بليز اللي أخذ قانون عمل مع منير الدكمي يدخل

[ملاك بن هاشم]

انا قدني تخرجت وأخذت معاه المادة قبل ثلاثة اترام

اسئلة النهائي كانت عبارة عن جزئين

الجزء الأول مقالي وفيه سؤالين تختار واحد منهم

وكل سؤال تحته فقرتين تجاوب عليهم ومقالي من اللي يحبه قلبك تكتبله جريدة بالفرخ ..

واحد من الاسئلة اللي راح تختارها حتكون 100% من الجزئية اللي ماأمتحنت فيها بالدوري والنصفي عشان كذا صم الجزء الأخير واشربه زي المويه لو تبغا تضمن هذا السؤال اللي عليه (20) درجة

السؤال الثاني كان فقرة عباره عن سبعه او سته تعاريف من كل الكتاب ..
والفقرة الثانية مو مفتكرة بالضبط

بالنسبة للجزء الثاني عباره عن صح وخطأ مع ذكر الصحيح والتعليل ..عباره عن ستة او خمسة فقرات اجابه كل فقرة مايزيد عن خمسة اسطر ..وكانت غالبيتها من الجزء الأخير وفقرة جتنا من اسئلة نصفي او دوري بس وفقرة جات من الجزء النصفي


ذاكر بشكل ذكي وراح تحل ان شاء الله ..افتكر كنا اربعه مدري ثلاثه شعب وكانو لما بيسألو بقولهم نفس الكلام هذا تقريبا

وافتكر في شعبه من الشعب ماجاهم ولاشي من الاجزاء اللي اختبرو فيها في الصح والخطأ


أنت دحين لما تذاكر احفظ أول شي الجزئية الاخيرة اللي ماأختبرتو فيها وبعدين ذاكر الاسئلة حق الأمتحان اللي جاك بـالدوري فقط وبعدين راجع الجزءالنصفي اللي امتحنتو فيه صفحة صفحة بس لاتحفظ مقالي طويل بس شوف اللي ممكن يكون له تعليل ويجي صح وخطأ وغالبا يكون واضح وضوح الشمس ..وراح تجيب علامة ممتازة ماتقل عن 38 من 40 بأذن واحد أحد