برنامج خادم الحرمين الشريفين للابتعاث الخارجي المرحلة الثامنة 1433

[Fatema Alshareef]

المشاركة الأصلية كتبت بواسطة ahlam-2012 السلام عليكم ورحمة الله وبركاتة واسفة علي التاخير بس كان عندي مشاكل في الانترنت انا حاليا بكولومبس عاصمة ولاية اوهايو وبعد الكرسمس رايحة دايتون انشاءالله طبعا كولومبس مدينة هادئة مافيها صخب ولا فيها اماكن ترفيهية كثير فيها عرررررررب كثير تحسي كانك بالسعودية وعموما اوهايو كلها عررررب الاجواء باردة جدا وثلوج بالنسبة لتليدوا من المدن الكبيرة في الولاية وتقريبا نفس مدينتي انا في معهد كابتل التابع لجامعة كابتل طبعا مانصح احد يجي فية وفي معهد التابع لجامعة اوهايو استيت هذا جدا ممتاز وانصح اللي تخصصها في نفس الجامعة تجي علية الجامعة قوية جدا ومصنفة علي مستوي العالم ومعهد elsهذا المعهد متوسط ايضا لكن بمجرد ماتخلصي الليفل 12 يمكنك ان تقدمي علي 600جامعه وتقبلك بالشهادة نصيحتي لكم اخواتي لاتجوا امريكا الا بقبول مشروط بماستر وريحي راسك من التوفل والايلتس والجيمات وبكذا تعرفي انتي وين بتكملي بمجرد ماتنتهي من اللغة تدخلي ماستر وتخلصي وترجعي لاهلك بالشهادة واللي عندها استفسار او حابة مساعدة مني اعتبروني اختكم وراسلوني علي الخاص وانا اعطيكم رقم سعودي تتصلوا علي واللي حابة اني اجهز سكن لها واستقبلها عيوني لكم انا كنت زيكم ومالقيت احد يساعدني بس لمن جيت هنا عرفت انة كل المبتعثين لمن يدخلوا دولة الابتعاث ينشغلوا ومايدخلوا كثير مواقع وعذرتهم لاني صرت وحدة منهم بس انشاءالله مابقصر معكم واعذروني علي الاطالة والقصور اختكم ام عبدالله

يعطيك ربي الف عافيه .. وجزاك الله خير على كل معلومة قدمتيها..
أنا حالياً قمت بمراسلة المعهد التابع لجامعة توليدو وبإذن الله سأسكن
في توليدو .. لأني وجدتها أنسب مدينة وأيضاً أنسب جامعة بالنسبة لي
وكل شخص له ظروفه .. أي ربما لا تناسب غيري ..
ما رأيك في المعهد التابع لجامعة توليدو .. اسمه American language Institute
وأي شيء آخر تعرفيه عن توليدو ..؟!

شكراً مرة أخرى وبإذن الله يكون لي شرف ملاقاتك هناك ..
دمتِ بخير ..^^

[ahlam-2012]

المشاركة الأصلية كتبت بواسطة fatema alshareef يعطيك ربي الف عافيه .. وجزاك الله خير على كل معلومة قدمتيها.. أنا حالياً قمت بمراسلة المعهد التابع لجامعة توليدو وبإذن الله سأسكن في توليدو .. لأني وجدتها أنسب مدينة وأيضاً أنسب جامعة بالنسبة لي وكل شخص له ظروفه .. أي ربما لا تناسب غيري .. ما رأيك في المعهد التابع لجامعة توليدو .. اسمه american language institute وأي شيء آخر تعرفيه عن توليدو ..؟! شكراً مرة أخرى وبإذن الله يكون لي شرف ملاقاتك هناك .. دمتِ بخير ..^^

يسلموا ياعسل
بالنسبة لتوليدوا فهي من المدن الكبيرة الصناعية ومدينة جميلة
وجامعتها قوية وانا كنت مسجله في معهدها لكن تراجعت بسبب انة تخصصي مو معترفة فية الوزارة
وماحبيت ادرس في معهد بمدينة وتخصصي مو موجود فيها
بس اتاكدي من وجود تخصصك وكيف يدرسوة وهل فية رسالة ولا لا يعني التخصص اللي بدون رسالة افضل في نظري انا مواد تدرسيها وتختبري فيها وتتخرجي
وبالتوفيق لكي غاليتي