تجمع المقبولين ادارة اعمال تنفيذي _1433 _1434

[iFATEN]

المشاركة الأصلية كتبت بواسطة Nada14 مرحبا فاتن .. شيكي الرابط ادناه نزلت الاجندة الخاصه بالبرنامج بس مو متاكدة اذا شامله الطالبات ولا بس للطلاب ؟؟ وياريت اذا احد عندو فكره يفيدنا .. http://emba.kau.edu.sa/Pages-emba-agenda-ar.aspx وشكرا جزيلا :)

هو باين الجدول لكل دفعات طلاب و طالبات جدة لان البرنامج واحد ..

لكن هذا فيه مستويات أكبر مننا حنا لسى مستوى أول

و غير كذا حنا ما راح ينزلون لنا الا 3 مواد بالترم

وباين من رموز المواد حقتنا تبدا من 601

http://emba.kau.edu.sa/content.aspx?...g=AR&cid=41987

مثل تدرج المواد هنا .. بالرابط

عموما انا مو متخوفة من شيء في بنات يقولون اول يوم في تسجيل يدوي و غير كذا بالجدول اللي ارسلوه لي ايميل فيه استلام كتب المقررات و هيك .. يعني يا خبر اليوم بفلوس باللقاء الاول ببلاش

الوعد يا زميلاتي البنوتات بعد 10 ايام ان شاء الله

[CHALLENGER]

السلام عليكم

جزااااكم الله الف خير على المعلومات و الاخبار

بس بسأل اخواتي البنات بمدينة جدة فاتن و هنادي و ندى, جاتكم رسائل على الجوال؟

لأنه ما جاني شيء منهم لحد الآن, الموضوع قالقني =(

كمان ابغى ادبر نفسي لأنه احياناً بيكون عندي دوام يوم الخميس فابغى استأذن من عملي

[Nada14]

المشاركة الأصلية كتبت بواسطة challenger السلام عليكم جزااااكم الله الف خير على المعلومات و الاخبار بس بسأل اخواتي البنات بمدينة جدة فاتن و هنادي و ندى, جاتكم رسائل على الجوال؟ لأنه ما جاني شيء منهم لحد الآن, الموضوع قالقني =( كمان ابغى ادبر نفسي لأنه احياناً بيكون عندي دوام يوم الخميس فابغى استأذن من عملي

اهلين حبيبي ,, بالنسبه ليا انا ماجاني شي عالجوال ..

انا اتصلت اليوم عالجامعه وقالولي لسه مو واضح اذا الجدول حينزل جاهز من عندهم ولا احنا اللي نسويه ..

وحيكون اول لقاء يوم 25 شوال - 3 العصر ..

واذا عرفت شي جديد حخبركم هنا :)

[iFATEN]

المشاركة الأصلية كتبت بواسطة challenger السلام عليكم جزااااكم الله الف خير على المعلومات و الاخبار بس بسأل اخواتي البنات بمدينة جدة فاتن و هنادي و ندى, جاتكم رسائل على الجوال؟ لأنه ما جاني شيء منهم لحد الآن, الموضوع قالقني =( كمان ابغى ادبر نفسي لأنه احياناً بيكون عندي دوام يوم الخميس فابغى استأذن من عملي

هلا عزيزتي

بخصوص مواعيد اللقاءات عشان الدوامات او اللي زي حالتي خارج جدة يضبط الحجز للطيران بناء على الجدول اللي نزلتة في احد ردودي فوق بناء عليه ضبطي إجازاتك او استئذانك الأربعاء من الساعه 3 المساء حتى الساعة 9
والخميس الصباح من 9 الى الساعه 4 العصر
والجمعة من الساعه 3 المساء لحد الساعة 6 المغرب

رتيب نفسك على هذه الحدود ، ما تبقى لنا الا اسماء المواد وعدد ساعاتها واستلام الكتب اول لقاء .. بخصوص المسجات لحد الان ما وصل لي شيء بس اذا وصل نعمل تسجيل للتمر الدراسي و نقدر نطبع جداول و نشوف الخطة .

اتوقع ان الوضع ان شاء الله غير مربك يقولون توقعي ما يجيك شيء الا باول لقاء يعني ما تشيلين هم خير بإذن الله