ماستر الكيمياء

[so0osy]

السلام عليكم ورحمة الله وبركاته


صباحـكم / مسائـكم


تفـــائل

.

.



حابه اسأل عن اسئلة ماستر الكيمياء والمراجع لاني بإذن الله ناويه اقدم الترم الجاي


يعني حيفتح الماستر في شهر 11 زي باقي الاقسام او لا ؟

وكيف كانت الاسئلة محصورة في فرع معين من فروع الكيمياء او شامله؟ ومستوى صعوبتها ؟

وجات من نفس المراجع او مااعطوكم مراجع اصلا ؟


اتمنى الاقي تجاوب منكم ..


.... فرج الله همكم ويفرحكم بالقبول ....



الله يسعد ايامكم ~

[همس المشاعر]

الله يوفقك وييسر لك القبول ااامين

عادة قسم الكيمياء التقديم سنوي

لكن هذي السنة فتح للترم الاول والثاني ان شاء الله يصير نفس الشي الترم الجاي


الاسئلة شاملة كل الفروع

انا من السنة الماضية كانت متنوعة بس لاحظت العضوي والفيزيائي اكتر من الفروع التانية

الغير عضوي في الاساسيات وفي بعض تسميات

الاختبار كلو اختياري

والافضل لك تكوني على صلة مع دكتورات القسم او رئيس القسم يحددوا لك مراجع

انا بالنسبة لي راجعت محاضراتي كم وحركية واطياف و مكيانيكات عضوية واسايات التحليلي

والحمد لله قبلوني


الله يوفقك


لا تنسي التوفل


سلاااااااااااااام

[همس المشاعر]

الله يوفقك وييسر لك القبول ااامين

عادة قسم الكيمياء التقديم سنوي

لكن هذي السنة فتح للترم الاول والثاني ان شاء الله يصير نفس الشي الترم الجاي


الاسئلة شاملة كل الفروع

انا من السنة الماضية كانت متنوعة بس لاحظت العضوي والفيزيائي اكتر من الفروع التانية

الغير عضوي في الاساسيات وفي بعض تسميات

الاختبار كلو اختياري

والافضل لك تكوني على صلة مع دكتورات القسم او رئيس القسم يحددوا لك مراجع

انا بالنسبة لي راجعت محاضراتي كم وحركية واطياف و مكيانيكات عضوية واسايات التحليلي

والحمد لله قبلوني


الله يوفقك


لا تنسي التوفل


سلاااااااااااااام

[رائدة المستقبل]

بالنسبة لي قدمت هذه السنة و الاختبار كان 70 فقرة اختياري و مدته ساعتان و معظم الاسئلة كيمياء عضوية من المستويات الأخيرة منها تسميات و أطياف و مسائل و أيضا كيمياء عامة ( صفات الفلزات و اللافلزات و أشباه الفلزات , ثابت التناسب 00الخ)
كيمياء حركية (فترة عمر النصف جائت مسألة )كيمياء تحليلة (مسائل )
هذا ما اتذكره
مستوى الأسئلة متوسط
و الله يسمع منك و نننقبل
و الله يوفقك

[ابوفارس1122]

على فكرة يا اخوات .. نتائج الطالبات (( كيمياء )) .. طلعت .. لان احد اصدقائي .. زوجته قدمت واختبرت .. وقبلت..

وعندما سالته كيف حصلت على النتيجة .. قال .. من سكرتارية قسم الطلاب .. وهذا الكلام يوم السبت الماضي ..

وخالص دعائي لكن بالقبول في الدنيا والاخرة ..

[so0osy]

همس المشاعر


الله يسعدك على الرد ويوفقك بدراستك وعقبال الدكتوراه



رائدة المستقبل

تسلم يدك على الرد وبإذن الله ربنا مايخيب ظنك وتكوني من المقبولات وياليت تطمنينا عن قبولك

وياليت اعرف المراجع اللي ذاكرتي منها


ابو فارس

الله يعطيك العافيه .. بس لو قلت ليا اي معلومه استفيد منها .. او من فين ذاكرت ؟



بنــــــات الله يسعدكم ابغى اعرف المراجع اللي ذاكرتو منها .. واذا في مراجع انقلش مهمه وذاكرتو منها ياليت تقولو ليا




استناكم ..


الله يوفق الجميع ~

[شواطئ البحر]

كأني عرفتكم يا بنات الكيمياء


أن شاء الله تطلع أسمائكم بالقبول

[العصماااااء]

السلام عليكم
سألت البنات و قالوا ممكن من الكتاب اللي درسوه سنة أولى
ما أنا عارفة اسمه .
و نصيحة لو كنتي من كلية تربية ذاكري من كتاب انجليزي قبل الامتحان بفترة كبيرة
حتى تتعودي على المصطلحات بالانجليزي لأني تعبت أثناء الامتحان من كثرة الترجمة
في النهاية صرت أختار بدون ما أقرأ السؤال تمام أقرب للاجابة و أختار .
موفقة إن شاء الله .
.................................................. .....
طيب لو سمحتوا من يعرف رقم سكرتارية القسم للطلاب حاولت أفتح رابط منسوبي القسم من موقع الجامعة
ما رضى يفتح

[so0osy]

عصماء


الله يسعدك وينولك اللي ببالك وعقبال الدكتوراه يارب

انا من جامعه ام القرى

وكنت حابه اعرف اي مرجع من المراجع المهمه بالانقلش ساعدوني الله يساعدكم

[العصماااااء]

أهلين حبيبتي أنا الصراحة ذاكرت من مراجع عربية فلذلك تعبت ذاكرت محاضراتي و خصوصاً كتاب الكيمياء العامة للخويطر و العويس و كمان مؤلفين نسيتهم هو كتاب كبير .
و كمان الكيمياء العضوية للحازمي حجمه أيضاً كبير مثل الكيمياء العامة لو ما عندك مشكلة بالانجليزي لو ذاكرتي بالعربي و الأسئلة بالانجليزي أعتقد على أسئلتنا كان حتجاوبي .
لكن المرجع حقهم اللي درسوه سألت هنا بالمنتدى قسم كلية العلوم ايش الكتاب اللي بالانجليزي و درستوه سنة أولى قالوا لي علية بس نسيت اسمة . و أنا اخترت الكيمياء العامة و العضوية لأني امتحنت أول بجامعة الملك سعود و كانوا محددين هذي الكتابين الكيمياء العامة هذا اللي قلت المؤلفين قبل أول الكيمياء العامة لجيمس و برادي الجزء الأول . بس أسئلة جامعة الملك سعود كانت معظمعا عربي 12 اختياري و 8 انجليزي . بس ارتحت و قتها بالمذاكرة لأن المراجع محددة وكمان فيه بنات امتحنوا السنوات اللي قبلنا نزلوا النموذج حقهم و كمان وحدة وقتها سألتهم فقالوا الأسئلة عامة مش متعلقة بالفروع يعني كانوا واضحين وحددوا كل شئ من قبل , بس ما حالفني الحظ و الحمد لله على كل حال مع إني جاوبت زين أعتقد لأنه أثناء التسجيل طلبوا نحدد الفرع اللي نبغاه و هم محددين لكل فرع عدد معين و أصلاً عدد المتقدمات كان كبير مرة فوق 116 طالبة .
و على فكرة لأني من كلية التربية و المواد كانت بالعربي عشان كذا كانت مشكلتي بالانجليزي بس المسألة سهلة لو ذاكرتي زين بالانجليزي و أعتقد لو موادك بالانجليزي حترتاحي و أعتقد راح تكفيك محاضراتك .

يالله إنك تجعلنا من المقبولين و توفقنا و توفق الجميع و تفرحهم بالقبول .
و يا رب تفرحي بقبولك السنة الجاية .