وان ضاقت ستفرج باذن الله

[Z8rRt]

موضوعك جداً جداً رائع ، وكلامك عين العقل والله

وبصراحه المفروض ما نتحطم بمجرد أننا خبصنا بأختبار أو واجهنا صعوبات ، لان الهدف اللي راسمه لنفسك مستحيل توصله بكل بساطه وسهوله ، لازم تواجه عقبات وصعوبات وهذي كلها تحديات لك ، لأنك لو فعلاً مصرّ وفعلاً تبي توصل لهدفك ، بتتجاوز كل شي يواجهك حتى توصل لمبتغاك

اللي أبي اوصله من كلامي ، إني انا كنت من الأشخاص اللي يبون يسحبون على الجامعه في الدوري الأول ، وواجهت صعوبة بالمواد بشكل غير طبيعي ونفسيتي صارت جدا سيئة يعني متحطم بشكل غير طبيعي ، لكن جلست مع نفسي وفكرت بمستقبلي وفكرت بالاهداف اللي كنت احلم فيها من ايام المتوسط والثانوي ، فقمت صليت لي ركعتين وشديت حيلي واستلمت المواد اللي كانت علي الدوري الأول والحمد لله جبت درجة جدا حلوه ، وبالدوري الثاني رغم بعض الصعوبة في ماده الفيزياء ، الحمد لله جبت درجة حلوه ، وانا فخور بنفسي وفخور بكل واحد صار له مثلي وتحدا نفسه وتحدا كل شي يواجهه ليوصل لهدفه

هذا اللي حبيت اقوله والف شكر لكي على موضوعك الرائع , واعذروني على الاطاله

والله يوفقنا واياكم ، ويحقق لكل شخص مبتغاه