ماهو انطباعك الحالي حول الدراسة في k.a.u ؟؟؟

[طيوف المملكة]

ماهو انطباعك الحالي حول الدراسه في جامعة الملك عبدالعزيز؟؟
المستوى غير المتوقع
توقعت يكون فيه تعليم حقيقي تشبع معلومات وليس حشو(هذا الحاصل)
توقعت انو الدراسة شي يخليني اصير اعرف وأحب التعلم لكن للأسف الدراسة في جامعة الملك عبد العزيز كرهتني في الدراسة من ناحية المناهج واللغه المفاجئة والقرارات العشوائية والاسئلة اللي مو على قد الدراسة والدكتورات مش ولا بد

هل يوجد لك تغير لقول صرحت به من قبل وتود تغيره ؟
كنت حاطه ببالي انو الجامعه تعلم ووناسة
لاكن للأسف طلعت لا تعلم ولا وناسه (الا في احيان قليلة)

هل ترشح للطلاب المرحله الثانويه بالدراسه فيها ام لا ؟ ولماذا ؟
اذا لقيوا المجال اللي يبغوا يدرسوه في جامعه ثانيه بسهولة يتوكلوا على الله
واذا لقوا بعثه يغتنموا الفرصه ما يضيعوها زي محدثتكم
اما اللي مالهم غيرها بسبب الغربة والاشياء الثانية افضل يسجلوا فيها

مارايك بالمقرارت المشروحه هنا ؟ وماذا كنت لتفعل لو انك المسوول عنها ؟
طوييييييله ولو اني مسئولة عنها لخففتها

هل انت راضي عن معدلك ؟ هل تستحقه بجداره ام ظلمت فيه ؟
لا وربي
لأن انا ما طيحني غير لغتي
كل اختباراتي الدروية درجاتتي في الحضييييض لأن لغتي ما كانت تمام
بس في الفاينل درجاتي عالية جدا لأن لغتي تطورت
وبالتالي فإن مستواي التعليمي جيد بإستثناء اللغه
ولذلك احس اني مظلومة في معدلي فلو ان الاختبارات كانت بالعربي لكانت درجاتي عاليه جدا

لو خيروك بين كل كليات الجامعه ماذا تختار فيها ولماذا ؟
طب بشري او كيمياء غير عضوية أو رياضيات
لأني احب هالتخصصات >>> ترا أحب التخصصات العلمية بصفة عامه

وأكره الحاسب كرها شديدا>>>ترا متعوب على شديدا

اسم لدكتور نال اعجابك وفرض نفسه عليك باحترامه وتواضعه ؟وماذا تود ان تقول له ؟
لميس العمودي
استاذة الاحصاء
لها كل الشكر

[مـلآكــ]

ماهو انطباعك الحالي حول الدراسه في جامعة الملك عبدالعزيز؟؟ هل يوجد لك تغير لقول صرحت به من قبل وتود تغيره ؟ هل ترشح للطلاب المرحله الثانويه بالدراسه فيها ام لا ؟ ولماذا ؟ مارايك بالمقرارت المشروحه هنا ؟ وماذا كنت لتفعل لو انك المسوول عنها ؟ هل انت راضي عن معدلك ؟ هل تستحقه بجداره ام ظلمت فيه ؟ لو خيروك بين كل كليات الجامعه ماذا تختار فيها ولماذا ؟ اسم لدكتور نال اعجابك وفرض نفسه عليك باحترامه وتواضعه ؟وماذا تود ان تقول له

أنا نتهيت من الثانوية و ودي أسجل بشدة في جامعة الملك عبد العزيز مشكلتي اني أجنبية بس ما أدري كيف اسجل في الجامعة اقتراح اروح لجامعة ثانية مستحيل و سفري برا جدة أكثر استحالة أنا من يوم ولدت ما عشت في غيرها

معدلي ممتازفي الثانوية لو في وحدة أجنبية تدرس في الجامعة أو وحدة تعرف وحدة أجنبية مسجلة ياريت تعلمني كيف سجلت ؟؟!!يآآآآآآريت وبشدة حد يساعدني و يحطني على الطريق السليم ؟؟!!

و الموضوع صراحة ما شاء الله ممتاز يعرف طلاب الثانوية على الجامعة خصوصاً انها آراء طلاب و طالبات الجامعة أنفسهم أعتقد الجو اللي سائد الآن بين طلاب السنة التحضيرية هو مزيج بين الملل و عدم المعرفة الجييدة بالجامعة تحصل في أول سنة بأي مدرسة بس الجامعة أكبر علشان كدة يزيد التوتر ...

مشكووووووووووور أخي على الموضوع المفيد...

[υикиσωи]

<< انا اعرف انو ما يسجلوو غير السعوديات الا اللي من أم سعودية ...
مالك الا جامعات وكليات تانية ...
ربي يوفقك يا عسل ... ويختارلك اللي فيلو الطيب ليكي

[مـلآكــ]

لا أنا في وحدة أعرفها من بعيد لا أمها سعودية و لا أبوها لكن سجلت وهذه السنه هي بالجامعة و هما يقبلوا اللي نسبتهم في الثانوية 90 أو أكثر بس ما أقدر أسأل البنت ما في بيني و بينها احتكاك يادوب اسمها

مشكورة Miss.Eblesa على ردك أتمنى يكون في حد يعرف ....

[dandoosha]

ماهو انطباعك الحالي حول الدراسه في جامعة الملك عبدالعزيز؟؟
إلى الان مو قادره اخد انطباع كويس لاني احس السنه التحضيريه مشي حالك
لو حاخد انطباع فحيكون سئ
هل يوجد لك تغير لقول صرحت به من قبل وتود تغيره ؟
لا ما قلت شي وندمت عليه
هل ترشح للطلاب المرحله الثانويه بالدراسه فيها ام لا ؟ ولماذا ؟
يعني لو النظام هاذا مازال مستمر يعني اللي بعدنا حيجلسو في البيت لازم
يجربو ويتخطوها زي ما احنا بنسوي

مارايك بالمقرارت المشروحه هنا ؟ وماذا كنت لتفعل لو انك المسوول عنها ؟
كويسه وماراح اغير فيها شي لكن الاحصاء مالو داعي (والغلط كلو من اللي يشرحو)
هل انت راضي عن معدلك ؟ هل تستحقه بجداره ام ظلمت فيه ؟
الحمدالله مكتوب وانا تعبت وماضاع تعبي صحيح النتيجه غير اللي كنت احلم بيها
لكن مع الصعوبات اللي واجهتها جيييييييييده
لو خيروك بين كل كليات الجامعه ماذا تختار فيها ولماذا ؟
إلى الآن لا ادري
اسم لدكتور نال اعجابك وفرض نفسه عليك باحترامه وتواضعه ؟وماذا تود ان تقول له ؟
دكتوره حنان شاذلي انسانه رائعه ومتواضعه جدا وتشرح من قلبها أقلها (مافي زيك في دي الجامعه)


وبس

[أريج]

المشاركة الأصلية كتبت بواسطة مـلآكــ أنا نتهيت من الثانوية و ودي أسجل بشدة في جامعة الملك عبد العزيز مشكلتي اني أجنبية بس ما أدري كيف اسجل في الجامعة اقتراح اروح لجامعة ثانية مستحيل و سفري برا جدة أكثر استحالة أنا من يوم ولدت ما عشت في غيرها معدلي ممتازفي الثانوية لو في وحدة أجنبية تدرس في الجامعة أو وحدة تعرف وحدة أجنبية مسجلة ياريت تعلمني كيف سجلت ؟؟!!يآآآآآآريت وبشدة حد يساعدني و يحطني على الطريق السليم ؟؟!! و الموضوع صراحة ما شاء الله ممتاز يعرف طلاب الثانوية على الجامعة خصوصاً انها آراء طلاب و طالبات الجامعة أنفسهم أعتقد الجو اللي سائد الآن بين طلاب السنة التحضيرية هو مزيج بين الملل و عدم المعرفة الجييدة بالجامعة تحصل في أول سنة بأي مدرسة بس الجامعة أكبر علشان كدة يزيد التوتر ... مشكووووووووووور أخي على الموضوع المفيد...

أنا أقدر أفيدك انشا الله وعن معرفة وثقة
أهم شي تكون نسبتك عالية جدا في الثانوي يعني 99_98
والقدرات والتحصيلي المعدل الموزون لها يكون في التسعينات
وتقدمي مع السعوديات
وبعدين يجيكي الرد إنو انتي انقبلتي انشا الله
بس للأسف بعد ما يبدؤوا في الترم الأول بفترة
بس لاتعاملي معاملة السعودية في كل شي
يعني ما في مكافأة
ويقولوا إنو ما ينفع أجنبية تدخل الأقسام الطبية أنا نفسي أتأكد من الموضوع هدا
وانشا الله أكون أفدتك
ولو عندك أي استفسار إسألي وأنا في الخدمة

[rayyan1444]

طيب اجنبي امه سعودية ينفع يدخل طب

[أريج]

المشاركة الأصلية كتبت بواسطة rayyan1444 طيب اجنبي امه سعودية ينفع يدخل طب

أنا اللي أعرفه انو إيوة ينفع
لأنه يتعاملوا معاه في كل شي معاملة السعودي زي المكافأة ومكافأة الإمتياز

[mermaid]

المشاركة الأصلية كتبت بواسطة rayyan1444 طيب اجنبي امه سعودية ينفع يدخل طب

ايوووووووه ينفع ونص لانو يعامل معاملت السعودي

بس لو موسعودي مره لا امه ولا ابوه مايدخل طب وهاذا الخبر اكيييد على حسب معرفتي

[rayyan1444]

طيب شكرااا يا احلى صبايا