مواعيد وشروط السكن بشطر الطالبات

[حنين عبدالعزيز]

انا من الدمام

ومو معايا اي احد ولا اعرف اي احد

بس انا سمعت الصراحة انو سمعة السكن مره مو كويسه وفي بنات مره مو كويسات

واتطمن اكتر لو قلتيلي ازا كانوا بنات العلمي بمبنى والادبي بمبنى تاني

وبس وترا مره مره شكرا على تجاوبك معايا اسعدتيني الله يسعدك

تحياتي

[همس المشاعر]

مو لازم تعرفين احد الايام هي اللي تعرفك بالناس اهم شي كوني لطيفة وودوة ومسالمة وان شاء الله بنت غرفتك تكون بنت اجودية

بالنسبة للسمعة وااااااه من السمعة بعض البنات خلوا نظرة بنات الجامعة لنا بالحضيض تحصل سرقات حتى الملابس تنسرق من الغسالات

في كتير بنات كويسات بس اذا تبين اسلوبي في حياة السكن مايهمك اظمن لك المعدل العالي والراحة النفسية

1- اولا اتقي الله في نفسك واهلك وتاكدي انك ما بعدتي عنهم الا لغرض الدراسة وبس

2- لاتطاوعين البنات والله انهم يضعيون الوحدة يعني وقتك اثمن من ان تضعينة بلعب الكورة او السوالف او السهر

3- حافظي على صلاتك ورتبي وقتك بما يناسب مع دراستك

4- مكانك يكون نظيف ومرتب لراحتك وتعاملي مع بنت غرفتك كانها اخت لك واذا بدر منها اي تصرف صارحيها على طول ( لو ازعجتك لو ما ساعدتك بالنظافة)

[همس المشاعر]

طبعا تنصنيف البنات مدري على اي اساس ساعات يحطون بنت مستوى اول مع خريجة

ساعات يحطون بنت بروحها

بس اللي اعرفه ان بنات الكليات الصحية بروحهم في مبنى

[حنين عبدالعزيز]

الله يجزاكي خير ويسعدك

وانا اقولك انطوائيه بطبعي ترا وما ابغا اصلا احد معايا بالغرفه مو لاني ما استحمل احد انما لاني انا وحده اجوائي حقت دراسه ترا حتى مسلسلات واشياء اسأليني دحين ما اعرف .. بس اللي ابغاه هدوء و زميلة ممتازة جدا نعاون بعض عالدراسه

تحياتي

وشكرا مره اخرى

[حنين عبدالعزيز]

اها ازا كليات صحيه لحالهم مره كويس

بس ماعدا السنه التحضيريه يكونوا لسه ملخبطين؟

تحياتي ومره اسفه

[همس المشاعر]

اذا سكنوك اطلبي من ابلة سعاد المبنى السادس ولا توريها انك تبي اي غرفة وبس
قوليلها السادس احسن لا ترضي باي مبنى تاني

[همس المشاعر]

انا اشوف انو من اول يوم تفاهمي مع البنت على كل حاجة

[حنين عبدالعزيز]

اكيد حتفاهم نع اللي حتسكن معايا لاانا حنقضي عمر سوا

عموما معناتو المبنى 6 اهدا مبني؟مبنى لبنات علمي؟

وشكرا

[همس المشاعر]

بالتوفيق انتي وكل البنات

وعقبال متاخصصين باللي بخاطرك

[همس المشاعر]

حاولت ارسل ايميلي لك خاص مايرسل