اعادة مسار الخدمة الاجتماعية

[طمووح راقي]

المشاركة الأصلية كتبت بواسطة عبدالله ابراهيم المسعود اخواني ابو يزيد وطموح راقي مساكم الله بالخيرات انا اعرف انه صدمة لاي شخص يريد تخصص ويتفاجأ بتخصص ثاني ولكن ما فات شي يا اخواني علم الاجتماع والخدمة الاجتماعية يدرسون نفس المواد في الستة اترام الاولى والسابع والثامن تختلف المواد احنا قدام الامر الواقع مسار الخدمة الاجتماعية الغي من اربع سنوات او اكثر وموضح ذلك في الشئون التعليمية بكلية الاداب في الخطط الدراسية ولكن الاودس الخطأ لم يتم تعديله منذ ذلك الوقت حتى تاريخه فقط عندما تاتي للمستوى السابع تبي تضيف مواد لا تستطيع وتتصل فيهم ويغيروا المسار الدقيق لعلم الاجتماع وتتغير الخطة وتقدر تسجل مواد علم الاجتماع ونبهت على النقطه هذي كثير وطلبت من الاخوة كلهم يتاكدوا من المسار ويغيروه من ثاني سنة عشان اي واحد يرغب في الخدمة الاجتماعية يحول انتظام او يغير التخصص اذا ما يبغاه والكثير تجاوبوا وعدلوه انا عدلته من ثالث مستوى يوم قارنت الخطه بالشئون التعليمية بالكلية مع الموجود بالاودس فيا اخواني اقسم بالله انني معكم فيما تقولونه ولكن قدر الله وما شاء فعل والحمد لله على كل حال لا يثنيكم هذا عن العزيمة والاراده تقدرو تواصلوا ماجستير خدمة اجتماعية باذن الله الحين الكلام في هذا الموضوع لن يفيد وانت يا ابو يزيد الحين المستوى السابع اذا انت اختبرت مناطق او السبت تختبر في جدة راح تختبر مواد علم اجتماع هانت ان شاء الله رجائي لا يثنيكم هذا الخطأ وعدم تصحيحه من قبل الجامعة عن العزيمة والاراده تمنياتي لكما بالتوفيق والنجاح ونفرح بتخرجكما باعلى الدرجات باذن الله

مساك الله بالنور والانوار ..
أخوي عبدالله انا فاهم انو نفس الخطة بس تتغير اخر مستويين ولكن مو من حقهم يغيروا التخصص من غير لا أحم ولا دستور ليش ما بلغونا مسبقاً اثنا ء الامتحانات او اثناء الدورات التاهلية اذا تغير النظام قبلنا بترم او بسنه لابد ان يشعرونا بذلك بأكثر من منبر دام الأودس ماتعدل ومشكلته لازالت بنظامها السابق .. وانا مو ملزم بدخول المنتدى وقراءت مواضيعك او مواضيع الاخوان الكرام وجزاكم الله خير على ما قدمتوه انا عتبي واستغرابي لمنسوبي الجامعة وبالذات عمادة القبول والتسجيل وعمادة شوؤن الطلاب والشؤون التعليميه لماذااااا لم يبلغونا او يشعرونا بهذا الخصوص !!؟ اللي يفرض شي يصرح فيه للعموم مو يفرضه وبكيفه جعلهم ما عرفوا ويتخبى وهو يعرف انه لسا ما تعدل ف الاودس .. مو رسوم ولا غثونا فيها من بداية الترم بادر في سداد الرسوم وبادر بالتسجيل بإختبار المناطق أما شي لمصلحتنا الخاصه والعامه لا شي مخفي ومبهم للأسف وحسبي الله على كل من له يد بهذا الموضوع .. اذا كلامك صح يا اخ ابو يزيد راح اتفاهم معاهم في اول يوم اختبار وان شاءالله يرجع حقي وحق جميع الطلاب المتضررين