◇:{ نقل اخبار الدورة التأهيلية طالبات انتساب - للفصل الدراسي الاول 2014}:◆

[JASPER]

المشاركة الأصلية كتبت بواسطة ѕυрзя пıdσ يابنات دكتورة نهى ماقيد درست قبل كدا ؟؟ انا جدا جدا محتارة بينها وبين دكتورة عزيزة في السيمنار المشكلة مو بالساهل نقدر نغير الشعب لازم نروح لمس جميلة او لازم بالايميل ونستنى ودحين وقت محاضرات مرا ماينفع :(

الحمدلله اخيرا فتح موقع الجامعة والسنترا معي جنني وطلع روحي بس الحمدلله تنذكر وماتنعاد ابدا يارب.
والله ياندو انا محتارة مثلك في هيدا السيمنار..

نزلتها عندي في الجدول مكتوب جنبها عزيزة واول محاضرة دخلت السنترا لقيت فيها نهى!

واللي زاد وغطى الأستاذة ماحضرت اول محاضرة..واليوم بسبب عدم مقدرتي على الدخول لموقع الجامعة او السنترا فماحضرت طبعا

ولكن دخلت على جدولي في السنترا لقيت المحاضرة ماتسجلت وايضا تصفح المُتصفح فارغ..وهذا يعني على ماعتقد انو الاستاذة برضو ماحضرت زي ماقلت لندى الذهبي..

يعني مو فاهمة ومحتارة بالأودس والجدول شعبة واحدة مكتوب عزيزة وبالسنترا نهى ومحاضرتين ماحضرت طيب كييييف!!


انا خايفة انو هيدي تكون شعبة وهمية مالها محاضرات): لو فضلت بهيدي الحيرة هاحذفها بصراحة ماعندي وقت لهيدي اللخبطة..
واذا محاضرتين ماحضرت الاستاذة امتى هانلحق نفهم البحث ونعمله):!
الله يعين