لطلآب التحضيري أي سؤآل أو استفسار ضعه هنـآ وبإذن الله تجد الإجابة

[نسيم الامل]

المشاركة الأصلية كتبت بواسطة فيونكـه اول شي للتصحيح انا في كلية الهندسة الرياضيات والفيزياء 100 الحمدلله ههههههههههههه اما انك طحت ف دكتور علة على فكرة انا في الفيزياء كنت عند اسوء دكتورة بشهادة الكل خخخ صوتها كان مزعج وحااد بزيادة وماتعرف تشرحح وبس تقرا السلايدات وتغلط كثير قسم بالله مرات كثيرة كنت احس اني في المكان الغلط واني مفروض ما ادخل علمي ☺ بس الحمدلله لحقت نفسي قبل الاختبارات بأسبوع !! شفت فيديوهات الدكتور يوسف زويل .. بعدين قريت ملخص الدكتورة هناء فرحان .. القوانين مرتبة وترتب افكارك فقط بعد كذا امسك التست بانك او اسئلة السنوات السابقة واطبق عليه واشوف نقاط الضعف عندي واركز عليها كنت اسويلي ورقة لكل مادة اكتب فيها القوانين كلها ولو فيه ملاحظات او اخطاء وقعت فيها .. وتصير مرجع ليا ملخص الدكتور اشرف بركات انا مسكته ف الدوري الاول وماعجبني شخصيا .. كان صعب اذاكره وانا مو فاهمة المنهج .. وصعب اذاكره وانا اتابع يوسف زويل لان طرق حلهم تختلف ف حسيت نفسي ضايعة بين الاثنين وع فكرة ترى جزئية الدوري الاول ماتحتاج فيها مدرس خصوصي ! الباب الاول كله عن التحويلات والوحدات .. تحفظها حفظ دي ومابتاخذ منك ساعة والباب الثاني عبارة عن قوانين الحركة اذا ماخانتني الذاكرة وقوانين الحركة تحفظها اولا بعدين تشوف المسائل اللي عليها تحدد المعطيات والمطلوب وتختار القانون المناسب وتعويض مباشر يبغالها تدريب مو صاحي .. لين تترسخ القوانين في ذهنك .. بعد كذا بتنبسط وانت تحلها الباب الثالث اخذناه في الرياضيات ايام الثانوي .. الضرب الاتجاهي والضرب القياسي .. في حال اعطاك متجهات وفي حال اعطاك اطوال بتستخدم القانون وتعوضض فقطط عليك تتدرب عليه بس .. اكيد بتلاقيله شرح ف النت ولو مافهمته روح لاي دكتور فيزيا ممتاز ف الجامعة ويشرح لك انصحك بملخص هناء فرحان لترتيب افكارك" مافيه شرح.. مجرد قوانين " والتست بانك تختبر نفسك فيه واسئلة السنوات السابقة تدربك ع الاختبار واي سؤال يصعب عليك حله . اطرحه في المنتدى وبتلقى المساعدة لو شفت نفسك مرة مو قادر تمشي في المادة استعين بمدرس خصوصي .. اشرف بركات متمكن من المادة خليه خيارك الافضل الريااضياات كويس انكك مع الدكتور حمزة ابو جبل .. برضه لاتهمل المادة بعد كل محاضرة حل بيدك الامثلة اللي اخذتوها .. وتمارين الواجب لو يعطوكم يعني! عشان ماتتبخر المحاضرة وماراح تتعب في الاختبار حتشوف الوضع مرة بسيط ومابياخذ منك الا يوم واحد مذاكرة ويمكن ساعات وما انصحك بالملخصات في الرياضيات وعلى فكرة بالنسبة للفيزيا لاتستعين بملخص ﻷكثر من دكتور واحد .. كثرة المصادر تشتتك وتضيعك لو رحت لاشرف بركات خليك ماشي مع ملخصه وش صار على معادلة الانجليزي ؟ 😒 ضروري جدا تتخلص من المادة ذي لا تاكل وقتك وجهدك ان شاءالله ربي يوفقكك ويسهلكك ويكتب لك ال100

مشكورة اختي ماقصرتي عطيتني نبذة مختصرة عن كل شيء الله يوفقك دنيا واخره
بس ماجاوبتيني على ثلاث نقاط وهي احمد العربي بسليمانية 2000 سجلت عنده ومعروف اول محاضرتني ماتدفع شيء وبعدها اذا تبي تحضر اجباري تدفع
فوش رايك فيه
ويوسف زويل كلمته وحجزت عنده وراح ابدا معاه يوم الاثنين والخميس 5 ونص فيزياء وش رايك فيه وانا ادور فيديوهات الفيزياء وسمعت انها محذوفة خخ
وقابلت لي ولد بالجامعة يدعي على زويل يقول مانكبني الا زويل بتاع كلو خخ فخوفني بسبب كلامه رحت للعربي وصراحة مب قد كذا العربي همجي ويزاعق
النقطة الثالثة هل لو حملت ملخصات هناء فرحان والتست بانك حقها هل بيجيني نفسه ولا راح يكون فيه فرق بين البنات والعيال
والتست بانك مشترك والملخصات هل بتفيدني خصوصا اني ولد وبعيد كل البعد عن البنات وانظمتهم ام ان كل شيء بالتحضيري للجنسين نفس بعض؟

الانجليزي شفته زي الموية فحرام احذف لفل 2 واضيع 100 في جيبي
بسويها بلفل 3 و4 وارتاح مره وحدة

النقطة الاخيرة لاهنتي انا مالي ومال الناس اذا انتي جايبة فوق 98 فمعناه انك من النخبة ماشاء الله تبارك الله,,,اللهم لاحسد شفت درجاتك بجدول التسكين ولخبطت حسبتك طب وطلعتي هندسة
طيب يامهندسة وش افضل طريقة للمذاكرة بمعنى انا كطالب شفت ان طريقة مذاكرتي للمدرسة ماتمشي بالجامعة
يعني انا بالثانوية كانت طريقة مذاكرتي قراءة ثم قراءة ثم قراءة والتكرار يعلم الشطار وطلعت بنسبة عالية
هالطريقة اسويها بالجامعة واحس اني ماسويت شيء ابغا اعرف كيف اذاكر والمعلومات ما انساها خصوصا اني ماحب الكتابة احسها تاخذ وقت طويل اذا بكتب اللي اذكرة
اذا فيه طرق ثانية الله لايهينك وانا اخوك

واخر اخر شيء تنظيم الوقت وش اسوي فيه خصوصا اني 3 ايام ارجع 4 ويومين ارجع 2 ونص
ان نمت ضاع اليوم وان واصلت احس اني مابستوعب

خخ بتعبك معي اسف

[Somaiah Yousef]

المشاركة الأصلية كتبت بواسطة نسيم الامل مشكورة اختي ماقصرتي عطيتني نبذة مختصرة عن كل شيء الله يوفقك دنيا واخره بس ماجاوبتيني على ثلاث نقاط وهي احمد العربي بسليمانية 2000 سجلت عنده ومعروف اول محاضرتني ماتدفع شيء وبعدها اذا تبي تحضر اجباري تدفع فوش رايك فيه ويوسف زويل كلمته وحجزت عنده وراح ابدا معاه يوم الاثنين والخميس 5 ونص فيزياء وش رايك فيه وانا ادور فيديوهات الفيزياء وسمعت انها محذوفة خخ وقابلت لي ولد بالجامعة يدعي على زويل يقول مانكبني الا زويل بتاع كلو خخ فخوفني بسبب كلامه رحت للعربي وصراحة مب قد كذا العربي همجي ويزاعق النقطة الثالثة هل لو حملت ملخصات هناء فرحان والتست بانك حقها هل بيجيني نفسه ولا راح يكون فيه فرق بين البنات والعيال والتست بانك مشترك والملخصات هل بتفيدني خصوصا اني ولد وبعيد كل البعد عن البنات وانظمتهم ام ان كل شيء بالتحضيري للجنسين نفس بعض؟

احمد العربي يمدحوه لكن للامانة مآعرف أحد جربه شخصيا

يوسف زويل بما اني جربت فيديوهاته انا اشوفه ممتآز في الفيزياء

انا اعتمدت عليه بشكل كلي ونآسبني رغم إن كثير إنتقدوه

فيديوهاته كان فيها اغلاط في الكيمياء ف تجنبته في ذي المادة

لكن الفيزياء ماكنت أشوف فيه شي بصراحة

عندك هذا الفيديو >

وتابع القناة وشوف لو ناسبك الدكتور أو لا

عندك فرصة تجرب العربي وتشوف فيديوهات زويل وبعدها قرر وش اللي ترتاح له أكثر .. ولو حضرت مع أشرف بركات يكون أفضل


بالنسبة لسؤالك الثاني .. المنهج واحد للاولاد والبنات

راح تستفيد من ملخص الدكتورة هناء فرحان .. لكن المشكلة إنك راح تتابع دكتور خصوصي

وعلى كذا يصير ضروري تتبع ملخص الدكتور الخصوصي مع اسئلة السنوات السابقة وكفاية عليك

تست بانك هناء فرحان في ايش يفيدك ؟ يدربك وبس عشان تكون غطيت كل أفكار الأسئلة اللي تخطر على بال الدكتور

يصير الفيزياء : ملخص الدكتور الخصوصي + اسئلة السنوات السابقة للاولاد او البنات ماتفرق + تست بآنك إذا حبيت تستفيد اكثر

المشاركة الأصلية كتبت بواسطة نسيم الامل الانجليزي شفته زي الموية فحرام احذف لفل 2 واضيع 100 في جيبي بسويها بلفل 3 و4 وارتاح مره وحدة النقطة الاخيرة لاهنتي انا مالي ومال الناس اذا انتي جايبة فوق 98 فمعناه انك من النخبة ماشاء الله تبارك الله,,,اللهم لاحسد شفت درجاتك بجدول التسكين ولخبطت حسبتك طب وطلعتي هندسة طيب يامهندسة وش افضل طريقة للمذاكرة بمعنى انا كطالب شفت ان طريقة مذاكرتي للمدرسة ماتمشي بالجامعة يعني انا بالثانوية كانت طريقة مذاكرتي قراءة ثم قراءة ثم قراءة والتكرار يعلم الشطار وطلعت بنسبة عالية هالطريقة اسويها بالجامعة واحس اني ماسويت شيء ابغا اعرف كيف اذاكر والمعلومات ما انساها خصوصا اني ماحب الكتابة احسها تاخذ وقت طويل اذا بكتب اللي اذكرة اذا فيه طرق ثانية الله لايهينك وانا اخوك واخر اخر شيء تنظيم الوقت وش اسوي فيه خصوصا اني 3 ايام ارجع 4 ويومين ارجع 2 ونص ان نمت ضاع اليوم وان واصلت احس اني مابستوعب خخ بتعبك معي اسف

الحمدلله كله بفضل الله

طريقة المذاكرة تختلف من مادة لمادة ثانية

مثلا عندك الحاسب ومهارات الاتصال .. طريقة مذاكرتها قراءة مرتين أو ثلاث مرات وبتكون سليم

لكن الرياضيات والفيزياء ماينفع بالقراءة ؟؟؟

مذاكرتها بالتدريب الكثير وتحل أسئلة إلى أن تتعود يدك على المسائل وتصير تحلها بثواني

الرياضيات نفس الطريقة كنت أتبعها في الثانوي كنت أحل الامثلة اللي ناخذها مع تحقق من فهمك واسئلة الواجب

ونفس الطريقة في الجامعة

اذاكر أول بأول والاسئلة اللي الخبط فيها .. اسوي عندها اشارة ووقت الاختبار اراجع ورقة القوانين اللي كتبتها واتدرب على الاسئلة اللي مؤشرة عليها وبس

وترى الكتابة أسهل لك بكثير ! طبعا إنت ماتكتب كل شي .. بس اشياء بسيطة زي القوانين .. تقريبا كل فصل مابتطلع منه غير بورقة وحدة تصير مرجع لك حتى في الاختبار النهائي !!


بالنسبة للوقت .. انا اخذت لفل 4 في النصف الثاني من الترم الاول .. يعني تخيل الوضع كيف كنت متعودة ع الوقت الفاضي وفجأة دخل الانجليزي وجاتني صدمة عصبية خخخ

كنت أرجع 4 و 3 .. بالنسبة لي ماكنت أشيل هم المذاكرة بقد ماكنت اشيل هم اني اشبع نوم الراحة النفسية أهم من المذاكرة

ف عادي أمسك الرياضيات في الويكند

والفيزياء مسكته قبل الاختبار بأسبوع أو أسبوعين ضغطت على نفسي ومشي الوضع

لو مافي فيديوهات يوسف زويل على ايامنا كان انا ضايعة الحين الحمدلله

الا صح مين منسق الفيزياء لكم هذي السنة ؟

جرب تدخل موقعه وتشوف لو فيه اسئلة او شي . عشان تعرف طريقته

إن شاء الله يكون زي الدكتور محمد الفرحة .. ساعتها هم الفيزياء ماتشيله ابدا

بخصوص تقولين الرياضيات ماتنحصيني بملخصات اجل وش تنصحيني فيه من وين اذاكرها +بالفيزياء تقولين شتتك اشرف ويوسف زويل مع بعض لكن بالنهايه من اللي كان اوضح ويفهم؟

الرياضيات الاسئلة اللي تكتبوها مع الدكتور + الكتاب + وورك شوب لو فيه


الفيزياء ماكان عندي غير يوسف زويل لان له فيديوهات " ما اشتريت ملخصه وماعجبني اصلا " بس كنت اكتب المعلومات المهمة ف ورقة

ملخص اشرف بركات كلهم مدحوه وطايرين فيه .. بس انا حسيته صعب عليا ف مامشيت عليه

الافضل اشرف بركات

على فكرة اكره الملخصات وأفضّل اذاكر على اسئلة سنوات سابقة

الملخص الوحيد اللي مشى معايا هو حق هناء فرحان لانه مرتب القوانين بس وكنت اقراه يعني مو معتمدة عليه ابدا

انا طريقتي في الفيزيا وحدة .. اشوف فيديو يوسف زويل .. اقرا ملخص هناء كـ تثبيت للمعلومات .. احل واتدرب من التست بانك واسئلة السنوات السابقة