]:[ وصفَــآت لإِعْـدَآد أطبـآقنــآ الرمضَـآنيَّـــــة ]:[

[موفقة يارب]

^
^

ما شاء الله تسلم إيدك (=

السلام عليكم ,, مسائكم جميل إن شا الله ..

اليوم بكتب طريقة ( فتة الباذنجان ) << خالتي اللي عملتها و أصرت إني أدوقها وانا ما أحب الباذنجان

المهم

المكونات :

- حبتين بطاطس

- حبتين باذنجان

- شوية خبز ( أي نوع )

- شوية صلصة مطبوخة ( يعني بصل يتحمر شوية و تنضاف عليه طماطم فقط لا غير ) << و دا رح نحتاج مرة قليل منو ..

- زبادي

- طحينة

- فلفل اسود

- ثوم مهروس بالمرة << مرة شوووية ح نحتاج ..

الطريقة :

نقطع البطاطس و الباذنجان مكعبات صغيرة و نقلي البطاطس و نقلي الباذنجان ..

نقطع شوية خبز و نقليه كمان ..

نخلط شوية زبادي مع شوية طحينة مع قليل ثوم مع فلفل اسود ..

بعد ما قلينا و حضرنا الصوص نحط في الصينية البطاطس و الباذنجان

و فوقو الصلصة حق ملعقتين اكل كدا مو كتير يعني ,, و بعدها الخبز و بعدها الصوص

و لو حابين تزينوها من فوق بـ بقدونس او كدا يعني ..

ما مداني أصور إلا الشكل النهائي طبعًا ^^"





و بالهنا و العافية

ملاحظة : الكميات حسب ما تحبو و حسب عدد الأشخاص عشان كدا ما حددت بالتفصيل أناآ ..