عشوائية التصحيح والدف!!......واكبر مثال لها هنا....وقصتي مع جامعة عبد العزيز...

[أحلا من الحلا]

المشاركة الأصلية كتبت بواسطة gjs مو بس انتا خلصنا من تعب المدرسه نجي للجامعه جهاد في الثنوي تلاته سنين موتنا روحنا فيها مع التراكمي و المطور مواد عاديه و مواد إضافيه و بحوث و تقارير و خدمات مجتمع و مشاركه و حضور و سلوك .............و كان الحمدلله بيبان في الاخير التعب في النسبه و في النهايه قالوا قدرات قلنا طيب مو مشكله و اتنيلنا على عيشتنا و ضاع تعب التلاته سنين في اختبار دام ثلاثه ساعات و دخلنا تأهيلي و قلنا يلا امكن خيره من عند ربنا و ممكن تكون زي تعب الثنوي الواحد يتعب و في النهايه يلاقي نتيجه تبرد القلب أما دحين الواحد يتعب ياكل في نفسو يطحن نفسو و تطلع في النهايه الدرجه على قولك محصوره بين ارقام ما كان يتخيل ياخد زيها في حياتو !! 15 18 19 الين 12 مين كان يصدق و في النهايه يلاقي الحرف المشؤوم f في مادتين جاب فيهم احسسسسسسن الدرجات في الثنوي كلو بسبب ايش انو نحنا ناس طول عمرنا نزاكر و نحفظ بالعربي و مبسوطين و فجـــــــــــــــأه يلا يا حلوين اتغيرت الحكايه و سار كلو انقلش في انقلش و خدوا على راسكم من جد حرقت قلب حسبي الله نفسي وزير التربيه و التعليم يقرا هادا الكلام يمكن يحسوا انهم ضيعوا تعب الكتييييييييير و حطموا احلام كتيرررررررررررر ذاكرنا في الثنوي و هلكنا نفسنا و دخلنا الجامعه و حرقنا قلوبنا على اساس تقنيه طبيه هههههه و دحين سرنا نفكر في اقصاد منزلي و علوم اللي اول كنا اخر شي نفكر ندخلو بس ايش نقول غير الله ياخد حقنا من ظالم لأنو تعب الليالي ما تشفيه الــf

والله طالبات وطلاب المطور مو بس انظلمو في الجامعة حتى في التحصيلي الاختبار كان محطوط ع النظام العادي والله اتفاجأت في الاختبار بأشياء اول مرة اشوفها بس مانقول غير حسبي الله ونعم الوكيل
وعذرا لصاحب الموضوع لاني خرجت عن موضوعو بس شي في قلبي من زمان ونفسي اقولو