|"|"|"|" خ‘،ـــوآطر ع‘،ـلى شآطئ آلذكـريآت.. |"|"|"|"

[الدُنيا مدرسة]

موقف دايما يصير معايا ويقلب الدنيا ع راسي
أتصرف بكل عفوية بس اتفاجئ من ردة الفعل !!
يا إما ما يُحسن الظن فيني , أو تصرفي يكون بوقت غللط..
أحتاج للتبرير كثير ومع ذلك أواجه باللوم!
أتعب نفسيا لما أشيل هم كل صغيرة وكبيرة..
يمكن أبالغ فكل شيء بس كل تصرف لو دافع
لو اهتميت بزيادة أو خفت بزيادة هذا كلو م يجي من فراغ
لو م احبك من قلبي صدقني محا تهمني هالقد ومحا يفرق معايا كيف اعاملك
كلام كثير جوايا ودي يطلع بصورة واضحة عشان انا افهم بالضبط اش لازم اسوي "(
بس كل شيء يسكنني شتات ف شتات ولا أعرف كيف أتحكم بمشاعري هنا..
ياكثر م نعاني ونخبي عشان م يبان ضعفنا لأنو غيرنا يحتاج قوتنا
و ياكثر م نلبس أقنعة ..ماهو تزوير لشخصيتنا بقد م تكون حاجة مُلحّة عشان نقدر نتكافئ مع غيرنا..
أقنعة صمت ع تغافل ع تناسي ع تسامح ع تبادل ع تجاهل و و و .. وتتراكم الأقنعة !
كلها عشان نغطي الوجه الحقيقي اللي سار موجوع ومتهالك ولازملو كل هالأقنعة عشان تستر عليه وتقويه
احنا مو قاسين كل هالقد عشان نلوم اللي حوالينا ع كل شيء يصير لنا
احنا برضو فينا أخطاء وأخطاء بتتسبب فكل ذا..
وأكبر خطا لما م نعترف انو اللي نسويه خطأ.!!
لأنو أساسا م بنحس ونظرتنا لأنفسنا معطيتنا انطباع انو احنا ف السليم..
كيف نغير هالنظرة؟
واش هوا الجانب الإيجابي والسلبي فيها..!

...
كل شخص يقرا هالكلام
يسوي نفسو ماقرا شي ويقفل الصفحة وينسى
وانا بقفل الصفحة وبنسى اني كتبت
بس بذكر اني كنت محتاجة بوح وخربشت اللي طلع معايا وخرجت
:"(
بكون ممتنة لمدونتي اليوم لو فعلا ارتحت بعد هذي الخربشة..


سبحانك اللهم وبحمدك.. أشهد أن لا إله إلا أنت.. أستغفرك وأتوب إليك"..