إلى المستويات المتقدمة نحتاج نبذة لبعض المواد

[Mr.next]

. مادة برمجة هندسيةاول مرره اسمع فيها
* صعوبتها :
* أفضل دكاترتها :
* نبذة مختصرة عنها وشرح عن محتواها :

2. مادة رسم هندسي
* صعوبتها :بالمرره حلوه انا استمتعت فيها جدا بس المهم تحظر كل الكلاسات كل كلاس يعتمد على الي قبلو وفي بعض الناس يقلك انا ماعندي تخيل ويحط في بالو دا الشي ويقول الماده صعبه وما يمشي فيها
* أفضل دكاترتها :اختيار المهندس مو عن طريق النت هوا دكتور واحد ولما تروح الكلاس يوزعوكم على مهندسين كلهم ممتازين بس السعوديين
* نبذة مختصرة عنها وشرح عن محتواها :عباره عن رسم لمساقط يعطيك مجسم وارمو من قدام تخيل شكلو او يعطيك صورتين لشكل من جنبين ويقولك ارسم الجنب الثالث او من الأعلى وطبعا في خطوط مخفيه وزي كدا حتتعلمها بعدين فيها تفتيح مخ

3.مادة التصميم الهندسي
* صعوبتها :صعوبتها في كثرة الكويزات كل اسبوعين كويز بس سهل وفي اعاده للس ما عدا الأول بالإسبوع الي مافيلو كويز والشي الثاني الصعب انها بتاخد وقت جامد جدا يعني تنزل معاها مواد مافيها شغل كثير وفيها تقريبا كل اسبوعين اسايمنت تعملو انتا والتيم حقك وياخد وقت جامد واخر شي ايام الإختبارات اخر اسبوعين في مشروع لازم يتسلم تفكر فيلو وتخترعو وتنفذو خلال اسبوعين وياخد وقت طبعا غير الأسايمنت الي يجي معاها بس الماده مافيها حفظ ابدا غير الكويزات الباقي تطبيق معلومات
* أفضل دكاترتها : اول مادخلتها كان الدكتور احمد زكريا كان بنظري اسواء دكتور بس والله في الأخير اكتشفت انو افضل دكتور هوا صحيح يكرفك وما يعطيك علامات كويسه بس دا كلو عشين يبغاك تشد بس في الأخير تكتشف انو درجات فصل الدكتور احمد افضل درجات على الإطلاق
* نبذة مختصرة عنها وشرح عن محتواها :عباره عن تعليم تفاعلي في الكلاس شي مافيلو كتابه بس تفهم عن طريق تطبيقات مثلا يقلك كم حجم الهواء بالمبنى هذا وزي كدا اكتشاف حلول لمشاكل بشكل علمي مدروس وضع خطط لتسهيل الحياه ابتكرات

4. برمجة حاسبات
* صعوبتها :انا بالمره مادخلت مزاجي ما احب مواد الكهربا ابدا ماده الدرجات فيها بين 70الى 85
* أفضل دكاترتها :علاء جوده بإختصار
* نبذة مختصرة عنها وشرح عن محتواها : تعتمد على المصفوفات واوامر بدل ماتنفذها بالكمبيوتر تنفذها على الورق تكتب كيف يشتغل البرنامج مثلا كيف يشتغل برناج العداد وزي كدا يبغالها تفتيح مخ كبير
ارجو اني اكون افدتك