اي الجامعتين اقوى ؟.الفهد او العبد العزيز؟.

[صانع الهدف]

اعطوني معلومات :::فروقات ::::بين الجامعتين .؟
حتى اقتنع ////////////::

[Ӎṝ.7ṂṍṍḊḽ :)]

والله عشان الواحد يعطيك فروقات لازم يكون داخل الجامعة نفسها .. انا عن نفسي مادخلت فهد ولا اعرف واحد دخلها بس اعتقد عندهم هناك رقابة وصرامة اشد من هنآ لان الادارة حقتهم اجنبية والاسامي الوطنية هي بس في الواجهة فقط

[مين قال ..!]

شوف انا صح بنت بس ملقوفه

يعني اقدر اقولك اني عندي معلومات تفيدك بما انو ماخليت شي الا وسالت عنو من ناحيه الجامعات اللي عندنا سواء لولد ولا لبنت

الله يعينك انا اليوم رايقه ومن زمان ماجاوبت ولا كتبت فراح تقرا كتيييييييير

المشاركة الأصلية كتبت بواسطة صانع الهدف يروادني شعوور باني متحير بين الجامعتين جامعة الملك فهد للبترول وجامعة الملك عبد العزيز ؟. ايهما افضل ؟. ياعزيزي انا واعوذ بالله من كلمة انا لو كنت ولد وخيروني بين الفهد وعبدالعزيز ماراح اتردد دقيقة وحده في دخول جامعه الفهد بما انها أفضل الموجود هنا <<<< افضل الدراسة برااا وليش ؟. انا اقولك ليش .. اول شي الجامعه بدت على يد ارامكو = النظام فيها اكثر ثباتا وقوة . التدريس فيها اكثر قوة واهم شي واللي اظنو يهمك ويهم كل مواطن المستقبل الوظيفي مضمون اكثر يعني باذن الله تتخرج وماتشيل هم الوظيفة << واولن واخيرن الارزاق بيد رب العالمين وعلى اي اساس يقسم الافضل ؟. مافهمت قصدك بالسؤال هذا ولكن لو كنت تقصد على اي اساس تقسم الجامعات من الافضل للاسوء على حسب معرفتي بعد استطلاع وسؤال واللذي منو حسب الخطة الدراسية حسب الكادر التدريسي حسب المباني والمختبرات وتوفر الادوات الدراسيه حسب جودة المخرجات من الجامعه = مستوى الطلاب المتخرجين منها = واللي نقيسه برغبه الشركات والمؤسسات = خريج الفهد مطلوب اكثر من خريج عبدالعزيز اكثر من الخ الخ وليش يقولون جامعة الملك فهد اقوى بكثير من عبد العزيز .(اشرحلي هذه النقطة .؟؟ لانها افضل منها في كل شي = كادر تدريسي , جودة مخرجات الخ الخ مااهمية الدراسة بالنسبة للشغل .,.مدام احنا نروح نشتغل .؟ مافهمت برضه ولكن لو كان قصدك انه ايش اهميه المكان اللي تخرجت منه مدام احنا كلنا راح نشتغل نفس الشغله اجاوب عليك ياعزيزي بانه انتا لو كنت صاحب مؤسسه وقدامك خريج من مكان مرموق وجيد بمعدل متوسط وخريج من مكان مشي حالك بمعدل عالي راح تختار الخريج المرموق ليه .؟ لانك تبغا واحد تعود على بذل الجهد + تحمل الضغوط + درس بطريقة افضل = اختيارك لاسوء الافضل احسن من افضل السيئين .. (يعني انتبه اصحاب المعدلات الواطيه مالهم مكان في اي منافسه) عشان كيذا الشركات تفضل خريج الفهد = انسان تحمل ضغوط + تحمل مسؤولية + درس بطريقة قوية يعني في الاخير اقولك يااخي لو انتا قدها روح . لكن لو مانتا راعي دراسه وكرف ولو رحت ترسب وهيك افضل لك اجلس هنا ولكن احرص انو تكون متميز = معدل عااالي + لغه ممتازه عشان تقدر تنافس خريج الفهد في المستقبل بما انو خريج الفهد بمجرد تخرجه من دي الجامعه ميّز نفسه عن الباقين بجودة الدراسه واللغه القوية وبيكون اختصر طريق طويل اللي خريج عبدالعزيز لازم ياخدو بعد التخرج <<< وركز على اخر نقطة لان من خلال استطلاعي لقيت انو اللي يميز خريج الفهد لغته القوية + المامه باللي درسه بصورة كبيرة ودي الشغلتين تثبتها بالمعدل العالي واللغه الممتازة = تقدر تنافسهم وان شاء تتميز عنهم كمان باختصار لو كنت تقدر تتحمل الضغط والدراسه القويه لمده خمس سنوات وتتخرج جاهز وملخص كلو = الفهد لو كنت صاحب بال وسيع وصبور وشاطر وتضمن انو تطلع بمعدل مرا عالي وتقدر تكمل بعد تخرجك الطريق = عبدالعزيز لانو نقدر نقول انو خريج الفهد بمجرد تخرجو يكون خلاص جاهز للعمل بعكس خريج عبدالعزيز اللي لازم يشتغل على نفسو ويطور نفسو )

[Ahmed Ibrahim]

التصنيف اللي صنف جامعة سعود تصنيف مسخرة
التصنيف يعتمد على قوة المعلومات في (الموقع الالكتروني)
يعني التصنيف عن أقوى موقع الكتروني
بالنسبة لجامعة الفهد قوية جداً في جميع تخصصات الهندسة ما عدا تخصص الهندسة الكهربائية تعتبر جامعة المؤسس بنفس المستوى أو أفضل .. ليش بس الكهرباء : الله أعلم
جامعة الفهد اذا تبغى تدخلها لازم تكون واثق من نفسكـ وما تكون مهمل الدراسة .. يعني بالعربي يبغالها شوية جهد

[Eng. Abdullah Saeed]

حبيبي انا درست فيها سنه وبصراحه الدراسه ابدا ابدا ابدا .....ماتنطاااااااااااااااااق
صعبه صعوبه والله ماهي طبيعيه انا هناك رسبت في الانقلش مرتين جيت هنا اخذت a+ ولله الحمد
افرج الطلاب في الفيزكس 4 من20 في الميجر الاول
اللي انقبوا للسنه التحضيريه 3500 طالب اللي يعدي بدون مايرسب ولا مره 700 الى 800 طالب
في طالب هناك ماشاء الله اخذ لقب ملك التكامل <<طبعا مسابقه علميه والمركز الثاني واحد ياباني اعتقد
تخصصوا هندسه كهربائيه والاول على الدفعه كم تتوقع معدلوا ؟؟؟؟؟!!!
3.1 من 4 وكمان الدكاتره مستغربين كيف اخذت هذا المعدل

ونجي من ناحية الوظيفه الان الوضع كلوا معدل يعني واحد من البترول ادفر مني ومعدلوا 2.6 وواحد من عبدالعزيز مرتبة شرف فبلا مناااااازع اللي بمرتبه شرف

[First Officer]

خليني أقلك بكل شفافية وبدون لف ودوران الأسباب اللي خلت جامعتنا في أدنى مراتب التصنيف:

1- البيروقراطية في الإدارة.

2- ضعف كفاءة أعضاء هيئة التدريس بالنسبة لأعضاء هيئة تدريس جامعة الملك فهد.

(وهذين السببين ما لنا أي دخل فيها وما نقدر نغير فيها أي شيء)

*السبب الثالث وبرأي هو الأهم*
3- ضعف مستوى طالبات جامعتنا مقارنة بالطلاب , وهذا الشيء زي ما إنتم عارفين يأثر في سمعتنا وسمعة الجامعة

بينما جامعة الملك فهد فهي للطلاب فقط,,,, عشان كده هي تحتل مراكز متقدمة


اتمنى لا أحد يزعل ولكن هذه هي الحقيقة....

تقبل مروري,,,

[مين قال ..!]

المشاركة الأصلية كتبت بواسطة first officer خليني أقلك بكل شفافية وبدون لف ودوران الأسباب اللي خلت جامعتنا في أدنى مراتب التصنيف: 1- البيروقراطية في الإدارة. 2- ضعف كفاءة أعضاء هيئة التدريس بالنسبة لأعضاء هيئة تدريس جامعة الملك فهد. (وهذين السببين ما لنا أي دخل فيها وما نقدر نغير فيها أي شيء) *السبب الثالث وبرأي هو الأهم* 3- ضعف مستوى طالبات جامعتنا مقارنة بالطلاب , وهذا الشيء زي ما إنتم عارفين يأثر في سمعتنا وسمعة الجامعة بينما جامعة الملك فهد فهي للطلاب فقط,,,, عشان كده هي تحتل مراكز متقدمة اتمنى لا أحد يزعل ولكن هذه هي الحقيقة.... تقبل مروري,,,

اتمنى اكون قريت صح !!!!


مع اني ضد انو المستوى العلمي يصنف على نوع الادمي ولد ولا بنت لكن خليني اتكلم بنفسك نظرتك

انا اتمنى انك تشيك على نتائج المبتعثات والانجازات اللي بتطلع منهم وتشوفلي في المقابل عدد المبتعثين والانجازات حقتهم ..!!

كمان لا تنسى في الطريق تشوف الانجازات العلميه اللي اصحابها سعوديين وتشوف نسبه الانجازات اللي اصحابها بنات وفي المقابل الانجازات اللي اصحابها اولاد .؟!!

انا مني فاهمه كيف دخلت البنات فيي الهرجه وهما اصلن مابيدرسوا لاهندسة بترول ولا ميكانيكا ولا حتى كهربه ... ضعف خريجين عبدالعزيز الاولاد مقارنه بخريجين الفهد هواا اساس المقارنه على اساس انو المقارنه شي طبيعي مابتكون بين خريج هندسة بترول وخريج محاسبه مثلن !!!!

اتمنى انك ماتزعل ولكن دي الحقيقه !!

[First Officer]

المشاركة الأصلية كتبت بواسطة مين قال ..! اتمنى اكون قريت صح !!!! مع اني ضد انو المستوى العلمي يصنف على نوع الادمي ولد ولا بنت لكن خليني اتكلم بنفسك نظرتك انا اتمنى انك تشيك على نتائج المبتعثات والانجازات اللي بتطلع منهم وتشوفلي في المقابل عدد المبتعثين والانجازات حقتهم ..!! كمان لا تنسى في الطريق تشوف الانجازات العلميه اللي اصحابها سعوديين وتشوف نسبه الانجازات اللي اصحابها بنات وفي المقابل الانجازات اللي اصحابها اولاد .؟!! انا مني فاهمه كيف دخلت البنات فيي الهرجه وهما اصلن مابيدرسوا لاهندسة بترول ولا ميكانيكا ولا حتى كهربه ... ضعف خريجين عبدالعزيز الاولاد مقارنه بخريجين الفهد هواا اساس المقارنه على اساس انو المقارنه شي طبيعي مابتكون بين خريج هندسة بترول وخريج محاسبه مثلن !!!! اتمنى انك ماتزعل ولكن دي الحقيقه !!

التصنيف العالمي تم على أسس ومعايير معينة منها مستوى الدكاترة ومستوى الطلبة اللي بيدرسوا فيها وقوة المناهج....

وليس نظافة الأرضية -وأنتم بكرامة- , ولا كبر مواقف السيارات , ولا عدد مكتبة الشقري والخوارزم في الجامعة

وطبعا طالما التصنيف قيم مستوى الطلبة يعنــــي بشطريها (الطلاب والطالبات,,,) <<< يعني انتم "لابشين لابشين فينا"

أنا عارف إنه ما عندكم هندسة ,,,, بس صدقيني لو فتحوا عندكم هندسة راح يصكوه ثاني يوم!!!

وثاني شيء فين نتائج المبتعثات حقينك وانجازاتهم ويش سووا بعد ما رجعوا للبلد حتى الآن؟؟؟ <<<<<<< "لا شيء يذكر"

وحتى لو سووا شيء فهي تنعد على أصابع اليد....

أتمنى ما تكوني زعلتي مني لكن هذه الحقيقة المرّة,,,

[مهير]

المشاركة الأصلية كتبت بواسطة first officer التصنيف العالمي تم على أسس ومعايير معينة منها مستوى الدكاترة ومستوى الطلبة اللي بيدرسوا فيها وقوة المناهج.... وليس نظافة الأرضية -وأنتم بكرامة- , ولا كبر مواقف السيارات , ولا عدد مكتبة الشقري والخوارزم في الجامعة وطبعا طالما التصنيف قيم مستوى الطلبة يعنــــي بشطريها (الطلاب والطالبات,,,) <<< يعني انتم "لابشين لابشين فينا" أنا عارف إنه ما عندكم هندسة ,,,, بس صدقيني لو فتحوا عندكم هندسة راح يصكوه ثاني يوم!!! وثاني شيء فين نتائج المبتعثات حقينك وانجازاتهم ويش سووا بعد ما رجعوا للبلد حتى الآن؟؟؟ <<<<<<< "لا شيء يذكر" وحتى لو سووا شيء فهي تنعد على أصابع اليد.... أتمنى ما تكوني زعلتي مني لكن هذه الحقيقة المرّة,,,

سلام عليكم ياخي الكريم انتا من اول قاعد تحط على البنات فيهم ويخطيهم

ترى ماله دخل التصنيف ولد ولا بنت

ولو جيت على البنات مستواهم في الجامعه احسن بكثير من الاولاد بمراحل

يعني لو كان التصنيف على البنات هم اللي برفعوا مستوى الجامعه

لكن البنات مالهم اي دخل في التصنيف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

[صانع الهدف]

ليش الشركات تكلب معدل عالي ؟.:::
ايش يؤثر ويزيد هده في شركتهم