بصراحة وبدون خجل ..

[Sumaiah.A.B]

عجبني الموضوع ومرررره شدني بس معليش هل انتو بتشوفو الردع حل اننا نتخلص من مشكله كبيره زي كدا اذا الجامعه حطت قوانين وعملت مجلس تاديبي ومنعت وسوت الي بتقولو عليه حيقتنعو مررررره مستحيل بالعكس حيزيدو واذا مو في الجامعه برا الجامعه هيا مشكله مو بس داخل الحرم الجامعي هدي مشكله بنعاني منها حتى في بيوتنا هدي مشكله يبغالها علاج قبل الردع والتاديب اغلب البنات او الشباب الي بيعانو من المشكله دي بسبب اهاليهم بسبب المشاكل الي بتسير في العوائل مو حل اننا نقطع الحبل الحل اننا نرجع نربطو

واذا زي ما تقولو ع اللبس وقصات الشعر والكلام دا ترى للمعلوميه بس في بنات كتير في الجامعه يبان عليهم بويات بسبب شعورهم بس هما الله يبعد عننا وعنكم عندهم الخبيث وكتير اعرفهم كدا فلا نحكم ونقرر على اساس الشكل بس

قبل ما ادخل الطالب او الطالبه للمجلس التاديبي اوفر طبيب نفسي داخل الحرم الجامعي اعالج الناس الي زي كدا لاناخد الموضوع بحساسيه للدين قبل مانعرف المشاكل والظروف الي اجبرتهم يكونو كدا

هدي وجة نظري