حابة تفيدوني

[Mirinoxd]

لا مين حط الأحياء مقياس للطب :|
انتي فكري ف المستقبل متقبلة انك تكوني دكتورة؟ تعالجي الناس واغلب وقتك حيكون ف المستشفى
بالنسبة للدراسة انتي لما تدخلي طب حتمشي فيلو ولو دخلتي اي تخصص حتمشي فيلو كمان إن شاء الله ف الشي المهم هنا هو تقبلك للتخصص
زي ما قالت وحدة التخصص دا حيكون مستقبلك ان شاء الله
للأسف جامعاتنا مافيها تخصصات عدلة وتخصصاتنا جدا جدا جدا محصورة للأسف وتجبرك تختاري الأحسن ليكي ولعائلتك مو الشي الي تحبيه
ازا انتي حاطة طب في راسك حتمشي فيلو ان شاءالله حتى لو كان صعب
احنا قبل لا ندخل الجامعة الكل كان يحطمنا ويقول التحضيري صعبة وقليل ينجحو الخ ودخلنا والحمدلله اسهل من الثانوي كمان
ونفس الهرجة لما كنا متوسط وانتقلنا ثانوي
ودحين كمان نفس الشي
الله يصبرنا ويكتبلنا الخير أجمعين :""

[Yasmina95]

نفس كلام miniroxed و لهيب الزهور كفوا و وفوا صراحة

بس أضيف لك كلام.... الطب مو بس دراسة! فكري فيها بمن تخرجي و تشتغلي
هل أنتِ تقدري على تحمل المريض و ألامه و تعبه؟ تستحمليهم و تحني عليهم
الطب رسالة و أمانة و ليس تجارة او تفاخر او فشخرة!

بعدين اذا كنتِ تحبي الطب من جد! مارح يهمك اي مادة او اي عائق !!
حتى اذا جميع المواد وقفت ماحبيتيها! حتكملي فيه بما انك حبيتيه :)

بس اهم شيء انك تحبي تخصص الطب ، اذا حبيتيه أقولك ادخليه لأنو
مش على مادة وحدة حتغيري مستقبلك كله ..!!

[wafa al7arbi]

ممم انا بالنسبة لياا كنت مره ابغى طب .
وقبل ماخش تحضيري حاطة تلات تخصصات قدامي 1 طب (لو ماجبتو) > 2 مختبرات (لو ماجبتو) > 3 أحياء دقيقة .
بس دحين صرت ابغى المختبرات اكتر شي .
الاحياء مابغاه لانو كتير يقولوا مالو مستقبل وظيفي زي التخصصات الطبية
والطب لو انقبلت فيلو طبعا بدخلو لانو حلمي واختياري الاول (بس درجاتي ف الانقليش لفل 2 و 3 مش ولابد مع اني ف الفيزياء جايبة a+ حمدلله)
فلما دحين اشوف المختبرات انسب شي واكتر شي نفسي اوصلو واحققو

فزي ماقالو لك انتي شوفي الانسب لانو التخصص مو دراسة وبس التخصص مستقبل
أنا متقبلة اني اصير دكتورة ونفسي بنساء وولادة مره دا لو دخلت طب ... واني اصير أخصائية مختبر لو دخلت مختبرات ... فدراستك دحين هيا مستقبلك لو بتتوظفي فشي تحبيه وترتاحي فيه ادخلي تخصص تحبيه وترتاحي فيه . واستخيري وشوفي الانسب لك وان شاء الله ربي يختارلك اللي فيه الخير وللجميع حبيبي
وبالتوفيق // واسفة ع الاطالة