بعد كارشة الانسترو

HOUSE.MD · 13-12-2011, 07:06 PM

السلام عليكم ورحمة الله وبركاته

بالنسبة لمادة الانسترو الدكتور عبدالعزيز مو رئيس القسم تبعها رئيس القسم الدكتور حامد واعتقد انو الدكتور حامد هو اللي يقرر فيه بونص او لا

بس الصراحة احنا في امس الحاجة للبونص

وشكرا

qeut · 13-12-2011, 10:38 PM

لا ابشرك الدكتور عبدالعزيز يدي بونس اعطاني اربع درجات عل سؤال حليته
خلواااا عندكم امل <<< بس بالله اي مراجعة تأخذوها اعطونا هيّا وكذا نتبادل الفائده

no0ona17 · 14-12-2011, 12:18 AM

السلام عليكم
د.عبد العزيز حيدي بونس بس مو للكل بس للي طلعوا يحلوا المسائل ع السبوره في واحد من الدروس .
والحمد للله انكم اتكلمتوا عن الانسترو , انا كنت مستغربه منكم انو الوضع عادي وطبيعي عندكم و انتو قدكم داخلين الاختبار الاول و جهازين منتو مذاكرينها , بس بصراحه الاختبار الاول كان جددددددن اصعب من الثاني , وفي وحده من بنات سنه ثالث قالت يا هنا ع المنتدى او قالتلنا في الجامعه انو نحنا نتفجع بالدرجات حق الانسترو و الmt
بس في النهايه د.حامد يحسبها بطريقه معينه وتكون حلوه و اللله اعلم
بس صراحه الانسترو دي انا مررررره مهي عاجبتني يعني صراحه في دكاتره ما يفهمونا كويس و بعدين فجأأأه تلاقي اسئله مدري من فين و لا يسوو انهم يحذفولنا من المنهج و ما يشرحو وبعدين نلاقي اسئله ع الجزئيه المحذوفه او الي ما انشرحت , و منجد هادي الماده بس نقعد نتخيييل ما نشوف الاجهزه , و احس المفروض لما نكون سنه 3 او 4 ناخد الماده دي نحنا لسا قلنا بسم الللله و بدأنا تخصص و بناخد اجهزه تقيس اشياء لسا ما درسناها يعني ندرس مثلا hematology
اول بعدين ندرس FLOW CYTOMETRYDRM
و كمان مو كل الدكاتره يعرفو يشرحو كويس يعني يا يضغطونا في ساعه او ساعه ونص و يشرحو كل شي باسرع من السريع و لا ناخد جهازين في دي الساعه مو بس جهاز واحد , و الدكاتره اغلبهم ما يكونو فاضين في وقت محاضرة الانسترو حقتنا
المهم لازم نتصرف و ليا عوده ان شا الله عندي ملاحظات كثير ع الماده دي بس عندنا اختبااار بكره بروح اذاكر :""(

ربشه · 14-12-2011, 02:12 AM

يسلموووووووووو ع التفاعل
وبالنسبه لازم نتبادل الفائده فيلا كلواحد يلم ما لديه ويطرحها هاهنا >>>>>> شميت ريحت بونس طيب انا حليت ع السبوره وشكلي اكلتها مع نفسي يلا عووووافي

الحين مشكله الماده هذي نبي حلول منطقيه ومقنعه للدكتور وانا اطرح الحل لاول اعطاء واجبات او كويزات حتى تزيد لنا بونس بس بطريقه مشروعه وهذا والله اعلم

ربشه · 14-12-2011, 01:24 PM

بانسه للاخت كيوت يا ليت تنزلين لنا سلايدات الكربوهيدرات حقتكم

واذا عندكم تتوريال بعد وتسووون فينا خير

no0ona17 · 14-12-2011, 04:07 PM

على قولك اخوي (ربشه) لو نطلب واجبات لانو اليوم كلمنا د.عبد العزيز انو نبا نسوي برزنتاشن او بحث و يدونا عليه درجات بس قال لا لا ما ينفع فاظن لازم نتعبب عشان نعدل درجاتنا يعني يا واجبات يا اختبار بس احس مافي وقت مررره لاختبار خلاص جبولنا المرض لسا اليوم خلصنا تست 2 و السبت عندنا فاينل ثقافه و الاثنين عربي و ممكن نخلي الربوع لاب بيو والاسبوع الي بعدو ممكن نحط اختبار اضافي بيو و ياخدو الدرجه الاحسن (بس لسا ما اتكلمت مع رئيسة القسم فـ دا شي مره مو اكيد بس نحنا بنفترض ونتأمل اننا حنسوي اختبار تحسين) , وانتو كلمو د.حامد ع الموضوع و انا حكلمو ان شا الله و انتو حسسوا انو مررره الماده صعبه و خايفين نرسب يعني بالعربي حزنو شويا و هي فعلن صعبه , و منجد عن تجربه اقلك انا درجت الانسترو تفرق مره في الاختبار الاول و التاني طبعا الثاني احسن بكتير و السبب اني قرأت الاواراق الي ادونا هي سنه 3 فانا قررت ارد الجميل و اساعد الاصغر مننا باننا ان شا الله نساعدهم في الاسئله يعني نقلهم ايش الاسئله الي جاتنا و منجد نصيحه مني ذاكر الاسئله حقت السنين الي فاتت حتى لو منتا مخلص المنهج كلو لانها جددددن مهمه وقلتلك انا مجرررربه في اكتر من ماده
و المعذره ع الاطاله

qeut · 14-12-2011, 04:49 PM

اخوي ربشه تلقى كل محاضراتنا في عنوان محاضرات سنه ثانية مختبرات الترم الاول في المنتدا بس ماانصحك فيها تلخبط اذ تبغا اديك روابط مررره ممتازه تفهم بدون ماتفك الشيتات قولي اعطيك هيّا بس ايش الدروس اللي متا فاهمه في الكابوهيدرات وبخصوص lipdsعندي ملخطات حلوه بس لسه ماذاكرت منها <> بسألكم عن اختبار الفسيولجي اليوم كان موحد والا دكتوركم حط الاسئله ؟؟؟ لو موحد بناخذ منكم بعدين ~~~~|~||||||~ واسفه عل الكلام الزايد ذا

no0ona17 · 14-12-2011, 04:57 PM

no0ona17 · 14-12-2011, 05:02 PM

خخخخخخخ كيوت ما شفت ردك و لا كان ما رديت , بس صح كلامك ما اظن حيستفيدو الاولاد من ملخصاتنا , و كيوت لو عندك روابط حلوه نزليها في موضوعنا اذا ما كان عليكي كلفه :)

qeut · 14-12-2011, 05:40 PM

بس بسألك عايدي انزل روابط خارجيه ؟؟؟؟؟

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

بعد كارشة الانسترو

منتدى كلية العلوم الطبية التطبيقية