احتساب المعدل النسبي الموزون

[m7md1415]

ياجماعة ، النسبة الخاصة مجرد شرط فقط
اهم شي النسبة العامة

الفرق ان النسبة الخاصة تنحسب على مواد محدده طالبتها الكلية ، وتختلف المواد من كلية لاخرى
مثلا الطب طالب انجليزي بمستوياته وكيمياء وفيزياء واحياء
والهندسة رياضيات واحصاء وفيزياء وانجليزي
فلو تبا طب ، لازم في المواد اللي حددوها تجيب نسبة 85% واكثر .. يعني يطلعو نسبة ثانية من المواد ذي .. خاصة في الكلية وموادها
واذا جبت نسبة فوق 85% في هذه المواد تحقق الشرط ، وطبعا دي النسبة تعتبر قليلة بالنسبة لاي احد طموحه طب او هندسة .. فالكل يجيبها تقريبا

وعشان العدد كبير من الطلاب والكلية تستقبل مثلا 200 طالب ( كل كلية لها قدرة استيعابية مختلفة ) فعشان العدد كبير يبدأو ياخذو الافضل ، بس الاغضل بالنسبة العامة لكل المواد مو الخاصة ، لان الخاصة مجرد شرط

زي لما تخش مسابقة يقلك تخش مثلا لو عمرك فوق 18 (شرط) وبعدها اللي يخش المسابقة لازم يجمع نقاط اكثر عشان يفوز (اللي هي النسبة العامة لكل المواد)

بس :)