الخطتين ,, نتشارك مع بعض همومنا ,,

[حابه # اتخصص]

و انا رأي من رايك اخ adss_11 هي فكرة هذي السنة حلوة وفعلا اعطتنا وقت عشان نفكر اكثر في التخصص الي راح ندرسوا وتعرفنا على تخصصات الجامعة ودراستها اكثر وقبل هدا كلوا اتعودنا على الجامعة وانظمتها وعلى حكاية الاخطاء والاعتراضات الي جات من جهت الطلاب او الطالبات واولهم انا كلها كانت لانو هدا النظام جديييييييييييييد يعني اسمحولي اقول تجربة فعشان كذا كان صعب علينا اننا نتقبلوا وهدا يصير بعد اي تغيير يعني شي عادي يلا الله يوفقكم جمييييعا وعلى فكرة ليا عودة ان شاء الله وراح اكتب عن تجربتي في هذي السنة بس طبعا بعد الاختبارات

[M!ss Mojy]

بجــــــــــــــد هاذي السنه يمكن من احلى السنوات الي عدت عليا

تعلمت منها اشيـــــــــــــــــــاء كثيـــــــــــر

اولا ان ربي مايضيع تعب اي انسان

لان بجد في بدايه السنه هاذي كان عندي يآس مو طبيــــــــــــــعي

لاني كنت افكر ان كل اجتهادي وتعبي في الثانوي راح عالفاضي وانو زيي زي اي وحده كانت تلعب وماخذه الموضوع ببساطه ودحين كلنا مقبولين وكلنا مصيرنا واحد

لكن بجد المستوى الحقيقي للطالبه مايظهر الا في هاذي السنه << وآمنت بذلك

وكمان صارت عندي قناعة ذاتيه ان اي تخصص ربي يقدرني فيه راح اكـــــــــــــون راضية عليه

لان بجد اول كنت افكر انو ياطب يابلاش << ليه اذا الوحده ماانقبلت في الطب راح تكون اخر الدنيا

وكمان آمنت انو اهـــــــــــم شي ان الشخص يبدع ويتميز في المجال الي هوا فيه مهما كان هذا التخصص

وبجد احلى شي صار معايا اني اتعرفت على بنوتات بجد دحين لهم في قلبي معززززززه كبيره

بالرغم من قصر الفتره الي قضيناها مع بعض

بس خلاص احس اتعودت يوميا نصبح على بعض ويوميا نتشارك هموم بعض

وياااااااااااااااارب اذا ماجمعتني بيهم في الدنيا تجمعني بيهم في الجنـــــــــــــــــــــة

وعلى اخر السنه هاذي بجد جاني شعور متناقض جدااااااا

شعور فرح ممزوج بتخوف

فرح خلاص لان قريبا راح نعرف مصيرنا وقدرنا

وتخوف لان الشي هذا لسه مجهول .... ياترى هل سيتحقق ؟؟

وسلامي لهذا المنتدى الرائــــــــــــــــــــــــــــــــــــع

[أنثى نرجسية]

::

\/


لآ لآ كآننّآ بِـ نودّعْ مِنْ بَدْرِيْ :(







::


\/

[Dr-A]

الله يخليكم كلكم من جد يااااااااااارب كلكم تدخلوا إللي تريدوه ,,

بالنسبه لي أنا مو من جده ,,
وفعلا عرفت إن كل أهل جده طيبين من ,,, إلى دون إستثاء وماراح أنسى أي أحد تعرفت عليه ...
كنتم لي أكثر من أهل ..

[υикиσωи]

الحمد لله دي السنة ع وشك انو تعدي بــ خ ــيرها وشرها ..

اول ما بدأناا السمستر الاول كنت خايفة طبعا ..زي اي طالبة اعتقد ..
وكنت كارهة الــ ج ـــامعة كره مو طبيعي ...عشان مافي صاحباااتي .. بكى كل يوم ومن دا الكلام..
وطبعا كنت شايلة هم كم حأجيب معدل ..!؟في النهاية ايش حأتخصص ..!؟ حأطلع بايش..؟!
حأكمل ولا ما أكمل ..؟!

بسس الحمد يوم بعد يوم بدأت اول شي اتأقلم وسار ليا صاحبات جدد الحمد لله ..
وبدأت توضح الصورة قدامي ..
بدأت أحس انو المواد اسهل مما كنت حاطة في بالي ..
وأملي بانو أحقق اللي اباه واخش الي ابغاه صار يتنامي شوية شوية..
وكعادتي لازم أذم الجامعة وأطلع فيها عيوووب لليل ...
بسس من جواتي عارفة انو دا النظام اتحط عشان العدل ولو انو ما اتطبق بشكل صحيح
ويمكن يكون صب لصالحي ..

ودا السمستر ازداد خوفي من المواد والدراسة ..
بسس الحمد لله حبيتو اكتر من اللي قبلووو ..

حنتزكر أكيد كلنا دي السنة .. يمكن دي السنة كانت نقطة تحول في حياتي ..في اشيااااااااااااااااااااااااااااء كتيرة ...
تعبناا كتير... مرضنا .. أكتر من اي سنة عدت علينااااا .. لانودوامنا مرااا مرهق بالنسبة ليا لاني احب شغل الصبح اكتر من الضهر ..
بسس ان شالله ربنا ما يضيعلنا تعب ..

اليوووم ترا فقت انو خلااص ما بقي كتييير على الترم ..موجي مررت ورقة كاتبة فيلو كلام ع بنات الكلاس وقت البرزنتيشن ..
وقتها استوعيت انووووو خلاااص بقي يوم واحد وما حنكون في كلاس واحد ..

<< موجي تراا ما قريت الكلام مزبووط .. لانوو مرا اعصابي بااايزة اليوم ومتوووترة .. ...<< كيف تنكتب بايزة ولا بايظة ..!.....*-)

اماا بالنسبة للمنتدى ..
عشنا ايام حلوة سوااا .. سجلت في المنتدى صدفة ..
بسس الحمد لله كونت صداقات فيلو ..:) ..
وانبسطت معاهم ..
حسيت كأننا أسرة واحدة ...
باختصاار .. حبيتكم كلكم ....


اوقع بعد أسبوعين أكيد كل واحد ووحدة فينا حتروح في حال سبيلها ..
وحنتفرق من دا القسم اللي جمعنا سوااا ..
أتمنى تتزكرونا بكل خير ..
ويااا رب نسمع منكم بعد كدا أخبار حلوة
وكل واحد وحدة يحققو اللي اتمنو يوصلولو ..





.
.
.

[Samso0m]

:1 1: :1 1:
رورا الكلام يبكي

[υикиσωи]

<< صح نسيت اقولكم ...
Samasem ..
دي البنت حبيبة ألبي ..
اول انسانة اتعرف عليها من الجامعة ..
قابلتها في ايام التسجيل ..واتعرفنا ..وكل وحدة راحت في حال سبيلها ...

جمعنا القدر في كلاس واحد ....وكانت اول انسانة اتعرف عليها في الكلاس ...

ربي يخليكي يا قمري ويسعدك ويوفقك ...

[متاخره واااايد]

بجد السنه هذي كان لها مساوئ وحسناات

صحيح انو جينا على شي غريب ومع ناس مانعرفهم وفوق كده نظام جديد بس الحمدلله تجاوزناها صحيح كنا احيانا نضعف ونحس انو محنا قادرين نكمل بس عزيمتنا كانت اقوى والدليل انو احنا موجودين للحين صحيح حسينا بظلم بس مانقدر ننكر انو كانت سنه حلوه ومهما كانت النتيجه ماابي احد يقول ظلموونا ويذم في هالسنه ابغاه يشوووف الجانب الحلو من هالسنه الناس اللي اتعرف عليهم المواقف اللي مر فيها

تعلمنا من هالسنه كثير تعلمنا كيف نتصرف في المواقف الصعبه تعلمنا انو مو كل حاجه تجي بالساهل وكمان كانت فرصه عشان نفكر مزبوط بالتخصص اللي نبغاه

يمكن انا ماكان تواجدي دائم في المنتدى بس بجد اعتبر الكل اخواني واخواتي لاني لما احتاج لشي القاكم دايم جنبي بجد مااعرف اش اقلكم بس الله يوفقكم يارب وتدخلو التخصصات اللي تبغووها

صح كل واحد راح يروح في حال سبيله بس اتمنى نفتح موضوع بأسم(ذكريات لاول سنه تحضري) في قسم الترفيه ونتقابل هناك ونعطي اخبار بعض <<< اتمنى تحطو الفكره بعين الاعتبار

[υикиσωи]

<< فكرة مرااا جيدة ....:)..

[LazoOord]

الله يعطينا أجر

الحمد لله على كل حال

فالصابر والشاكر في الجنة