بخصوص مستوى4 ف الانجليزي !

[Miss.Asmari]

المشاركة الأصلية كتبت بواسطة mirinoxd حلو بس ف النهاية ماتفرق صح؟ لان التصحيح مو يدوي التصحيح آلي يعني حتى لو ان اوراقي تروح للدكتورة الاصلية برضو عادي هي نفسها؟ غير كذا ما راح احتاج دكتورتي الأصليه صح؟ لاني يوم شفت توزيع الدرجات كل الدرجات ف يدنا مافي شي في يدهم بس قرأت انو الدكاترة احيانا يسوو اختبارات قصيرة ممرا من 5 درجات واقل للتحسين وكدا هذي لو سوتها دكتورتي الاصليه انا اايش يدريني ؟ :( واذا سوتها الدكتورة الي حولت عندها اختبروا عندها!؟

يب صحيح مافي تصحيح يدوي بس إنتوا نظامكم تغير صارت اختباراتكم كلها إلكترونية (عن طريق الكومبيوتر) مو ورقي وبعدين يدخل الجهاز ويتصحح إلكتروني (تبع التظليل) المهم ماعدا كيمياء ورياضيات على حسب ما سمعت هما لسا ورقي (تظليل) فمعليش دوبني انتبه إنه تغير هو تغير من الصيفي ذا تروا وأنا هربت منه xd ههههههههههه
ولا التحضيري ما عندكم اختبارات قصيرة ولا تحسين احلموا فيها ما عندكم كذا عندكم بس 3 اختبارات دوري 1 و 2 ونهائي في كل المواد
ما عدا مهارات الاتصال عندكم اختبارين وتكاليف دوري 1 و نهائي ومو ورق بل إلكتروني أما التكاليف فهي كثيرة وكل تكليف بالدرجة حقته عندك إما 5 من 5 ولا 10 من 10 على حسب والبعض متشدد والبعض لا
وعندك الإنجليش اختبارين دوري 1 ونهائي وعندكم اختبارين سبيكينغ(محادثة) واختبارين رايتينغ(كتابة) و عندك التكاليف والملف إللي تجمعي فيها التكاليف إللي يطلبونها بس تري في البعض متشدد والبعض لا زي الاتصال
والحاسب عندك 3 اختبارات دوري 1 و 2 ونهائي هو من أول إلكتروني (عن طريق الكومبيوتر) وعندك على ما افتكر اختبارين مادري 3 عملي
المهم جالسة أشرح لك وأنا ماني عارفة إيش تبغي بالضبط المهم الخلاصة اختباراتكم هذه من عندها الدرجات ومافي اختبار قصير من الدكتورة ولا اختبار تحسين يعني شدوا حيلكم أي كل درجاتكم من هذه الاختبارات فقط مو زي المدرسة ولا التخصص
يعني ما بأخفي عنكم بالنسبة كجزء من دفعة 2013 إللي قالوا عنهم أفضل دفعة مرت على الجامعة صراحة السنة التحضيرية sucks يعني كانت مقززة وتعذبت بعض الشيء بكيت فيها وتمنيت للحظات إني ماني طالبة في kau بس أرجع أقول الحمدلله ما خرجت بنسبة سيئة الخلاصة ((السنة التحضيرية لا بل الجامعة ساحة معركة)) مو مثل المدرسة يعني مذاكرة لازم أول بأول وكل يوم والله يعينكم في كيفية تنظيم وقتكم
شدوا حيلكم شدوا حيلكم شدوا حليكم خذوها نصيحة مجرب أكبر منكم بسنة بس يعني قريب جربت مو بعيد ولا تشتكوا قللوا من الشكوى الشكوى لله العلي العظيم وكمان لما تخرجوا من الاختبار الأول وبعدين طلعت درجاتكم أبدا يعني أبدا لا تستخفوا وترفعوا خشومكم وتزيد الثقة عندكم بزيادة خلوكم متواضعين وترقبوا الدوري 2 لأنه هو الأصعب وكثير لاحظ صعوبة الاختبار 2 (يشربوكم مر بعد ما شربوكم عسل)
أنا ما أبغى أحبطكم بس أبغى أحطكم في الواقع المرير ولا أبغى أكذب عليكم ليش عشان تشدوا حيلكم وتجيبوا أحسن مني ومن دفعة 2013 بكاملها
أتمنى تتفهموا واسمعوا نصائح غيري وابعدوا كمان عن البنات والأولاد المحبطين الكاذبين إللي ما عنده هدف ابعدوا عنهم
الله يوفقكم ويسهل أموركم وإن شاء الله تتجاوزا المحن إللي حتجيكم بنجاح وربي يختار لكم الخير من حيث ما كان

[AJF_995]

آنا المستوى 4 و خطة ب

دوامي الأحد و الثلثاء و الخميس من الساعة الثامنة إلى الساعة الحادية عشر

لكن !!
شفت جداول بعض الزملاء وعندهم نفس المواد حقتي
جدولهم موزع على كل الأيام ... يعني إنتِ و حظّك

[R_D]

انا الترم الاول بدأت من لفل 3 و كنت خطة أ و الحمدلله عدت على خير و الترم الثاني كان دوامي سبت و اثنين و ربوع من 8 لــــ 11 صباح و كان جدول ولا احلى و يفيدك كثير عشان اوقات المذاكرة

وفيه حلين عشان تزبط جدولك ياتروح لشوؤن الطلاب و تغيروا من هناك يا تكلم دكتورك و تتفاهم معاه ودي !

وبالتوفيق لك ان شاء الله !!

[Mirinoxd]

المشاركة الأصلية كتبت بواسطة r_d انا الترم الاول بدأت من لفل 3 و كنت خطة أ و الحمدلله عدت على خير و الترم الثاني كان دوامي سبت و اثنين و ربوع من 8 لــــ 11 صباح و كان جدول ولا احلى و يفيدك كثير عشان اوقات المذاكرة وفيه حلين عشان تزبط جدولك ياتروح لشوؤن الطلاب و تغيروا من هناك يا تكلم دكتورك و تتفاهم معاه ودي ! وبالتوفيق لك ان شاء الله !!

شكراً
انا اليوم اتصلت وقالولي ما يمدي نعدل جدولك لانك تحضيري
ايش السوات؟؟
اروح لشؤون الطلاب ويغيروه لي؟

[Soul Evil]

اخواني اذا مافي انجليزي يعني 4؟

[Mirinoxd]

< يب

راح تنضاف للجدول ف الربع الثاني من الترم الاول تقريبا بعد 7 اسابيع

[حكـآية قلب]

حتتى انا ابي اعدل جججدولي ...؟

وين اروح ..


فرع الششرفيةةة خطة ب ...

[Imoli]

انا كمان نفس الحاله ليفل 4 و جدولي مررا سيء ابا اعدلو '(

[Miss.Asmari]

إخواني وأخواتي حقين التحضيري
باختصار لتعديل جدولكم راجعوا الدكاترة والشؤون الإثنين لازم
ولكن للعلم حيقعد الجدول نفسه إللي نزل لكم أول ما يتغير عند الأودس
والله يسهل لكم أموركم ويوفقكم يا رب ^^

[wafa al7arbi]

امم طيب أنا لفل2
دحين تلقائي يحطولي لفل3 مع لفل2 ولا أكلمهم !!