حاسب آلي

[بسمة الطفولهـ]

مرحبا

كيفكم ؟

قبل ما ابدأ كل واحد ياخذ له حبه بندول عن الصداع و الهذره اللي بقولها


آنا اليوم رحت لوحده مهارات الحاسب الآلي ..
سألتهم عن رئيسه القسم فين تكون موجوده ؟
قالوا : لي شنو تبغي فيها ؟
قلت : أبي أسأل اذا الاختبار بالعربي ولا بالانجليزي ؟
قالت : بالانجليزي و العربي ..
قلت لها : كيف يعني ؟
قالت : بجي عربي بس المصطلحآت بـ e
قلت لها : يعني لو يجيبون تعريف الكمبيوتر بجي الخيارات بالعربي ولا ؟
قالت : مدري
قلت لها : الحين شلون .. شلون نذاكر ؟
قالت : اشتري الكتاب بالانجليزي " مقدمه في الحاسب و المعلومات "
قلت : الكتاب كله بالانجليزي يعني ما يصلح نذاكره يعني معقوله اجلس اترجم كل كلمه بالكتاب بعدين اذاكر اللي ترجمته
ردت ان اي سوي كذا
قلت : اجل اشتري النسخه العربيه ؟؟؟؟ ليش بعد اسوي كذا ؟؟ وبعدين بنات السمستر الاول اختبروا كان كتابهم اللي ذاكروه بالعربي
قالت : لان ما كانت النسخه الانجليزيه نزلت و الحين نزلت فالمنهج صار انجليزي
قلت لها : بس ما يصلح كذا اهم بالعربي و احنا بالانجليزي راح ينزل المعدل على كذا
قالت : مدام غيروا لكم اكيد بغيروا لهم




قلت لها : اي غيروا لهم لخصوا بعض المواد
قالت : هذا الجامعه كذا لازم تتقبلي
قلت لها : نتقبل اذا كنا متخصصين مو كذا تنزل نسبنا و لا نقدر ندخل التخصص اللي نبيه عشان ان صار بالانجليزي و نزله و البنات الباقي بالعربي .. مو عدله بحقنا صح ؟
قالت : اهم للحين ما ثبتوا راح يصير اجتماع و يحددوا كل شي
قلت : و متى هالاجتماع ؟؟
قالت : قبل الاختبارات باسبوعين
قلت لها : الحين شلون ؟؟ شنو نشتري ؟؟ شنو نذاكر ؟؟ ولا نضل بدون كتب :( ؟؟
قالت : مدري و الله تعالي لي السبت اعطيك الخبر ان شاء الله



و هذا احنا نستنى يوم السبت عشان نرجع لهم :)

ان شاء الله غير و يخلونا نشتري كتاب د . عبد الله الموسى النسخه العربيه
لان و احنا نتكلم قالت ان كاتب النسخه العربيه غير الانجليزيه <=-ما تدري ان اهو نفس الكاتب


بس ^_^ ادري هذرت واجد