.,~ دفتر الأيام ~,. ملاذ بوح صامت

[coOola]

,’

أفتكر زمان يوم كنت صغيرة

كنت أتمنى أشتغل محققة

بعدين قلت لا لا موب زين خلني اشتغل في الإسعاف

بعدين يوم كبرت شوي .. قلت إني أبي أصير مدلكة

ويوم مرة تحمست وكيذا قررت إنه لو ما صرت مهندسة معمارية ما رح أدرس ورح أجلس بـ البيت لأن ما فيه شيء يسوى

< هالحكي بـ المتوسط


رحت جري لـ أبوي ..

دادي دادي .. الحق أبي أتعلم الهندسة المعماريية

قال لي وشلون ذي < عاد أبوي عارف الخاتمة بس يحب يسولف معي

قلت له يعني أصير أرسم البيوت وأصمم الرسمات ذي و الناس يبنون عليها < نهاية القنوات العلمية

قام قال لي: طيب لو ذا الأشياء ماتقدرين تسوينها أو أحد جاك و قال لك لا ما تخشين وش بتسوين !

قلت له : لا ما يقدرون لازم يخلوني أدرسه ..

أفتكر يوم قلت له كذا ، قال لي كلمة للحين أتذكرها ..

قال لي: مو كل شيء نبيه ناخذه .. فيه أشياء نبيها بس ما تناسبنا أو ربي موب كاتبها لنا ..

فـ أنتِ لازم تحطين لك خطة احتياطية ..

من بعدها وكلامه ببالي ما نسيته ..

ومن ذاك اليوم لليوم وكلامه ببالي ..

حتى بعدين حطيت بـ بالي الطب لو ما قدرت أخش الهندسة

ويوم اكتشفت الهندسة ميب للبنات

اخترت جراحة الأعصاب على طول ..

وتذكرت لازم يكون عندي plan b وفعلا كنت أفكر أفتح شيء زي بندة

بـ كل مكان له فرع وكنت أحكي أخواني إنه أهم حاجة يكون أكبر أبو شيء بـ السعودية < أقصد مشروعي يعني

بعد كذا رح أروح دبي ومن دبي للعالم كله ..

في الأخير اكتشفت إن أنسب مكان لي هو الإدارة و الاقتصاد < بدون ما اقول لكم الهوشات اللي صارت قبل التسكين

بس هي الشيء ما يعني إني ما أنمي مهاراتي في كل شيء كنت أتمناه

مثلا الهندسة المعمارية أحب الرسوم الهندسية ..

مثلا الطب معلوماتي دايم تتجدد طبيا ..

وهيييك

^

الزبدة .. الواحد فينا لا يحط طاقته وجهوده بشيء واحد

لازم يحط له شيء احتياطي

عشان لما يصير ويتغير شيء ما ينهار الآدمي ومايكون فيه شيء بديل قدامه