درستوا خطة ب الترم الأول ؟ تعالوا ساعدوني :)

[Yasmina95]

و نسيت أقول الاحياء هي المادة الوحيدة اللي لمن تختبروا فيها ماترجعوا للدوريات
زي الحاسب عندكم بالضبط ^_^

[لهيب الزهور]

ما شاء الله اللي قبلي كفوا ووفوا

وماراح اسهب في الكلام لأنهم ماقصروا بصراحة

بس انه انا اتفق كثيراً مع ياسمينا في كل اللي ذكرته



الأحصاء


أسهههل مادة في خطة ب وأقلها كمية ودسامة في المنهج

بس تحتاج مذاكرة مزبوطة وتكوني مركزة وأبداً مو صعب الفل مارك في الاختبار




الكيمياء


بالنسبة لي يميل الى السهولة بس عيبه انه المنهج 12 شابتر فطويل وقت مذاكرته للنهائي

بس اذا تكلمنا عن المنهج فالمنهج بسيط وسهل و95 % منه اعادة للثانوي





الأحياء


كانت الأصعب والأتعب لي في المذاكرة

وكمان اللي زاد الطين بلة انه دكتورتي مررررة سيئة وآخر شهر صرت ما أحضر محاضرات للأحياء

بس برضوا الدكتورة مو شئ مهم في الاحياء لأنه يعتمد على حفظك

بس اذا جاتك دكتورة كويسة فأكيد خير وبركة

بس برضوا الأحياء اختباراته أسهل من الكيمياء والاحصاء لأنه مافيه لف ودوران بالأسئلة غير في الاختبار النهائي

بس صدقوني المادة قد ماتتعبوا فيها قد ماتجيبوا درجة أعلى

أنا حقيقةً هي الأتعب والأدسم بالنسبة لي ،،، وبرضوا هي تختلف من بنت لبنت

أنا مستواي في الانجلش مش ولا بد فعشان كذا تعبتني في الحفظ لأنه كله انجلش

غير إني من الثانوي وأنا اكرررره شئ اسمه أحياء وما أحب هذه المادة






اللي حبيت أوضحه لكم من ردي انه تختلف صعوبة كل مادة من بنت لبنت

فيه بنات مثلي حبوا الإحصاء كثيييير وكرهوا الأحياء وفيه بنات العكس

وهذا يختلف على حسب ميول كل بنت

فيه بنات ما شاء الله حفظية وفيه اللي ضد الحفظ وتمشي مع الفهم أكثر







انتظروني برد ثاني أوضح لكم المذاكرة وافضل الاستاذات

[لهيب الزهور]

الإحصاء


الكتاب هو مصدر مذاكرتك الاساسي وكل شئ فيه

يعني الكتاب مرررة مهم والمذاكرة منه ولازم تشتريه


أفضل الأستاذات :

درستني الأستاذة شفياء الحظيرة

أتعب وأنا اقول استاذة مممممممتازة بمعنى الكلمة

مع انه على فكرة اغلب البنات ماعجبتهم بس أنا حبيتها كثير

لأنها كانت كل درس وقت المحاضرة تأشره معانا وتعلمك صيغة الأسئلة على كل نقطة فيه

وتعلمك هذا ممكن يجي مقالي أو لا ،،، وبرضوا هي الأستاذة الوحيدة اللي تحل أسئلة من السكشن والشابتر كويز مع طالباتها بالمحاضرة

وكمان هي كانت المنسقة للأعوام السابقة فأستاذة فاهمه لطريقة الأسئلة كيف تجي وعارفة ايش هي أغلاط البنات

فكانت والله في كل محاضرة تقول البنات كانوا يغلطوا بهذه المسألة انهم ينسوا الجذر وهنا غلطهم انهم ينسوا يطرحوا من 1

يعني تعرفي معاها ايش الأساسيات البسيطة اللي ممكن ماتركزي عليها بالمذاكرة وتغلطي فيها بالاختبار

بس للأسف انتوا أعتقد انكم راح تخسروا هذه الاستاذة لأنها آخر شهر ماكانت موجودة قدمت على اجازة أمومة

فما أدري راح ترجع أو لا ،،، الله يقومها بالسلامة ان شاء الله



عندك كمان الاستاذات الكويسات ريما العمودي وسماح سندي




الكيمياء :


المذاكرة بس من السلايدات والتست بانك وأبداً ماتحتاجي الكتاب ولا تشتريه

والكيمياء اتعب وأقول لكم التست بانك التست بانك التست بانك

والله يابنات أنا اكتب لكم كلامي كأخوات ومن قلب ابغاكم تجيبوا أعلى الدرجات وماتخسروا درجات احنا ماكنا فاهمين من فين نذاكر لها

مرررررة غلط انك تروحي اختبار الكيمياء بدون ماتشوفي التست بانك لأنه الاختبار كوبي بيست منه

حتى بعضه والله كان بنفس الأرقام بدون تغيير




أفضل الاستاذات :

ليلى الحربي ونهى الوزان

أستاذتين هم الأفضل بالتحضيري وحاولوا قد ماتقدروا تكونوا عندهم ولا تروحوا أبداً عند غيرهم

أنا كنت من طالبات نهى الوزان راااااائعة جداً وتشرح بضمة وضمير وكمان مرررة تنبسط وتحب تستقبل البنات بمكتبها اذا عندهم أشياء مو فاهمينها


ليى الحربي حقيقةً ماجربتها بس برضوا عليها مدح فظيييع





الأحياء :


ماعندك غير السلايدات تحفظيها حففففظ والاختبار راح يجي منها



أفضل الأستاذات :


حنان الشاذلي وكفى

ماجربتها بس زحممممممة فظيعة وقت محاضراتها والكل يمدح فيها

[لهيب الزهور]

آخر نصيحة لكم يابنات وأقولها لكم من قلب لأني أبغاكم كلكم ماتنقصوا عن 95 كأخوات حبيتهم بالله وتمنيت لهم الخير وأنا ما أعرفهم

خطة ب ابداً مو صعبة ومستحيلة ومدري ايش

وخصوصاً انتوا راح تكون لكم أسهل لأنكم تمهدتوا في خطة أ وعرفتوا نظام الجامعه وطريقة كل بنت في المذاكرة اللي تناسبها

غير انها تحتاج لغة أكثر من خطة أ وانتوا تمهدتوا باللغة في الرياضيات والفيزياء وأخذتوا مستويين انجلش





نصيحتي لكم ذاكروا بشكل يووومي

فعلاً الخطة مو صعبة ولكن دسمة

اللي تذاكر يومياً وما يخلص الاسبوع الا وهي مخلصه مذاكرة المحاضرات اللي أخذتها

أنا أضمن لها معدل 5 من 5 بإذن الله






لا تسمعوووووا كلام البنات أبداً

انتِ سوي اللي عليك في المذاكرة وربي ماراح يضيع لك تعب

وموفقات ان شاء الله ياااااارب





بس على فكرة انا انسانة غيورة

ههههههههه يعني من أول والبنات يتكلموا وعلمناكم كل شئ بخطة ب

ياليت انتوا كمان تعطوننا أفضل الاستاذات وطرق المذاكرة لكل مادة

أكون لكم من الشاكرين

[Yasmina95]

^
ايوه صحيح
المواد المذاكرة فيها دسمة جدا اكتر من خطة أ واللغة فيها مهمة مرررة
لانه المواد كلها بالإنجليزي بحفظها و بمذاكرتها
بالذات الاحياء اشدد عليه مرة كتير :)
خصوصا انو جميع مواد خطة ب فيها درجات إضافية هههههه شيء حلو


بالتوفيق يا حلوين ^__^

[Positive]

^
موا شكرًا عسل
بس عندي سؤال
دحين في الاحصاء والكيمياء والأحياء الأسئلة موحدة مع قسم البنين ؟؟

[Yasmina95]

^
لا مو شرط ، الاولاد عندهم منسق مادة لوحدهم
كمان منسق الاحياء كان يبغى يلغي فكرة انو عند البنات 10 بونس و يحذف بداله جزئية -_-"
طبعا مع نفسه ، الحمدلله المنسقة ما وافقت

ف هما غير و احنا غير ، كل واحد له منسق مادة

[Positive]

أفضل استاذات خطة أ
الحاسب : أنا كنت مع بسمة السلمي الله يعطيها العافية انسانة تعطي المنهج حقه
وشرحها يثبت ف المخ
الفيزياء : سناء أباضة اذا كنتِ معاها بإذن الواحد الأحد تأخذي معاها +a وأنتي مغمضة بس
المادة تحتاج مذاكرة اول بأول لانه الدروس تعتمد على بعض سناء أفضل أستاذة بشهادة الجميع
مهارات الاتصال : أميرة النمر * انسانة ولا اجمل من كذا مراااا شرحها جميييل يدخل القلب
بصراحة وقت المحاضرة احس نفسي العب مرا انبسط وقت محاضرتها وأتفاعل معاها الله يساعدها
الرياضيات : غادة ، صراحة مرا مرا ما ناسبتني ما ادري العيب مني يمكن
بس ما افهم منها ولا شي الله يستر من دي المادة . د ليندا الزبن صاحباتي حضروا لها
وقالولي جداً شرحها جميل بس للأمانة أنا ما جربت !
الله يستر وتطلع درجة الرياضيات وتفرحني شوياا
الله يوفقكم :)

[رفّات حُلم]

المشاركة الأصلية كتبت بواسطة positive أفضل استاذات خطة أ الحاسب : أنا كنت مع بسمة السلمي الله يعطيها العافية انسانة تعطي المنهج حقه وشرحها يثبت ف المخ الفيزياء : سناء أباضة اذا كنتِ معاها بإذن الواحد الأحد تأخذي معاها +a وأنتي مغمضة بس المادة تحتاج مذاكرة اول بأول لانه الدروس تعتمد على بعض سناء أفضل أستاذة بشهادة الجميع مهارات الاتصال : أميرة النمر * انسانة ولا اجمل من كذا مراااا شرحها جميييل يدخل القلب بصراحة وقت المحاضرة احس نفسي العب مرا انبسط وقت محاضرتها وأتفاعل معاها الله يساعدها الرياضيات : غادة ، صراحة مرا مرا ما ناسبتني ما ادري العيب مني يمكن بس ما افهم منها ولا شي الله يستر من دي المادة . د ليندا الزبن صاحباتي حضروا لها وقالولي جداً شرحها جميل بس للأمانة أنا ما جربت ! الله يستر وتطلع درجة الرياضيات وتفرحني شوياا الله يوفقكم :)

بوسيتف نفس دكاترتي في خطة أ

[Somaiah Yousef]

يعطيكم العافية بجد مآقصرتوو

وحتى خطتنا مفتوح لها موضوع لحاله والبنات والشباب مآقصرو

رآح آتكلم عني شخصيآ ,, انا مو من النوع اللي اذاكر اول بأول ,, وفي محاضرات الاتصال والفيزياء بس سرحانةة


الحآسب
المذاكرة من السلايدات والكتاب ,,
وللمعلومية السلايدات مو نفس ترتيب الكتاب ,, يعني لاتلخبطو نفسكم وتمسكوهم مع بعض
اول شي السلايدات بعدين الكتاب

6 اختبارات
3 عملي 65 درجة
3 نظري 35 درجة
5 درجات بونس اسئلة
في الاختبار النظري 10 درجات و 20 سؤال

استاذتي حليمة سمرا روووعة وعسل وتسوي مراجعة قبل العملي


مهارات الاتصال
المذاكرة قراءة من الكتاب

الاختبار النهائي 40 درجة
النصفي 30 درجة
30 درجة تكاليف

التكاليف :
* اختبار استماع 5 درجات " مقطع وعليه اسئلة "
* اختبار قراءة 5 درجات " قطعة وعليها اسئلة "
* حوار 5 درجات
* برزنتيشن 5 درجات
*سيرة ذاتية وخطاب تقديم 5 درجات
*مقال نقدي 5 درجات

استاذتي اسماء الزهراني
افضل استاذة أميرة النمر وهي المنسقة كمان وتعمل مراجعة


الفيزياء
المذاكرة من ملخص هناء فرحان واسئلة الدوري والتست بانك
اصعب فصل ممكن يواجهك الفصل الخامس والباقي حلووو
وماراح اقل تكرار للثانوي ,, شي اسهل من الثانوي ,, وكلو مسائل وقليل فيه الاسئلة النظرية


افضل استاذة سناء اباظة


الرياضيات

مادة ممتعة وجميلة
المذاكرة من الكتاب بس
وممكن الوورك شوب لو عندك وقت

استاذتي ليندا الزبن خطييرةة .. محظوظةة لو انتي معاهها

المواد سهلةة وجميلةة وبالتوفيييق لكم