قصتي (كيف أصبحت معيدة) + إجابة على الاستفسارات فيما يتعلق بالتقديم والمقابلة والتعيين

[أرنو للقياه]

السلام عليكم ورحمة الله وبركاته


معيدة المستقبل
أعتذر عن ردي المتأخر
بالنسبة لسؤالك: مافي إجابة مثالية، فكري في إيجابيات وسلبيات ذكرك لوظيفتك السابقة
هل ممكن مثلا يمسكوها عليك ويجلسوا يسألوا: يعني انت ما عندك صبر؟ يعني لو كلفناك بأعباء غير الموجودة في العقد ممكن تتركينا؟
لاحظي إنه هذا احتمال وارد، وممكن يبنوا عليه تصور عن الشخصية، وفي المقابل ربما تكون الإيجابيات أكبر، أنتِ أدرى بهذا الأمر مني
تمنياتي لك بالتوفيق


battota
الله يعافيك



عالمي
وعليكم السلام ورحمة الله وبركاته
للأسف ما عندي إجابة يقينية عن هذا السؤال



نسايم منعشة
Hawazen
ربي يستجيب دعواتكم الطيبة ويرزقكم من فضله



بعثرة مشاعر
فيه دورات إنجليش وتحضير لاختبار الآيلتس بالبريتيش كونسل بجدة، بس للأمانة ما جربتها فما أقدر أفيدك



حنطاويه
إذا قصدك تكوني معيدة في الحاسب، فهم يطلبوا بكالوريوس حاسب آلي مو دبلوم



سأبلغ الآفاق
يمكن وظيفتك هذي خير لك، ويمكن ربي يرزقك المعيدية مثلي بعد كم سنة : )



Loveless
كان قبلي ما يقارب 18 بنت : ) صح معدلي عالي ماشاء الله لا قوة إلا بالله
لكن تعرفي فيه بنات الله يبارك لهم 5من5 وفيه بنات 4.95 وفيه 4.8 وزي كدا
فكانوا قبلي بنات أعلى معدلا مني، فيه منهم انقبلوا ومنهم لا،
واللي بعدي كانوا أكثر وأكثر، وفيه منهم انقبلوا كمان، فلا تفقدي الأمل : )
بالنسبة لسؤالك عن الماستر، يعتمد على عدة عوامل منها إنه يكون مثلا عندهم احتياج ويبغوا معيدة تداوم الآن وما تكون مرتبطة ببعثة
وممكن لا، يبغوا اللي معاها بعثة وبدأت ماجستير خلاص عشان يضمنوا إنها حتروح بعثة وما تتعذر بظروفها بعدين
فالمسألة فيها أخذ وعطا

بس عموما هم يحبوا اللي ظروفها متيسرة وتقدر تبتعث لإكمال الماجستير، حتى أتذكر دكتورة كانت تقللنا: (انتوا عارفين إنه من شروط المعيدية البعثة، فما يصير الوحدة تاخذ مكان غيرها في الوظيفة ثم في الأخير ترفض تروح بعثة وهي عارفة من البداية إنه هذا شرط مهم عندنا ؟!).



.