أوقفوا الحرب النفسية .. اعقلها وتوكل

[م.أسامة]

طبعا كلنا ياحبايب جالسيين على أعصابنا وكلنا اتحنطنا قدام النت عشان نشوف التسكين حق جامعتنا المقدسة ..

و بعد دا كلو نلاقي بعض الطلاب يحرقو دمنا زيادة وزيادة بمواضيع أقل من تافهة و بعنواين أقل من تافهة .. مررة نقرا نتائج التسكين ومرة مبرووك للي تسكنو ومرة مواضيع تجيب الهم على الهم ..

ونسييت اقولكم على الافتاءات اللي كل يوم طالعتلنا حتى أصبح طلاب جامعة الملك عبدالعزيز أكثر شعوب الأرض افتاءا .. كل واحد بيفتي موعد التسكين وكل مرة واحد يسوي نفسو المشاط بنفسو

بليييييز لكل الأعضاء وقفوا دي الحرب النفسية ،حرااام لعب الأعصاب دا

وبالنسبة للجانب الآخر (( عمادة القبول والتسجيل )) عمادة التحويلات ..

اتقوا الله ياعمادة القبول اتقوا اللله في انفسكم ، كل يوم بكلمة و الله العظيم ياجماعة قبل أسبوع رحت لسكرتارية العمادة وسألتهم عن التسكين فأجباني احدهم : بالكثير باكثير الهندسة والطب الأسبوع الجاي ،، مررة بشروني و دحين نحن على نهاية الأسبوع ومافي شي ، و المرة الثانية اتصلت على وكيل العمادة لشؤون التسجيل وقال انه الطب قبل رمضان و الباقي بعد رمضان .. كل واحد بكلمة .

مافي أي تنظيم ولا أي التزام بكلمة .

ولمن ننتقد الجامعة يقولو ليش نحن بنسوي وبنسوي . كإننا حيوانات تجارب في يدهم عشان يحرقو أعصابنا .

أكيد حيوانات تجارب لأنه سعادة أبناءهم وئيقة تخرجهم طبعت من قبل دخولهم الجامعة .

حسبي الله ونعم الوكيل

الحل انه في يوم نروح مجمووعة كبيييرة للعمادة ونطالب بتحديد يوم .. عشان يوقفو عند حدهم ..

وتحياتي لكل شريف في الجامعة .

أخوكم / م.أسامة