كذا سؤال يهم كل طالبة تحضيري

[رفّات حُلم]

أهلًا فيكِ.
الجداول لسّه،
قبل الدوام بأسبوع لأسبوعين ومعاه مُستوى الانجليزي ينزل لكِ!
وترا ممكن أول أسبوع وتاني أسبوع يكون لخبطة مرّة في الدكاترة
ع حظّكم، ممكن تتغير الدكتورة لأحسن أو لأسوأ
# في الترم الأول ليا، كانت أماني السريحي فيزياء وصارت د/ سناء أباظه
وكمان في الاتصال كانت وحدة وتغيرت ل د/ أميرة النمر
وفي الترم التاني كانت مدري مين في الكيمياء وصارت د/ ليلى الحربي
وفي الأحياء كانت نسيت مين وصارت د/ حنان
يعني ما تستقرّوا الا بعد أسبوع - أسبوعين.
الشي التاني لا تخافي بالنسبة للبطاقة،
انتِ حتدخلي في قروبات في الواتس بعدين ( حق كلاس الانجلش وحق كلاس مدري ايش ) والبنات ما يخلوا شي ما يقولوه ما شاء الله
وهما حيقولولكم ايش حيحتاجوا منكم عشان تطلّعوا بطاقات البنك،
وبس تديهم الأشياء اللي يبوها وتوقعي ويعطوكِ حقك البطاقة وفيها مُكافأة كم شهر ( مو أول ما تدخلي الجامعة حيدوكِ البطاقة ).
وأتمنّى لكِ سنة سعيدة في جامعتنا