ارجو من طلاب وطالبات كلية الاعمال برابغ الدخول

[عبدالله 7z]

وعليكم السلام ورحمة الله وبركاته

اختي بالنسبه للانتظام منسقين جداولهم من بدري عشان كذا اغلب الشعب تقفلت ولكن حسب بحثي لقيت شعب مفتوحه يعني تقدري تضيفي المواد المتاحه لجدولك

مقدمة في إدارة الاعمال وثقافه 2 متاحه وحسب ما فهمت من كلامك انك ضفتيها ، ، مبادئ التسويق& قانون الاعمال الشعب مقفله ما يهم خليها بعدين

محاسبه ماليه & مقدمه في إدارة الموارد البشريه & مقدمة في نظم المعلومات هذي المواد في لها شعب مفتوحه وتستطيعي التسجيل فيها

وعندك مواد تخصصك جميعها متاحه لو اظطريتي تاخذي منها ، ، ، طبعا عادي لو اخذتي من مواد المستوى الثالث والرابع او اي مستوى وخصوصا انك مجبوره لان اغلب الشعب قفلت بسبب ان الطلاب مسجلين فيها من بدري فقفلت الشعب

بالتووفيق ان شاء الله

[بنت الزهور]

شكرا .....أخ عبدالله 7z.
صراحت ما قصرت و الله يجعلها في ميزان حسناتك

بس راجعت كليه الاعمال في المبنى الجديد في رابغ يوم الاحد الموافق 25/10/1434
وطلبو منى اكتب المواد إلي حابه اضيفها بس
و لين دحين ما صار شي في الجدول و مها اقدر اروح رابغ ذا الاسبوع بسبب الظروف و مافي رقم تلفون او جوال اشان الواحد يتفاهم معاهم

أيش اسوي دحين

[عبدالله 7z]

المشاركة الأصلية كتبت بواسطة بنت الزهور شكرا .....أخ عبدالله 7z. صراحت ما قصرت و الله يجعلها في ميزان حسناتك بس راجعت كليه الاعمال في المبنى الجديد في رابغ يوم الاحد الموافق 25/10/1434 وطلبو منى اكتب المواد إلي حابه اضيفها بس و لين دحين ما صار شي في الجدول و مها اقدر اروح رابغ ذا الاسبوع بسبب الظروف و مافي رقم تلفون او جوال اشان الواحد يتفاهم معاهم أيش اسوي دحين

العفو لك يا اختي

المشكله حتى الشعب اللي ذكرتها لك في ردي السابق ما يمديك تضيفيها الان لان الحذف والاضافه للانتظام قفل

الله يكون بعونك مالك الاتراجعيهم ثاني او ترسلي لهم معالمه الكترونيه

بالتوووفيق ان شاء الله

[بنت الزهور]

المشاركة الأصلية كتبت بواسطة عبدالله 7z العفو لك يا اختي المشكله حتى الشعب اللي ذكرتها لك في ردي السابق ما يمديك تضيفيها الان لان الحذف والاضافه للانتظام قفل الله يكون بعونك مالك الاتراجعيهم ثاني او ترسلي لهم معالمه الكترونيه بالتوووفيق ان شاء الله

شكرا مره تانيه اخ ..عبدالله 7z
راجعتهم واضافولي مادتين بس كل الشعب مليانه يعني =فل
الغريب انو المادتين إلى ضفتهم بنفسي من الحذف و الإضافه مكتوب جنبها مسجل على الويب و مهي ظاهر في جدول الدراسي في الطالب
اما المواد إلي ضافوها مكتوب مسجل و موجوده في الجدول الدراسي

من جد كرهت الدراسه في جامعه عزوز