الخطوبه

[رنيم سليمان]

المشاركة الأصلية كتبت بواسطة gzl gzlan شوفي الشرع واضح هيا النظره الشرعيه الي تعمل التوافق صدقيني الوحده لازم تركز ع دا اليوم تعرفي ليه لانو مستحيل فيه مجامله بالذات من الرجل اي حركه عفويه تصدر منو فسريها حتى طريقة شربه للعصير توضح طريقة الجلسه لغة الجسد اسئلتو وكلاموو عن نفسو توضح كتير حاجات بس ركزي وشغلي المنجا بالنسبه تتكلم معاه طيب واتعلقت فيه يلا ايش يفكنا من النسيان ترى الانثى تتعلق اضعاف الرجل بس تخجل توضح ضعفها بعدين بالغالب الرجال يكونو مجربين علاقات وكدا فاكيد فاهم كل شي واحنا ياغافلين لكم الله تسلمي ياقمر

إنت مرة طيبة هذا إذا عرفت لون الثوب بكون عملت انجاز
وكثيرين من الرجال يرتبكوا ويسألوا اسئلة انا اخوية رغم جرأته سأل أسئلة مو بس تافهه
لدرجة اني صرت اسأل البنت بداله .. كان موقف لا يُنسى : )
بعدين غالبا الرجل والمرأة يحاولوا يظهروا بأعلى درجات المثالية طول الملكة فمابالك بدقايق في النظرة الشرعية ماراح يقدر يكون فيها مثالي !
يعني المسألة فيها كثير من الظروف والمتغيرات فصعب الواحد يقيس ويحكم فيها

بالنسبة لكلامك الاخير صحيح ياقلبي علينا .. عشان كدة الفتوى محصورة فيما دون الكلام العاطفي وهذا الشي صعب عشان كدة قلت فكرة المكالمتين تكفي
بحيث يتكلموا في البداية مكالمتين طويلة يوضحوا فيها اهم النقاط والاساسيات لكل الطرفين .. لان النظرة الشرعية مدتها قصيرة
وأول مواجهة بينهم وفيها أهل مهما كان محيقدر ياخذ وتاخذ راحتها
أسهل طريق لهذا الموضوع إذا كان مقتدر والأوضاع تمام يعجّلوا بالملكة


أمّا من ناحية السطر الأخير فأخالفك فيه بهالزمن .. صارت البنت تغلب الرجال والله المستعان
طبعًا ما أجمع أكيد البعض : )

الله يكتب للجميع مافيه خير
ويسلمك حبيبتي