات
واحسن شيء بدال من ضيع وقت في المنتدى على شيء ماله نهاية
ادعي ربنا انه يوفقك ولو ربنا رضي عنك حتى لو نسبتك نازلة ربنا حيوفقك في الشيء الي فيه خير لكي
وادا ماانقبلتي في القسم الي انتي تبغيه يمكن يكون هدا توفيق من ربنا لاحد يعترض يمكن القسم الي انتي كنتي تبغية فيه شر لكي عشان كدا ربنا ابعدك عنه ....
وفي النهاية لااحد يزعل واحمدو ربنا على كل شيء

[Nymph love]

المشاركة الأصلية كتبت بواسطة شنكوشة ياناس ياهو الى متى وانتو تتكلموا في هدا الموضوع ترى الخطتين مافيها فرق وزي ماخطة ب فيها صعوبات فخطة ا فيها برضو صعوبات واحسن شيء بدال من ضيع وقت في المنتدى على شيء ماله نهاية ادعي ربنا انه يوفقك ولو ربنا رضي عنك حتى لو نسبتك نازلة ربنا حيوفقك في الشيء الي فيه خير لكي وادا ماانقبلتي في القسم الي انتي تبغيه يمكن يكون هدا توفيق من ربنا لاحد يعترض يمكن القسم الي انتي كنتي تبغية فيه شر لكي عشان كدا ربنا ابعدك عنه .... وفي النهاية لااحد يزعل واحمدو ربنا على كل شيء

اسفة اخوتي...الفرررق واضح وباين للاعمى... زي عين الشمس

اول شي بالاحصاء مرررة الاختبارات تبعهم (خطة ا)مو زي الي نحنا اختبرنها
وغير البنك تبع الاحياء الي لا تخفى حكايتو على احد الي لاخر يوم بترم نحنا نجمع فيه ويبغونا بيوم وليلة نحفظو ونترجمة ونفهمو وغير الدروس الي اصلا ما درسناها فيه ...
وغير الحاسب الي درستو بل العربي..وياحسرة علينا ندرسو انقلش ونختبروه كوكتيل..ما شاء الله
وان شاء الله ما كون نسيت شي كمان....

وبعدين تقوللي ما في فرق...ادا دا كلو مو فرق

ايش مفهوم الفرق عندك..؟؟؟!!!!!!

[Nymph love]

معاكم..معاكم
المهم....
دا ايميل عمادة القبول والتسجل(طلاب)
admreg@kau.edu.sa

ودا وحد تاني الي فهمتو انو(طالبات)
darg.tasjeel@kau.edu.sa

وبالله نستعين ليعم الحق..وياخذ العدل مجراه...

[reemo2009]

على فكرة يا اختي سوينا خطاب بنفس الي قلتيه مقاعد ومدري ايش ووقعنا عليه بأيادينا احنا يلي من خطة ب وانا اوقع احس ان مارح يسوو شيء لاكن قلت محنا خسرانين..انا مابي احطمك ولا اطفي لك شمعة امل..لاكن هذا الي حصل
وتقبلي مرورر وربنا يسهل علينا خيه

[Nymph love]

هنا وجودين...وان شاء الله رح ناخد الي نستهلو واعتقد انو من ابسط حقوقنا...

والله يوفقنا....
خطة(أ)...بليييز لا تحرجو نفسكم معانا...(فتقل خيرا او لتصممممممممممممممت)