برنامج خادم الحرمين الشريفين للابتعاث الخارجي المرحلة الثامنة 1433

[Reflection]

المشاركة الأصلية كتبت بواسطة destroyer سلام عليكم ورحمة الله وبركاته يعطيكم العافية والله يجزاكم الف خير على المجهود الطيب عندي بعض الاستفسارات وارجو المساعدة منكم الاستفسار الاول هو : كيف اراسل المعاهد الحين؟ الاستفسار الثاني هو : انا التخصص اللي راح اكمل فيه الماجستير موجود فقط بثلاث جامعات في امريكا الموصى بها من قبل الجامعة ( MBA in Banking & Finance ) وهم كالتالي : 1-CASE WESTERN RESERVE UNIVERSITY 2-SAM HOUSTON STATE UNIVERSITY 3-UNIVERSITY OF SOUTH CAROLINA AT COLUMBIA ( طبعا هذا حسب اللي اعرفه ، اقصد يمكن بحثي يكون خطأ ) المهم كيف اعرف معهد كل جامعة ؟ ولما يكون معهد كل جامعة Hold او closed او Oversaturated ، ايش راح اسوي؟ ادرس في ولاية ثانية مثلا وارجع بعدها الى نفس الولاية والا فيه حل آخر ؟ وهل اقدر اراسل المعهد والجامعة بنفس الوقت ؟ وكيف اعرف شروط قبول كل جامعة (كم درجة اشتراط التوفل او الايلتس او الجيمات وهل يشترطوا جميع الاختبارات او لا ) ؟ و أي جامعة افضل وحدة فيهم من ناحية التدريس ومن ناحية الولاية ايضا نفسها من غلاء معيشي وأمان ؟ ارجو المساعدة منكم ، لانه جد احس نفسي ضايع واحاول اقرا في منتدى مبتعث وهنا ايضا حتى افهم اكثر المعذرة عالاطالة وكثرة الاسئلة

1-
الموضوع هذا يفيدك كثير (هنـــا)

2-
بحثك تحط اسم التخصص و انت و حظك شوف كم جامعة .. و دام طلعلك العدد القليل هذا
انا انصحك تراسل الجامعة من بدري وتجيب قبول مشروط منهم .. او انتظر فترة دراستك اللغة هناك و راسلهم شي راجع لك .. و الافضل انك تشوف تخصص جامعاته كثير علشان ما تتعب و علشان ما تنحد انك تروح مكان معين انت ما تبغاه زي مثلا (finance) لحاله بدون banking

3-
قائمة المعاهد تلاقي خانة university/institute.. اي معهد قدامه كلمة university تعرف انه تابع لجامعة ..

Hold او closed او Oversaturated كلها ما تقدر تقدم عليها ،، اللي عليك الله يعينك تدور معاهد ثانية حتى لو تضطر تغير الولاية... و أيوا تقدر تدرس المعهد في ولاية و الجامعة في ولاية ماعندك اي مشكلة... تقدر تراسل الجامعة يعطوك قبول مشروط بحيث لو جبت درجة معينه في التوفل/ايلتس يقبلوك .. ااما انت حاليا ملزوم فقط بقبول معهد علشان يتم ابتعاثك.

شروط القبول لكل جامعة .. تدخل الجامعة الله يعينك و تدول القسم حقك اللي تبغاه تروح على graduate او graduate programs .. تشوف البرنامج و عندك admission requirements تلاقي فيها الشروط المطلوبة من معدل - توصيات - توفل - اي شي زيادة يطلبوه..الخ

اي جامعة الافضل هذا من خلال بحثك وقراءتك عن المدينة .. لو تكتب اسم الجامعة في قوقل مليون بالمية راح تلاقي العديد من النتائج خصوصا في منتدى مبتعث .. ماتوقع في جامعة الا تم مناقشتها و لا في ولاية او مدينة الا تم الحديث عنها .. انصحك تدخل هناك ملتقى امريكا و تقرأ فيه.. لانه صعب بصراحة يتم الاجابة عن هيك امور .. لازم انت تشوفها بنفسك P:

بالتوفيق سيدي.