برنامج خادم الحرمين الشريفين للابتعاث الخارجي المرحلة الثامنة 1433

[Reflection]

1- على حد علمي تخصص الادارة مو مطروح في البرنامج فـ انت راح تطلع على انك مالية او ايا كان التخصص اللي انقبلت عليه ،، حتى تجيب قبوول من الجامعة في تخصص الادارة و تطلب تغير تخصص من الملحقية و ان شاء الله راح يوافقوا عليه بدون تعقيد.
.


2- لا مو لازم .. مثل ما فادتك اختي هيفا ،، كل اللي عليك تختبر توفل او أيلتس وتجيب الدرجة المطلوبة
في الجامعة اللي انت حاب تقدم عليها و تروح بدون دراسة لغة .. بالعكس انت كذا توفر ع الوزارة
لكن لو تبغى نصيحتي لا تسوي هالشي ،، روح على الاقل ادرس 3-4شهور منها تتعرف ع طبيعة الولاية
و المدينة اللي انت فيها ونفسيتك تاخذ عليها .. لان الهدف من دراسة اللغة تعدي التوفل او الايلتس ..

اما كونك تدخل بـالماستر ع طول احس شوي ممكن نفسيتك ما تتأقلم خصوصا ان الماستر مو زي اللغة
هذه شهادتك ومستقبلك ضروري تكون نفسيتك متهيأه للدراسة ... إضافة إلى انك لو جبت التوفل باقل من سنة
الوزارة راح تعطيك مكافآة اضافية .. و لكل وجهة نظر .. و الله اعلم.
.


3- اي لازم تبحث بنفسك في الجامعات و تشوف اللي متاح فيها تخصصك .. الوزارة مثل ما ذكرت هيفا تجيب لك قبول معهد فقط و لو انت كمان حاب تجيب المعهد شي راجع لك ماحد يجبرك على شي ،، اما الجامعة الوزارة مالها صلاح .. ممم سمعت ان في مكاتب متعاقدة مع الملحقية تجيب قبولات مجانية للطلاب ومادري عن هالشي بصراحة
بس مشكلة المكاتب يحطوك فـاي مكان .. اهم شي يجيبولك القبول وبس .. انت شوف الولاية اللي تناسبك ثم ابحث في جامعاتها ،، و ربي يووفقك

انصحك تزور منتدى مبتعث بتلاقي اشياء تفيدك كثير.