شهادة الادارة المالية و المحاسبة ؟استفسار

[fofi <3]

سمعت للتقديم للبنوك مطلوب شهادة الادارة المالية و المحاسبة ؟صح اولا
و ينفع اخذها و من فين اخذها وانا بجدة ؟؟؟
و شهادة الكامبردج افضل مكان اخذها منو؟؟؟

[بنت ناس وقلبي ألماس]

شهادة الكامبردج في عندك معهد العالمية في الجامعة مبنى 3

وفي موضوع مثبت عنها في أعلى القسم

بالنسبة لاستفسارك الأول يفيدونك فيه من لديهم الخبرة

وبالتوفيق

[فندام]

المشاركة الأصلية كتبت بواسطة fofi <3 سمعت للتقديم للبنوك مطلوب شهادة الادارة المالية و المحاسبة ؟صح اولا و ينفع اخذها و من فين اخذها وانا بجدة ؟؟؟ و شهادة الكامبردج افضل مكان اخذها منو؟؟؟

بالبسبة للبنوك فيها وظايف عديدة في مختلف التخصصات محاسبة وادارة مالية وتسويق وموارد بشرية ادارة اعمال وغيرها وكل ينك لو موقع بالنت يكون التقديم

على الوظائف

عن طريقه فانت قدمي عن طريق هذي المواقع وهما بعد كذا يحطوكي على الوظيفة الي تناسب مؤهلك العلمي لو حصل واحتاجو موظفين وخلي جوالك مفتوح دائما لانو

التواصل حيكون عن طريق الاتصال المباشر بالمتقدم للوظيفة فالوظائف في البنوك لاتقتصر فقط على الحاصلين على مؤهلات علمية بالمحاسبة والإدارة المالية فقط

بالنسبة لتخصص الإدارة المالية جامعة الملك عيدالعزيز بكلية الاقتصاد والإدارة هناك برنامج بكالريوس ادارة مالية واستثمار البرنامج هذا تابع لقسم ادارة الاعمال والان

سمعت انو صار فيه قسم جديد اسمه قسم الادارة المالية والاستثمار

وبالنسبة لتخصص للمحاسبة عندك قسم المحاسبة بكلية الاقتصادر والإدارة بنفس الكلية يقدم برنامج بكالريوس المحاسبة

وكلا البرنامجين لطلاب الإنتظام فقط

وفي جامعة جدة بكلية الاعمال هناك فسمين

الاول: قسم المحاسبة وفيه برنامج بكالريوس المحاسبة

الثاني: قسم التمويل والتامين و فيه برنامج بكالريوس في التامين والتمويل وهذا القسم جديد وواعد واعتقد انو اول قسم تمويل وتامين على مستوى جامعات المملكة



ومجالات العمل فيه بعد التخرج متعددة منها

الإدارة المالية

تمويل الشركات وتحليل التقارير المالية

1. التأمين وإدارة المخاطر

1. خدمات الاستثمارية

1. تقييم المشاريع

1. تمويل وادارة العقارات

1. تمويل الأوقاف والمؤسسات غير الربحية

1. الأقسام المالية في القطاعين الحكومي والخاص

وايضا اتوقع انو هذين البرنامجين متاحين لطلاب الانتظام فقط

طبعا التقديم على برامج البكالريوس لهذا العام بجامعة الملك عبدالعزيز وجامعة جدة حيكون على حد علمي في شهر 7/1436

فأمامك عدة خيارات متاحة لاختيار برنامج البكالريوس الي يناسبك

اتمنى تكون الصورة وضحت لكي وبالتوفيق