خبصنا وجبنا العيد يايلدرم

[جالكسي22]

شكرا يالدرم ع الموضوع الرائع

نفسي اتخرج بسرعة عشان احس بحلاوة دي الايام اللي تقولو عليها
لأنو بصراحة الى يومي هذا في الجامعة ماشفت اي شي حلوو ومميز فيها

... لكم حبي وتحيتي ...

[kojak]

هي من ناحية أيام حلوة

إن شاء الله تسير

[يلدرم]

المشاركة الأصلية كتبت بواسطة ii 5o5a ii اشكرك يا يلدرم بصراحه اسلوب وذوق ما شاء الله الله يريحلك قلبك يا شيخ خلاص هذا نصيبنا وانا تقريبا تعودت على الوضع فى البدايه كنت مصدومه مرا مرا عشان المجتمع غير وعشان المناهج صعبه وكلها انجليش لكن خلاص لازم نرضى ونحمد الله ونشكره انا عندى اختى صيدله تقريبا اخذت نفس اللى قاعدين ناخذه لكن هما عطوهم كورس 6 اسابيع انجليش وبعدين بدؤو معاهم مناهج فى اول سنه تعبت لكن بعدين ما شاء الله صارت شاااااااااااااااااطره مع انها ماتذاكر الا وقت الاختبارات عموما ربى يحلها ان شاء الله ويارب بس متى اتخرج هع يسلمووو

بالنسبة لل 6 اسابيع فهذه كل عام تصير قبل الدراسة للطلاب المقبولين واتذكر اني اعلنت عنها وكانت في شعبان تقريبا

بس ياحسرة الطلاب والطالبات كانو مشغولين بمهند ونور

المشاركة الأصلية كتبت بواسطة غروور أذكر العآم كنت مره متعقد من الدكتور البآكستاني لانه سافر ههههه وكمان ليلة المناقشه كان عندي اختبار فيزياء 101 جلست ادعيلك وانا اذاكر==>عشان كذا اخذت a+ وشريط الإهدائات كلها دعواي لكـ

ياريت سافر وبس الا وقتها انقتلت بينظير بوتو وقفلو المطارات حقتهم وماجانا الا بعد كم اسبوع

ليله المناقشة صاحبي كان جالس يراجع المشروع وانا جالس ألعب في منتدى الوناسة

على فكرة انت ليش بتدرسي مواد السنة التحضيرية؟

المشاركة الأصلية كتبت بواسطة جالكسي22 شكرا يالدرم ع الموضوع الرائع نفسي اتخرج بسرعة عشان احس بحلاوة دي الايام اللي تقولو عليها لأنو بصراحة الى يومي هذا في الجامعة ماشفت اي شي حلوو ومميز فيها ... لكم حبي وتحيتي ...

تبغى تتخرجي بسرعة ها

في المشمس

لازم تتعبي عشان تحسي بحلاوة التخرج

احلى شئ في الجامعة لمن تنزل المكافئات

[M!Ss AmoOoLa]

انا أمس حمدت ربي وصليت صلاة شكر لله لانو دخلني كلييييييييية العلوم ياحبيييييلها ==>ترفع من معنوياتها

السبب اتصلت وحده من صحباتي علي وقالت يالله ابغى اشوفك واحشاني من زمان ما شفتك المهم قلتلها عندي محاضره قالت طنشيها المهم طنشتها عشان خاطرها و كمان الجو كان جونان وجلست معها ساعه وهيا قالت انو عندها محاضره وانا من الدفره قلت ابغى احضر معك خخخخخ والله حضرت معها وياليتني ماحضرت محاضره ممملهه بشكل فضيييييييييييييع المادة اسمها اقتصاد جزئي مدري كلي ومعرووف ان الماده باالعربي
وبعدها حمدت ربي اني في العلوم صح انو دراستنا باالأنقلش بس ممممممممممممتعه
خلاااااااااااااااااص قررت ماابغى احوووول من كليتي العلووووم

[M!Ss AmoOoLa]

على فكرة انت ليش بتدرسي مواد السنة التحضيرية؟

غيرو في الخطه الدراسيه
فصآر إجباري لنا كلنا ندرس كيمياء وأحياء
والأحصاء والماث110 عادلوها لنا بماث 101 وفيزياء 101
ا

[يلدرم]

المشاركة الأصلية كتبت بواسطة kojak هي من ناحية أيام حلوة إن شاء الله تسير

ان شاء الله ياكوجاك

كان فيه ممثل امريكي اسمه كوجاك وكان اقرع

المشاركة الأصلية كتبت بواسطة غروور انا أمس حمدت ربي وصليت صلاة شكر لله لانو دخلني كلييييييييية العلوم ياحبيييييلها ==>ترفع من معنوياتها السبب اتصلت وحده من صحباتي علي وقالت يالله ابغى اشوفك واحشاني من زمان ما شفتك المهم قلتلها عندي محاضره قالت طنشيها المهم طنشتها عشان خاطرها و كمان الجو كان جونان وجلست معها ساعه وهيا قالت انو عندها محاضره وانا من الدفره قلت ابغى احضر معك خخخخخ والله حضرت معها وياليتني ماحضرت محاضره ممملهه بشكل فضيييييييييييييع المادة اسمها اقتصاد جزئي مدري كلي ومعرووف ان الماده باالعربي وبعدها حمدت ربي اني في العلوم صح انو دراستنا باالأنقلش بس ممممممممممممتعه خلاااااااااااااااااص قررت ماابغى احوووول من كليتي العلووووم

في اخر سنة ليا كان عندي فقط مادة المشروع فقلت مادام جالس خليني اخد مواد حره وارفع بيها المعدل

فأخدت من كل بحر قطره

اخدت مادة اقتصاد جزئي ومادة الاستثمار من كلية الاقتصاد

مواد حسابيه وكلام كله خرط في خرط

والدليل اني كنت اشوف الاساتذه في قناه العربية ويقولو الاسهم بكره راح تطلع واجي اليوم التاني افتح

التلفزيون الاقي السوق كله طماطم حمرا

اما من كلية العلوم اخدت مادة فلك عشان لمن اتزوج اعطي الحرمه فلكه

المشاركة الأصلية كتبت بواسطة غروور غيرو في الخطه الدراسيه فصآر إجباري لنا كلنا ندرس كيمياء وأحياء والأحصاء والماث110 عادلوها لنا بماث 102 وفيزياء 102 ا

طيب كدا افضل لك

انا درست 5 مستويات رياضيات وكان اصعبها ماث 102 حتى نجحت برفسه من الدكتور مو بشطارة مني

والاحياء سهله مررررررره برغم ماكانت موجوده ايامي

يعنى لو سألوك ايش تعرفي من الحيوانات البرمائية ؟

قوليلهم الضفدع وخالته وامه

[M!Ss AmoOoLa]

يااااااااا ليييت الأحيآء بيتكلم عن الضفدع والبرمائيات كان اخذنا فيها أمتيآآآآآز :(

يلدرم سوري غلطت غلطه مطبعية اقصد ماث وفيزياء 101

ماث 102 ماأدرسه للأسف

اما من كلية العلوم اخدت مادة فلك عشان لمن اتزوج اعطي الحرمه فلكه

اعرف بنات انخدعو باالمادة هذي يحسبونها سهلة طلعت صعببببببه

والمشكله بأربع ساعات

[!. ج نـتـل مـآن .!]

.


.





يلدرم شخصيه تفرض لك احترامها..
وتجبرك علي قول ماشاء الله علي نشاطها وحماسها..

شخصيه قتاليه رائعه..صبرت ونالت,,فاستحقت..

يلدرم هنيئا لك تلك العزيمه..وهنيئا لك..ماحققته..

وشكرا لك علي ماقدمته هنا لاخوانك المستجدين..فإن شاء الله نصبو صوبكـ..

يعطيك العاافيه..وشكرا لك..


.


.

[R-Kh]

اول شيء يلدرم بسم الله ماشاء الله عليك
والله ياريت كل الطلاب يقروا كلامك من جد
كلام رهيب
..
غصبًا عندي ابتسمت
وقلت الحمدلله
...
المفروض كلنا نحس بالامتنان لربنا
في الف واحد ووحدة يتمنى يكون مكاننا يدرس
واحنا ولا حاسين بالنعمة اللي احنا فيها
...
اخويا تحضيري
وطول اليوم يشتكي
وولد عمتي قدو ما اتقبل في الجامعة
فـ بقول لاخوياقول الحمدلله ولد عمتي يتمنى التعب اللي تحس بيه
...
صحيح في البداية كلنا تعبنا
ولا احد يقول مو تحضيري ما تعبني
لانو من جد تعبنا زينا زيكم
كنت سنة علوم طبيعية
ولازم اجيب معدل عشان اتخصص فيا لكلية اللي ابغاها
كانت بداية جديدة في حياتي
اجواء غريبة وناس غريبة
بس الحمدلله قدرت اتأقلم
وبعد تاني ترم في الجامعة حسيت بطعمها
وصارت الجامعة توحشني
...
وصرت كل يوم قبل ماادخل من الباب اقول الحمدلله
صرت ااحس بالامتنان عشان احس بطعم النعمة اللي انا فيها
...
بس ابغاكم تتخيلوا لو ما اتقبلتوا
كيف شعوركم؟
كيف احساسكم؟
ولما تسمعوا الطلاب بيشتكوا
اقد حتقولوا ياريتنا نحس بنفس احساسهم
حتى لو تعب
...
صحيح تعب بس تعب من نوع اخر
لما ارجع البيت وماما او بابا بيقولوا
الله يعيينك ويوفقك
انسى كل شي
...
احيانا اروح 8وارجع 5
وبيتي في الشمال
وقول المشوار ساعة
بوصل كدا على 6 او 6 الا
صح احيانا اقول تعب وهم و و و
بس قبل ما انام اقول الحمدلله
والله احنا في نعمة
...
وعندي شي تاني ابغا اقولو
بنسمع كلام كتيييييير
اللي يقول الله يعينكم الجامعة صعبة
واللي يقول الله يخلصكم من الهم
و و و
وحاجات كتير بسمعها
واللي يقولي مجنونة اتخصصتي كيمياء حيوي
واللي يقول كان دخلتي شي سهل
واللي يقول مافي وظائف والتخصص مو مطلوب
وضيعتي نفسك
و و و
بسمعو كتير ومن ناس كتير
بس مرة قريت لـ د/جون ديمارتيني
في شي لا يمكن انساه ودايما افتكرو
"أقول على الدوام إنه حين يصير كل من الصوت والرؤية بداخلك أعمق وأوضح
وأعلى صوتًا من الآراء التي بالخارج، فإنك عندئذ تكون قد سيطرت على حياتك"
يعني اللي تسمعوا انو الدراسة صعبة و و و
اعملوا ولا كأنكم سامعين عشان تقدروا تكملوا مسيرتكم
وحسوا بالامتنان وقولوا الحمدلله
في الف واحد يتمنى يكون مكانكم
...
واخر شي ابغا اقولو
اتمنى الكل يقرأ كتاب السر
والله من جد كتاب رائع وحيغير تفكير الكتير منكم
...
والله يوفق الكل وتكملوا مسيرتكم بنجاح
وتنسوا الاحباط اللي تفكروا فيه
...
:)

[R-Kh]

ابغا احطلكم اقتباسات من كتاب السر
للمؤلفة روندا بايرن
..
الاقتباس الأول:

" إن واقعك الحالي أو حياتك الحالية ماهي إلا نتيجة للأفكار التي كنت قد فكرت بها.
كل ذلك سوف يتغير تغيرًا تامًا بمجرد أن تبدأ في تغيير أفكارك ومشاعرك"
يعني اللي بيحس بالاحباط
لازم يعرف انو هوا السبب في دا الاحباط
لا المادة وصعوبتها ولا الدكتور اللي مايشرح كويس هوا السبب
السبب انت !!
كيف؟؟؟
لما كل ما تدخل محاضرة او تفتح كتاب المادة تقول انا ماني فاهم ولا حافهم
بالله تستوعب شي
حتى لو فهمت
عقلك حيخليك ماتفهم
فـ ياريت التغيير يبدأ من افكارك ومشاعرك تجاه المادة او الدكتور
او الجامعة بكبرها
و حتلمس التغيير اللي حيحصل في حياتك
..
:)