يابنات وشباب الخطه((ب))

[Amaaany 2009]

المشاركة الأصلية كتبت بواسطة lujee كيف مانتدخل و إنتو تتكلمو عننا .. !! صح مالي شغل بس ماأقدر أسكت خخخخخخ نتكلم أول شي عن الإحصاء :) .. الإختبارات حقتنا الأولى و التانية كانت أسهل من حقتكم و شفت ورقكم ! بس النهاائي لله يحفظهم عوووضوووكم و جابولنا إختبار بليوون مررة أصعب من حقكم و برضو شفت ورقكم !! و كمان لاتنسوو إنهم عادولكم الإحصاء و إحنا ولا دقنا طعم الإعادة مرة !! و معليش نجي للحاسب عشششان مرررررة أكرهوو أسوأ درجة ليا و لصحباتي في فصلي هي الحااسب في الترمين !! كتابنا ياستي كان نصو عربي و نصو انجيليزي كان كتاابناا مررررررررررررررة كبير أكبر من حقكم و أصعب و قالولنا أول شي الإختبار بالغنجلش و الله حفظتووو صم يوم الربوع قبل الإختبارات قالو بالعربي و الله بكيت بكى مررررة أنقهرت عشاني مررة تعبت و يبغالي أحفظوو تااني و الله مااسامحهم ليوم الدين !! و الأحياء مانحتاج نتكلم عنوو بنككم صغنووون جنب حقناا !! حقناا دش و حفظ و أسئلة مقلوبة و أسئلة بالفهم تجيكي بالإختبار !! يعني مو بس انتوو تعبتووو ولا تنسو حذفولكم جزئياااااات في المهارات و الحاسب و الرياضيات و الفيزيا ! إحنا بس انحذفلنا فصل صغنووون في الإحصاء !! قولو الحمد لله و الله مررة أدلعتوو نسبنا شي طبيعي دا الترم أحسن منكم الترم اللي فات كمان إنتو دا الترم نسبكم أحسن مننا يعني احسن من نسبنا الترم الأول ..

أختي الفاضله مشكوره على مشاركتك
ولكن نرجو منكم التعاون احنا مانبغى احد ينظلم المطلوب فقط تقسيم المقاعد بعداله
واعتقد هذا مايزعل أحد ولايظلم أحد
الله يوفق الجميع

[Amaaany 2009]

المشاركة الأصلية كتبت بواسطة سري جدا وانا ارسلت ل 5 اشخاص والله يوفقنا ياااااااارب ومايظلمووووووووونا

مشكوررره حبيبتي على تفاعلك
ايوا كذا ابغى رسايل
يلا ياخطه ب ورونا همتكم

[twinkle20009]

الله يسمع منك إن شاء الله هذا يصيييير يــــــــــــــــــــــــارب

[Amaaany 2009]

admreg@kau.edu.sa

ياجماعه هذا اميل عميد القبول والتسجيل ارسلوا لاتتأخروا
مابقي وقت عالتسكين
أنا ماخليت على قلبي كل شوي وانا ارسل شكلهم طفشوا مني
خلو يدكم معايا ياخطه ب (يد الله مع الجماعة)

[مايلي]

ياامنيه 2009 بغيت اسئلك تتوقعي يرضو يقسموا المقاعد بيننا يعني مثلا لو وحده من خطة أ جايبه 4.5 ومادخلت لانه العدد لانه فيه بنات اعلى منها في خطتها ووحده ثانيه من ب لنفلرض معدلها 4.3حتدخل طب لان في خطتها قليل الي جايبين معدل عالي مااظن انها تزبط اكيد حتسير مشاكل كتير ولا انت ايش رايك

[Amaaany 2009]

المشاركة الأصلية كتبت بواسطة مايلي ياامنيه 2009 بغيت اسئلك تتوقعي يرضو يقسموا المقاعد بيننا يعني مثلا لو وحده من خطة أ جايبه 4.5 ومادخلت لانه العدد لانه فيه بنات اعلى منها في خطتها ووحده ثانيه من ب لنفلرض معدلها 4.3حتدخل طب لان في خطتها قليل الي جايبين معدل عالي مااظن انها تزبط اكيد حتسير مشاكل كتير ولا انت ايش رايك

لاماهيصير مشاكل لأنه احنا بنقول انه صار في تفريق بين الخطتين
وهذا مو ذنبنا فالبتالي يعدلوا هذا الغلط ويقسمو المقاعد ويتخصص كل واحد
بناء على الوضع والجو اللي انحط فيه

أنا مااقصد الظلم وزي ماانا ماارضى الظلم على نفسي
كمان ماارضاه على غيري
تحياااتي

[مايلي]

كفشتك عرفت مين انتي
يمكن كلامك صح لانه الفرق مره كبير
ودمتم

[سحـــر]

اولا....احنا ما قصدنا تقليل تعب احد...

وتعب عن تعب يفرق...!!
وانا ما قصدي ان انجليزية الفيزياء والرياضيات ترتبط بالاحصاء والاحياء والكيمياء...!!
لكن انك اتكوني فقط مهيئة للدراسة واتعودتي يختلف عن انك لساتك..خريجة...
ومثل ما وضحنا مو ذنب أ...او ذنب ب...الا صار في الفرق....في المعاملة..
فرجاء...حتى لا نشعر بالظلم...فقط نطالب في تقسيم المقاعد..
واظن ان هذا لا يظلم احد..
انا احب الخير لكـم لكن من حقي ان احب الخير لنفسي...!!
وان اطالب بحقي...وان اتكلم وادافع عن حقي اذا شعرت بالظلم...
و مثل ما انتو ما تسكتوا عن حقكم احنا كمان...ما نرضى احد ينصاب بالظلم..
نتيجة قوانيين وتجارب اطبقت علينا...
ايش الحكاية مع الف....؟؟!!كل ما اتكلمنا قولوا حب الخير لغيركم...؟!!
من حقنا انعبر عن مشاعرنا...!!
رجاء الف حبوا الخير لغيركم...ودعوا الى باء المنكوبين فرصة...

..
..
انا رسلت الى الايميل الثاني الى الطالبات الا كتبتة البنت في الصفحة الثانية...
ودحين برسل الى الايميل الثاني..

[سحـــر]

ارسلت الى الايميل المذكور في نفس هذه الصفحة...:)

[Amaaany 2009]

تسلمي يالغلا على تفاعلك
الله يوفقك يارب