استفسار

[dark 16]

صباح الخير اذا ممكن مساعده

انا ادرس انتساب كليه الاعمال برابغ تخصص موارد بشرية مستوى 8 وباقي لي كم ساعه واخلص

بس قالو لي لازم تخلص 128 ساعه من ضمنهن 9 ساعات مواد اختياريه و 6 مواد حره

بس المشكله ابغى اعرف وش مواد التخصص و مواد الاختياري و مواد الحر

اذا تقدر تساعدني لاني بحفرالباطن ولا اقدر اروح جده

[adnans]

على راسي حبيبي الغالي نقول بسم الله

المواد الحره هذي مثل أي ماده تاخذها برى قسمك مثلا زي الاقناع تبع كلية الاداب أو مدخل الى وسائل الاعلام أو فلك أو أي ماده سواء كانت صعبه او سهله خارج الكليه وتقدر حتى تاخذ مواد من نفس كلية الاقتصاد تكون حره فمعنى حره يعني أنت حر تاخذ مادة قران كريم مثلا أو ... الخ أي شي أتمنى وصلت الحره ..

المواد الاختياريه هذي أنت طال عمرك تختار مواد باختيارك لكن مواد تكون محدده فنفس تخصصك فالكليه يعني
أسمع أدخل الأودس وأدخل على : الطالب ثم سجلات الطالب ثم أنزل آخر الصفحه حتلقى المواد المتبقية من الخطه الدراسيه اظن أدخلها وأنزل أسفل الصفحه حتلاقي كم ماده فالجدول الأخير معهم التدريب التعاوني هذي هي المواد الاختياريه .. أنا فادارة الأعمال عندي 5 مواد أختياريه ( مكررين وحده مرتين فالجدول ) والتدريب
أظن الصوره واضحه الحين بخصوص المواد الاختياريه

ننتقل لمواد التخصص هي يخوي المواد اللي ما يدرسها أي أحد غير طلاب نفس التخصص وهي حتكون عندك موجوده فجدولك الدراسي حق الاترام تكون متبقيه لك طبعا لو أستثنيت الحره والاختياري حتبقى هالمواد فنفس الوقت تقدر تاخذ مواد التخصص مثلا حق أي قسم غير قسمك مثلا تاخذ ماده فالتاريخ تعتبر حره لك وبالنسبه لطلاب قسم التاريخ تكون ماده تخصص وزي كذا

هذا على حسب فهمي المحدود وكله يبان فجدولك حق الأترام تشوف المواد قدام عينك اللي بقت واللي راحت والاختياريه والحره قلتلك وش طريقتها عاد ربي يوفقك ونشوفك وأنت ماخذ أعلى الدرجات أن شاء الله ..

فمان الله

[adnans]

نسيت أقولك صبحك الله بالنور والسرور هههههه .. فمان الله يالغلا

[dark 16]

جزاك الله كل خير ياعدنان

[dark 16]

انا لما افتح الاودس زي ما قلت

وافتح المواد المتبقية
يظر لي جدول فيه تقريبا 21 مادة بس مو عارف هل هذه المادة مادة تخصص ولا اختيار ي ولا حر
معليش تحملني شوي
فديت قلبك الطيب

[adnans]

المشاركة الأصلية كتبت بواسطة dark 16 انا لما افتح الاودس زي ما قلت وافتح المواد المتبقية يظر لي جدول فيه تقريبا 21 مادة بس مو عارف هل هذه المادة مادة تخصص ولا اختيار ي ولا حر معليش تحملني شوي فديت قلبك الطيب

حاضر وممنون أخوي الغالي ..

لا يا بعدي هذي كلها أختياري أنت أنتساب ممكن لهالشي موادكم فالاختياري كثيره أظنك تقصد نفس المواد فهالرابط

http://business-administration.kau.e...g=AR&cid=37837

هي القاعده فالجامعه أن المواد الاختياريه فآخر الجدول مهما كان عددها + أنهم كاتبين عليها أختياريه فما عليك أنت ماشي عالنظام + أتأكد من خويانك ليزول أي لبس فالموضوع ومن باب الاحتياط مو أكثر ولا المسأله أن شاء الله واضحه وبسيطه وأنا لين تخلص الاختبارات يوم 22 شهر 7 بالعربي قبل الصيفي أبغاك تذكرني برساله عالخاص وراح أكلملك الموظفين فالجامعه وأتاكد + يومها قلي هالمعلومه أنت أي دفعه 09 أو 08 أو 10 .... بالتوفيق يا صاحبي ممكن أقطع عن المنتدى لاخر الاختبارات والمعذره أتاخرت فالرد راحت نومه .. فمان الله يالطيب

[adnans]

نسيت أقولك طالبين 8 ساعات مو 9 أتأكد الله يسعدك وبالتوفيق

[dark 16]

صباح الخير
جزاك الله الف الف خير وجعله في ميزان حسناتك ويوفقك بالاختبارات

انا دفعه 10 وراح ارفق لك صوره للمواد المتبقيه ">

[adnans]

وصل حبيبي الغالي عاد مثل ما وصيتك جهزلي مسج عالخاص تذكرني بالسالفه على يوم 22 شهر 7 ولا عليك أمر لمشكلة النسيان عندي ونشبة الاختبارات وباذن الله أروح الشؤؤن التعليمية وأشوفك السالفه من طقطق للسلام عليكم + لو عندك أي شي تبغى تستفسر عنه أرفقه فالرساله لو ألف سؤال ما عليك والله أي شي فجده مكه المدينه الطايف أعتبره عند أخوك أنشاء الله .. أعتذر ممكن ما أدخل الا بعد الاختبارات بالتوفيق لك يخوي ولا تنسانا من صالح دعاكم .. فمان الله وحفظه