من جديد ...مـــــــتـــــــــكـــــــأ..

[بشائر محمد]

صحيح ان الفراق اقسـى ولكـن الوصـال محـال
وانا صعب على ارضي غرورك واضعف قبالـك
بعـد مـا حققـت عينـي فبعـدك للرقـاد امـال
اعـود للسهـر! ياخـوي فــال الله ولا فـالـك
ببدل نظرتك فيني واجـي لـك كـل يـوم بحـال
باكـون اقـرب مـن ثيابـك عليـك ولا اتهيالـك
بالمك وانثرك واجمعك وارجـع انثـرك باهمـال
باخونك وازعلك وارضيك وازعل منك وارضى لك
ابرسم بالثرى وجهك وابدفـن صورتـك برمـال
ابشكي للعـرب فرقـاك واضحـك عنـد عذالـك
ابهديك الوصال فـراق واهديـك الفـراق وصـال
باسوي مثل مـا اشوفـك تسـوي وافعـل افعالـك
عشان تعرف من فينا الزعول ومـن وسيـع البـال
ابيـك تـذوق فنجالـي وانـا بـاذوق فنجـالـك
نصيحه واحتفظ فيها قصر معك الزمـن او طـال
ابي تسمـع كلامـي زيـن وتحطـه علـى بالـك
اذا حبك هبال اطفـال لـك عنـدي هبـال اطفـال
ولا وابشـر بعـد بهبـال حـب ماهـو بهبالـك
واذا قصدك تهين اسمـي عشـان تشمـت العـذال
ترى لا انت ولا غيرك ولا عشره مـن اشكالـك!!