تجمع طالبات بحث وتدريب - موارد بشرية / أ.سمر عناني

[طيبه جدة]

وعليكم السلام ورحمة الله وبركاته

شوفي اتذكر اول مرا روحت للدكتورة سمر كانت تتكلم عن موضوع البحث " انه اش المشكلة اللي واجهتيها بمكان تدريبك وتكلمي عنها "

وقالت كمان " إذا ما كان فيه مشكلة لاحظتيها فتكلمي عن احدى مزايا الموارد البشرية بالشركة "


يعني اهم شي يكون موضوعك يخص إدارة الموارد البشرية


هذا اللي أقدر أساعدك فيه وان شاءالله البنات يساعدونك




ونسيت أقولكم يابنات تقابلت أنا و روابي نجد بالصدفة يوم الأحد وتشرفت بمعرفتها ويامرحبابك بجدة

كمان حبيت أقولكم انه أ مريم المعبدي لقيت لي مكان أتدرب فيه وان شاءالله أبدا تدريبي بالغرفة التجارية يوم السبت


وان شاءالله أروح للدكتورة سمر بعد أسبوعين تقريباً، على الأقل أروح لها شبه مخلصة من التقرير



واذا أحد يعرف متى أخر موعد لتسليم التقرير ياليت تقول لنا ؟!!!

الله يسهل للجميع يارب وبالتوفيق
سلامووووووووووو

[هدوش]

مرحبا صبايا حبيباتي كيفكم شو اخباركم ؟؟

انا كمان معاكم عند استاذة سمر عناني بس شعبة 10e وللاسف مررره اتاخرت بسبب وضعي الصحي وكمان من مقيمه خارج جده وممنوع عليا السفر بس ما شاء الله وفيتوو بصراحه ما قصرتو بجدد يعطيكم الف عافيه وبميزان حسناتكم ان شاء الله ..

كان عند استفسار بسيط مررره اقدر اخلص اوراق البحث وكل اموووره من غير ما اروح للدكتوره يعني اختم اوراق التدريب وابدا بالتقرير بدون ما اروح اعرف الدكتوره عن نفسي يعني ما احتاج منها او هي ما تحتاج مني شي ..

وسامحوني طولت وجزاكم الف خير مره تانيه على مجهودكم

[روابي نجد]

والله انا الي اتشرف بمعرفتك يالغالية انسانه بقمه الأخلاق و الطيبة الله يحفظك ويسعدك ويسهل امورك

[طيبه جدة]

السلام عليكم ورحمة الله وبركاته

الحمدلله طيبون نيابة عن الجميع خخخخخ

بالنسبة للاخت اذا انتي حـ تروحي للجامعة منشان تختمي أوراق التدريب أفضل انك تروحي لها وان شاءالله تلاقيها ، وفي حال ما لقتيها ارسلي لها ايميل بالكلام اللي ودك تقولينوه لها واشرحي لها وضعك انك ماتقدري ترجعي لها على كل صغيرة وكبيرة بالبحث لأنك خارج جدة وووو


المهم يكون عندها خبر ، وكمان حاولي تتصلي على جوالها ان شاءالله ترد

بالنسبة انها تحتاج منك شي " ما ادري عنها بس كنت كل ما أروح لها تسألني شو اسمك وتشوف موجوده عندها ولا لا ( اعتقد الورقة تكتب اسماء البنات اللي يراجعوها)

وانتي تحتاجي الأوراق اللي نزلناها بالموضوع اللي هيا
1- فن كتابة التقرير " اللي نزلتها الأخت دانة جزاها الله خير "
2- مخطط مادة البحث والتدريب " كمان هاذي نزلناها على الموضوع "

والله يدوم عليك العافية يارب

وأخت روابي نجد تسلمين ياعمري وان شاءالله ربي يوفقنا جميعناً
يلا سلاااااامو

[noonmoon]

يابنااااااااااات ايش رمز مادة بحث وتدريب للموارد البشريه ماهو 492
كيف كاتبين فوق 495
495 هذي اعمال دولية ولا عااادي ماتفرق

انا ابغى اتدرب بالجامعه ممكن او لا
واذا ممكن عند مين اروح؟؟

[غرامي ذبحني]

بنات متى موعد تسليم التقرير
كمان ورقة الملاحظات وحدة تكفي
انا اتدربت في بنك وخلصت لكن لسى التقرير ماني عارفه كيف اتوصل للاستاذة عشان استشيرها في موضوع التقرير

[طيبه جدة]

السلام عليكم ورحمة الله وبركاته

كيفكم يابناااات ( اعذروني انشغلت ذي الأيام )

بالنسبة لرمز المادة هو bus 492

وبخصوص إذا تبغي تتدربي بالجامعة أو خارج الجامعة تواصلي مع أ مريم ( أتمنى ترجعي تقرأي الموضوع لأن ماعندي وقت أشرح أكثر )

بالنسبة لموعد تسليم التقرير ماعندي علم ان شاءالله اذا روحت لها أسألها وأرد لكم خبر ان شاءالله

بالنسبة لورقة الملاحظات أتذكر الأستاذة قالت تكفي وحدة ( أهم شي اكتبي كل شي تدربتي عليه )

بالنسبة للتواصل مع أ سمر عن طريق الايميل أو الجوال أو اذا تقدري تروحي لها بالجامعة بساعاتها المكتبية أفضل


سلاااااااااااااااامو

[طيبه جدة]

نسيت أقولكم أتمنى مشاركتي بآرائكم على استبيان تخرجي ان شاءالله

http://estebyans.com/estebyan.php?es...hvCjL1grLFLz8n

همتكم يابناااااااات وجزا الله المشاركين بكل خير يارب ويرزقكم من حيث لا تحتسبون ويارب يوفقنا أجمعين

[nour al3mr]

^
الله يوفقك و يكتب لك التوفيق
لو تحتاجي الأعضاء يعبوا الاستبيان تقدري تنزليه في موضوع مستقل بكذا قسم لتحصلي على أكبر قدر و عدد من الاستبيانات

[موج الغلا]

بنات في احد راح عند استاذة اليوم